Sekaliya 14:11 - Baibo Busansulushi Bwa Libuku Ili

¹¹ Lyalo bantu balaakwikalaamo muluumuno. Ncakwiila ndabala ya Jelusalemu iyo teshi ikanyonyoolwewo tubili.

Sekaliya 14:11 Marejeleo ya Msalaba

Isaya 26:1

Pabushiku ubo bantu balaakwiimba lwiimbo ulu mucishi ca Juda ayi, “Tulicite ndabala inene iyumu, Lesa mwiine ngootabilila malinga a njiyo.

Isaya 60:18

Mucishi cako teshi mukanyumfwikewo tubili shankondo abucayi. Cishi cako teshi cikanyonyoolwewo tubili. Ndaakunookufunabo anga ndilinga liyumu, paceebo ceeco ulaakunumbaisha ceebo ndakupulusha.

Isaya 66:22

“Ono bweenka liculu lipya acishi ca panshi cipya isho nsheshi nkalenge mbweshi shikabe shamuyayaya, mbweeke ubo bamulunyungu lwanu aliina lyanu mbweshi shikabule kuloba.

Jelemiya 31:40

Kuswawaawo cinyika coonse uko kufukilwa bantu alimwi kusowelwa matombe amyuunda yoonse ili petala lya Kalonga ka Kidiloni kuya mukushika akuMwinjililo wa Liaki nkoubetele kwicwe, ulaakuba musena wangu usalalite. Ndabala inene iyi teshi ikapwayoolwewo tubili nabi kunyonyoolwa.”

Jelemiya 32:37

Ndaakubunganya bantu kuswa mushishi shoonse isho nsheshi nkabapalanganishisheemo mubukali bwangu buyoosha abuumbi. Lyalo ndaakubaboosha kumusena uno ayi banookala cakubula kulisukama.

Esekelo 37:26

Ndaakupanga cipangano ca luumuno ambabo. Cilaakuba cipangano calyoonse alyoonse. Ndaakushimpya bulelo bwabo akubafusha alimwi ndaakubika Ŋanda yangu pakati kabo kwalyoonse alyoonse.

Jowelo 3:17

Mwaami Lesa waamba ayi, “Ono nobene Isilaeli mulaakwishiba ayi ndimebo Mwaami Lesa, Lesa wanu. Ndekala paKalundu kasalalite ka Siyoni. Ndabala ya Jelusalemu ilaakuba ndabala isalalite. Baswamashi teshi bakeekomeewo, sobwe.

Jowelo 3:20

Bantu balaakunookala mucishi ca Juda lyoonse alyoonse amwalo mundabala ya Jelusalemu mulaakunookala bantu kwamashalane oonse.

Amosi 9:15

Ndaakushanga bene Isilaeli mucishi ncendakabapa. Ncakwiila taaku weshi akabatumunemo tubili. Nebo neMwaami Lesa, Lesa wanu ndaamba.”

Sekaliya 12:6

“Pabushiku ubo ndaakulengesha bamatanjilili ba bene Juda kuba anga nimbabula yabikwa pamulwi wa nkuni. Ee, kubabo anga ncimunimweenge cabikwa pamile ya bwiisu. Nkokwaamba ayi balaakunyonyoola mishobo yoonse ibashingulukite. Sombi balo bene Jelusalemu balaakunooshiitebo kwakubula cakulisukama mundabala yabo.

Sekaliya 2:4

akumulwiita ayi, “Cica uye ulwiite musankwa ulya cikula bwangu ayi, ‘Ndabala ya Jelusalemu teshi ikabeewo alubumbu ceebo ca kufula kwa bantu ashifubwa.

Sekaliya 8:13

Nobene Juda abene Isilaeli, kalekale baswamashi bakalinga kushingana womwi awomwi mukwaamba ayi, ‘Aamulokele mapensho eenka akacitikila bene Juda abene Isilaeli!’ Sombi nebo ndaakumupulusha. Lyalo baswamashi abo balaakwaambilana womwi awomwi ayi, ‘Tambula shoolwe isho shakapekwa bene Juda abene Isilaeli!’ Aboobo amuyumye myoyo, mutaloondi.”

Sekaliya 8:4

Mwaami Lesa waamba ayi, “Lyalo banakashi abasankwa bakulite cakucembela balaakunoocanika mumikwakwa ya ndabala ya Jelusalemu. Womwi awomwi pakati kabo ulaakunokweendesha kunkoli ceebo cakucembela.

Sekaliya 8:8

Ndaakubaboosha kwaamba ayi bakanookala muJelusalemu alimwi. Balaakuba bantu bangu anebo ndaakuba Lesa wabo ubalela cakushomeka alimwi cabululami.”

Shakubelenga 21:3

Mwaami Lesa wakabanyumfwa akubacafwa ayi bakome bene Kenani. Aboobo bene Isilaeli bakabanyonywetabo limwi pantu pomwi amandabala abo. Mpeeke musena uyo wakatumbwa ayi Oma.

Dutolonomi 33:28

Aboobo bene Isilaeli balekala muluumuno, bamulunyungu lwakwe Jakobo tabalokelwi kalongo mucishi muswite shili anga ngamaila awaini, uko mume nkooloka kuswa kwiculu.

Ciyubululo 21:4

Ulaakubakunkumuna minsonshi yoonse. Lufu teshi lukabeeko alimwi. Teshi kukabe buumba, kulila nabi kunyumfwa kucisa, mukwiinga shintu shikulukulu shoonse shashimingana.”

Ciyubululo 22:3

Mundabala iyo teshi mukacanike cintu nabi comwi ico Lesa ncaakashingana. Cuuna ca bwaami cakwe Lesa alimwi aMwanaambelele cilaakunooli mundabala inene iyi, mpeeke basebenshi bakwe balaakumulambila.