Sekaliya 11:11 - Baibo Busansulushi Bwa Libuku Ili

¹¹ Aboobo pabushiku ubo cipangano cakamanishikwa. Lyalo abo bakalinga kuula mbelele akushuulisha abo bakalinga kunjebela, bakeshiba ayi Mwaami Lesa utokwaambila musheesho nshendakacita.

Sekaliya 11:11 Marejeleo ya Msalaba

2 Makani 9:14

Mweelo uyo tewakalinga kubelengelaako misonko yakalinga kuswa kubasulishi, beshimakwebo, bamaami bene Alebya alimwi akubeendeleshi ba shipansha sha cishi ca Isilaeli.

Kulumbaisha 69:33

Mwaami Lesa ulakutika kusenga kwa baabo bapengete, alimwi taaluubi baabo bali muntolongo.

Isaya 14:32

Anu tutoobakumbula ayinshi beshinkombe bene Filisiti? Tutoobaambila ayi, “Mwaami Lesa weemika ndabala ya Siyoni kwaamba bantu bakwe batoopenga bakapulukile nkuko.”

Isaya 40:31

Sombi bacinkite manungo muMwaami Lesa, balaakunoopekwa nkusu shipya paciindi aciindi. Balaakunooya cuulukoolukabo anga ngumumbankwashi. Balaakunoocica, sombi teshi bakanookopokaawo. Balaakunokweendaana, sombi teshi bakanoowisukaawo kukulema.

Isaya 8:17

Mwaami Lesa walishisa kubamulunyungu lwakwe Jakobo. Nakubi boobo nebo ndicinkite manungo muli nguwe. Kulangila kwangu mweshi kunoobete.

Jelemiya 32:8

Ono bweenka bwakaamba Mwaami Lesa, Anamelo wakesa mukumbona kulubansa lwa ŋanda ya bwaami akunsenga ayi ngule muunda wakwe. Paceebo ceeco ndakeshiba ayi maswi alya ncakwiila akaswa kuMwaami Lesa.

Mika 7:7

Sombi nebo ndanoolangila lucafwo kuswa kuMwaami Lesa. Ndanoolindila Lesa Mupulushi wangu. Ndushinisho Lesa wangu ulaakunkutika.

Sefaniya 3:12

Ndaakushiyamobo beshikulibombya abeshikuliceesha mundabala yanu, ee, bantu abo bacinkite manungo muliina lyangu nebo neMwaami Lesa.

Luka 19:48

Sombi tabakwe kwiicana mukwiinga bantu boonse bakalinga kusuni abuumbi kunyumfwa nshaakalinga kwaamba.

Luka 2:25

Ono muJelusalemu mwakalinga muntu wakalinga kwiitwa ayi Simyoni. Wakalinga muntu usalalite ulemeka Lesa alimwi wakalinga kulangila kupulushikwa kwa bene Isilaeli. Mushimu Usalashi wakalinga pali nguwe.

Luka 2:38

Ceenka ici ciindi Jesu ndyaakatolwa, Ana wakashika walumba Lesa akwaamba makani pamwaana uyo kuli baabo boonse bakalinga kulindilila kupulushikwa kwa Jelusalemu.

Luka 23:51

alimwi wakalinga kulangilabo Bweene bwakwe Lesa. Nakubi kwaamba ayi alakwe wakalinga mweendeleshi wa munkuta ya baJuda, taakalinga kusumina miyeeyo amicito imwi ya beendeleshinyina.

Luka 7:22

Lyalo Jesu wakakumbula bashikwiiya bakwe Joni ayi, “Kamuya mukalwiite Joni shoonse nshimwabona akunyumfwa, boofu batoolasha, balema myeendo batokweenda, beshimanata batooba kabotu, bashinkite matwi batoonyumfwa, bafu batoobushikwa alimwi bakandu mumushimu batooshimikilwa Makani Abotu.

Dutolonomi 31:21

Mapensho aanji aakubapolela, lwiimbo ulu lulaakunokwiimbwa akuba bukamboni bwakubashinina, mukwiinga bamulunyungu lwabo teshi bakaluluube. Nebo ndishi shoonse nsheshi bakacite, nacibi kwaamba ayi nshina kubashisha mucishi ico ncendakashomesha cakulumbila kubapa.”

Dutolonomi 31:29

Mukwiinga ndishi ayi ndaakufwa, balaakutalika kubisha akukaka nshendabalwiita. Mpeeke munshiku shitoosa, balaakupolelwa mapensho ceebo ca kubisha kunembo lya Mwaami Lesa akumukalasha kwiinda mukucita sheesho nshaakabakasha.”