Sekaliya 11:14 - Baibo Busansulushi Bwa Libuku Ili

¹⁴ Kuswawaawo ndakatyola nkoli imwi iyo yakalinga kwiitwa ayi, “Kucatana” kutondesha kumana kwa mukowa wakalinga pakati ka bene Juda alimwi abene Isilaeli.

Sekaliya 11:14 Marejeleo ya Msalaba

Isaya 11:13

Munyono wa bene Efuleemu ulaakumana. Balwani ba bene Juda balaakunyonyoolwa. Bene Efuleemu teshi bakafwitewo munyono bene Juda, abalo bene Juda teshi bakalwanewo bene Efuleemu.

Isaya 9:21

Bene Manase abene Efuleemu babukilana beene abeene. Kuswawaawo bacatana pomwi akulwana bene Juda. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Esekelo 37:22

Kuswawaawo ndaakubalengesha kuba mushobo womwi mucishi ico cili patulundu twa Isilaeli. Kulaakubabo mwaami womwi pakati kabo boonse. Teshi bakabewo tubili mishobo yobilo nabi kwaabanishikwa mumalelo obilo.

Sekaliya 11:6

Paceebo ceeci teshi nkabanyumfwilewo nkumbu bantu ba mucishi ici. Muntu woonse ndaakumwaaba kuli shikamukobonyina akumwaami wakwe. Bantu aba balaakubalyatilila, sombi nebo teshi nkabafuneewo sobwe. Nebo neMwaami Lesa ndaamba.”

Sekaliya 11:7

Abo bakalinga kuula mbelele akushuulisha bakampa ncito yakusheembela. Ndakatalika kweembela mbelele isho shakalinga kweelete kucaikwa. Lyalo ndakabwesa nkoli shobilo akwiita imwi ayi, “Nkumbu,” ayalo imwi ayi, “Kucatana.” Kuswawaawo ndakeembela mbelele isho kabotu.

Sekaliya 11:9

Aboobo ndakaambila litanga ayi, “Teshi nkabe tubili mweembeshi wanu. Isho sheelete kufwa, kashifwabo. Isho sheelete kunyonyoolwa, kashinyonyoolwabo. Ashalo isho sheshi shikacaaleewo, shilaakunoolyaana.”

Mateyo 24:10

Ciindi ico, bantu baanji balaakucileka kushoma. Balaakutalika kulyaaba akupatana beene abeene.

Maako 3:24

Na cishi calyaabanya mushipansha akutalika kulwana shiine, cishi ico cilawa.

Bene Galatiya 5:15

Ono na kamwikala anga mbanyama ba muluundu abo balumana akulyaana, mulyeelete kucenjela mukwiinga inga mwaakunyonyoolana nobeene.

Jemusi 3:14

Ono na mumyoyo yanu muli munyono uyoosha alimwi akulisuna, mutacoboli lushinisho kwiinda mukulilumbaisha ayi muli basongo.

Jemusi 3:16

Mukwiinga apo pali munyono akulisuna, pali akutanyumfwana alimwi abubi bwa mushobo uli woonse.