Sekaliya 14:18 - Baibo Busansulushi Bwa Libuku Ili

¹⁸ Na bene Ijipiti bakakake kunoocanika kuKusekelela kwa Shimpaka, mfula teshi bakanooibonaawo. Nkokwaamba ayi Mwaami Lesa ulaakubaletela mwaalu weenka uyo ngweshi akalosheshe bamumishobo yoonse abo beshi bakakake kuya mukucanika kuKusekelela kwa Shimpaka.

Sekaliya 14:18 Marejeleo ya Msalaba

Isaya 60:12

Ceebo bamucishi nabi mubulelo beshi bakabule kukusebensela, balaakuloba. Balaakunyonyoolwa cakumaninina.

Isaya 66:23

Lyalo bantu bamumishobo yoonse balaakunoosa kuJelusalemu mukulambila lyoonse panshiku sha kusekelela myeenshi ipya alimwi apanshiku shakookesha sha Cibelu.” Mwaami Lesa waamba.

Bene Lefi 23:34

“Lwiita bene Isilaeli ayi pabushiku bwalikumi ashosanwe mumweenshi wasanu ayobilo kusekelela kwa shimpaka ndikutalika, alimwi kulatola nshiku shosanwe ashobilo.

Mika 5:8

Abo beshibakacaaleewo pabamulunyungu lwakwe Jakobo, pakati ka mishobo iinji ya bantu, balaakuba anga ninkalamu ili pakati ka banyama bamuluundu. Balaakuba anga nkana ka nkalamu pakati ka mbelele ako kafwampila akukwamoona mbelele pakuya bweenda. Sombi taaku weenga wafuna mbelele isho.

Sekaliya 14:12

Mwaami Lesa ulaakuleta mwaalu uyoosha kubamumishobo yoonse abo balwana ndabala ya Jelusalemu. Mibili yabo ilaakuboola kabacili boomi. Ncakwiila meenso abo alaakuboolela mumakobo ayalo milaka yabo ilaakuboolela mumilomo yabo.

Sekaliya 14:15

Mwaalu uyoosha ulaakupola apamaaki, pashifubwa shili anga nimbongolo, pangamela, apambongolo. Ncakwiila ulaakupola pashifubwa shoonse mumisumba yoonse ya balwani babo.

Sekaliya 14:19

Uyu ulaakuba ngomulandu weshi ukapekwe bene Ijipiti alimwi bamumishobo yoonse abo beshi bakakake kucanika kuKusekelela kwa Shimpaka.