Sekaliya 11:12 - Baibo Busansulushi Bwa Libuku Ili

¹² Kuswawaawo ndakabaambila ayi, “Na mwacibona ayi ncibotu kuli ndimwe kumfolesha, amumfoleshe. Ono na tamusuni, mutamfoleshiiwo, sobwe.” Mpeeke bakamfolesha maali a silifa makumi otatwe.

Sekaliya 11:12 Marejeleo ya Msalaba

Matalikilo 23:16

Abulaamu wakasumina akupima mweelo wa maali ayo Efuloni ngwaakaamba bantu bamwi boonse kabanyumfwite. Mweelo uyo wakalinga myaanda yone ya maali asilifa kweelana acipimo ca beshimakwebo.

Matalikilo 37:28

Lyalo beshimakwebo bamwi bene Midyani ndibakashika pafwaafwi, bamakwabo bakamukwelaamo mumukalo akumuulisha maali asilifa ali makumi obilo kubene Ishimaeli abo bakamutola kuIjipiti.

1 Baami 21:2

Bumwi bushiku Aabu wakaambila Naboti ayi, “Mpebo muunda wako wa minyansa mukwiinga uli pafwaafwi aŋanda yangu. Ndisuni kwaamba ayi nkashangeemo bucisa. Ndaakukupa muunda wa minyansa wiindaawo kubota pamuunda wako. Ono na koosuni inga wangulisha pamweelo uli woonse ngoosuni.”

1 Baami 5:6

Ono amutume bantu banu kuLebanoni bakantimbwiteeko shisamu sha sida. Bantu bangu balaakunoosebensa abaanu, alimwi ndaakulipila bantu banu shoonse nsheshi muyeeye. Mbuli mbomwishi, bantu bangu tabacishi kutimbula shisamu mbuli bantu banu bene Sidoni.”

2 Makani 30:4

Muyeeyo uyo wakasangalasha mwaami abantu boonse.

Kulonga 21:32

Na mucende uyo wayasa musha musankwa nabi mwanakashi, mufubi ulyeelete kulipila mwaami wa musha uyo maali a silifa ali makumi otatwe. Alakwe mucende ulyeelete kucaikwa kumabwe.

Jelemiya 32:9

Aboobo ndakoola muunda uyo wakwe Anamelo mupyala wangu uyo wakalinga kuAnatoti. Ndakapima maali pacakupimishaako akumupa. Maali a silifa ayo ngondakamupa akalinga likumi amaali osanwe aobilo.

Bene Lefi 27:4

Mwanakashi munene ulyeelete kulipilishikwa maali a silifa ali makumi otatwe.

Malaki 3:5

Mwaami Lesa Shinkusu shoonse utokwaamba ayi, “Ndaakwisa pakati kanu cakutasowa ciindi mukoombolosha. Ndaakushinina beshimampelampela, beshibulale, beshikupa bukamboni bwakubeca, banyengelela beshincito pamaali ngobafola, abaabo banyengelela bamukalubinje banakashi, bana banshiwa alimwi abaswamashi. Nkokwaamba ayi ndaakushinina boonse batandemeki.

Mateyo 26:15

akwiipusha ayi, “Ino inga mwampanshi na ndaaba Jesu kuli ndimwe?” Mpeeke bakabelenga maali asilifa ali makumi otatwe.

Mateyo 27:10

akuula muunda wa mubumbi bweenka mbuli mbwaakandwiita Mwaami Lesa.”

Mateyo 27:9

Lyalo cakacitika cancinencine cakaamba Jelemiya mulaluki mukulukulu ayi, “Bakabwesa maali a silifa makumi otatwe, mweelo ngobakasumininshanya kumuula bene Isilaeli,

Joni 13:2

Jesu abashikwiiya bakwe ndibakalinga kulya mulalilo, Mubiibi wakalinga wabika kale muyeeyo muli Judasi, mwanaakwe Simoni Isikalyoti, wakaaba Jesu kubalwani.