Sekaliya 11:16 - Baibo Busansulushi Bwa Libuku Ili

¹⁶ Ceebo ndisuni kuleta mweembeshi mucishi uyo weshi akanoobula kubikila maano kuli sheesho shisowekete, kuyandoola twaana, kushilika shalicisa nabi kusanina shili kabotu. Sombi lakwe ulaakunoolya nyama sha mbelele shiinite abuumbi akupwaya shoondo sha nshisho.

Sekaliya 11:16 Marejeleo ya Msalaba

Matalikilo 31:38

Ndekalaanu myaaka makumi obilo kushika sunu. Mbelele ampongo shanu teshakalinga kusansulaawo, alimwi nshikwe kulyaawo mbelele isankwa mulitanga lyanu.

Matalikilo 33:13

Jakobo wakakumbula ayi, “Mulishi kwaamba ayi banike tabacikoonshi kweenda. Alimwi ndyeelete kuyeeyela mbelele ashimwi shifubwa pantu pomwi abaana ba nshisho. Na caba cakwaamba ayi sheenda bushiku boonse cakuteemikanaawo, inga shamana kufwa.

Isaya 40:11

Ulaakunoolama litanga lyakwe lya mbelele anga ngumweembeshi. Ulafukatisha twana twa mbelele mumaansaakwe. Ulatunyamwita pacaamba kufwaafwi amoyo. Ashalo mbelele shine twaana uto ulashibinga cakabotu kabotu.

Jelemiya 23:2

Paceebo ceeco Mwaami Lesa, Lesa wa bene Isilaeli utookwaambila beembeshi abo beembela bantu bakwe ayi, “Ceebo mwakapalanganya litanga lyangu akulitanda, tamukwe kulilama, ndaakumupa mulandu ceebo ca bubi ubo mbomwakacita.

Jelemiya 23:22

Nibakeemikanaawo munkuta yangu, naakwiinga bakaambilisha maswi angu kubantu bangu. Munshila iyi naakwiinga bakabasandula kuswa kunshila shabo shibiibi alimwi akumicito yabo ibiibi.”

Esekelo 34:10

Nebo neMwaami Lesa Shinkusu shoonse ndaamba ayi, ‘Nobeembeshi, ndaakumulwana akumupa mulandu palitanga lyangu. Ndaakumukasha kulama litanga langu kwaamba ayi mwebo mutakaliwo tubili mbelele sha ndilyo. Ndaakushifuna kumilomo yanu. Ncakwiila teshi mukashilyewo tubili.

Esekelo 34:16

“ ‘Ndaakuyandoola shisowekete akuboosha shakaswa mulitanga. Ndakwaanga shilonda sha sheesho shakalicisa, kuyumya shilefukite, sombi shiinite ashicite nkusu ndaakushinyonyoola. Ndakweembela mbelele shangu cabululami.

Esekelo 34:21

Mwakalinga kuyasa shilwashi ameeca anu tibili mwashitanda mulitanga.

Danyelo 11:36

“Mwaami wa bene Silya ulaakucita cili coonse ncaasuni. Ulaakulisumpula akulipa bulemu kwiinda pabalesa boonse alimwi ulaakucobola aLesa Wiindaawo pabalesa boonse. Ulaakucita boobo kushikila ciindi ca bukali bakwe Lesa cikeende mukwiinga Lesa ulaakucita ceenka ico ncaakayeeya.

Joni 10:1

Jesu wakaamba ayi, “Ntoomulwiita calushinisho ayi muntu utanjilili kumulyango wa cimpati ca mbelele, sombi watantilabo pamwi, ngumwiipi alimwi ngumupambi.