Sekaliya 1:17 - Baibo Busansulushi Bwa Libuku Ili

¹⁷ Lyalo munjelo wakandwiita ayi, “Ambilisha kubantu ayi, ‘Mwaami Lesa waamba ayi mandabala anene akwe alaakuswitilila alimwi. Ulaakucafwa Jelusalemu akwiisaala ayi ibe ndabala yakwe mwiine.’ ”

Sekaliya 1:17 Marejeleo ya Msalaba

2 Makani 6:6

Sombi ono ndasala ndabala ya Jelusalemu kwaamba ayi ibe musena mweshi noolambililwa alimwi ndakasalabo ndiwe Defedi kwaamba ayi ube muleli wa bantu bangu.’ ”

Neyemiya 11:20

Bene Isilaeli bamwi boonse, bapailishi abene Lefi bamwi bakekala pashipansha shakwe sha cishi mumandabala amwi a mucishi ca Juda.

Neyemiya 11:3

Bene Isilaeli bamwi, bapailishi, bene Lefi, basebenshi ba kuŊanda yakwe Lesa alimwi abamulunyungu lwa basebenshi bakwe Solomoni bakekala mumandabala a mucishi ca Juda, womwi awomwi pacipansha cakwe ca cishi. Bamatanjilili ba mucishi ca Juda abo bakalinga kwikala muJelusalemu mbaaba:

Kulumbaisha 69:35

Lesa ulaakupulusha Siyoni, akuyakulula mandabala a muJuda. Cishi ico cilaakuba ca bantu bakwe ceebo mbweshi bakekaaleemo.

Isaya 14:1

Mwaami Lesa ulaakunyumfwila nkumbu bamulunyungu lwakwe Jakobo. Ulaakusala bene Isilaeli alimwi akubaboosha ayi bekale mucishi cabo. Baswamashi balaakwisa mukwikalaabo mucishi cabo akukakatila kuli mbabo.

Isaya 44:26

Sombi na musebenshi wangu walaluka shakunembo, ee, na ndatuma shinkombe wangu kuyubulula nshendabamba, ndime nengesha shintu isho kucitika cancinencine. Ndime ŋamba pandabala ya Jelusalemu ayi bantu balaakuya mukwikalaamo alimwi. Ndaamba apacishi ca Juda ayi mandabala a mumo alaakuyakululwa alimwi. Ee, kuyakululwa nabi ngamatongobo.

Isaya 49:13

Amwiimbe cakusangalala mwebo nomaculu! Olobesha cakukondwa awebo ocishi ca panshi. Ashinyumfwike nyimbo kuli ndimwe notulundu ceebo Mwaami Lesa woombulusha bantu bakwe alimwi alaakunyumfwila nkumbu abo batoopenshekwa.

Isaya 51:12

Mwaami Lesa waamba ayi, “Nebo ee, nebo neenka ndime muumbulushi. Ceebonshi mutooloonda bantubo abo balibo anga mbwiisu,

Isaya 51:3

“Ndaakunyumfwila nkumbu ndabala ya Jelusalemu abaabo boonse bekala mumatongo a njiyo. Nakubi kwaamba ayi cishi ca njiyo nduyanga, ndaakucilengesha kuba anga muEdeni. Ncakwiila cilaakusandulwa kuba anga ngumuunda wa Mwaami Lesa. Bantu uko balaakunoosangalala akukondwa. Balaakunoolumba alimwi balaakunokwiimba.

Isaya 52:9

Amusangalale akwiimba nyimbo noonse pantu pomwi nomatongo a ndabala ya Jelusalemu. Mwaami Lesa woombulusha bantu bakwe kwiinda mukufuna ndabala ya Jelusalemu.

Isaya 54:8

Kwaciindi ciniini ndakamufutatila ceebo ndakakalala. Sombi ndaakukutondesha lusuno lwangu kwamuyayaya.” Mwaami Lesa Shikumulubula waamba.

Isaya 66:13

Bweenka mwanakashi mbwaaumbulusha mwanaakwe mbweeke ubo anebo mbweshi nkamuumbulushe. Minsonshi yanu pandabala ya Jelusalemu ndaakwiimana.

Jelemiya 31:13

Bamyooye balaakushana akusangalala. Basankwa bacikula bwangu alimwi abamanene abalo balaakusangalala. Kulila kwabo ndaakukusandula kukabe kusangalala. Ndaakuboombulusha akubasangalasha mumusena wakubapa buumba.

Jelemiya 33:13

Nkokwaamba ayi mandabala a mucishi ca tulundu, a mutulundu tuniini twa kumbo, a muNegefu, a mucishi cakwe Benjameni, mumishi ishingulukite Jelusalemu alimwi amumandabala a mucishi ca Juda, beembeshi balaakunoobelengelamo mbelele shabo alimwi. Nebo neMwaami Lesa ndaamba.”

Jelemiya 33:9

Ndabala inene ya Jelusalemu ilaakundetela mpuwo, kusangalala, kulumbaishikwa alimwi abulemu kunembo lya mishobo yoonse ya pacishi ca panshi. Lyalo mishobo ilaakuloonda akututuma pakunyumfwa shintu shibotu nsheshi nkacitile bene Jelusalemu alimwi ambweshi nkabalengeshe kuswitilila akwikala muluumuno.’ ”

Esekelo 36:33

Mwaami Lesa Shinkusu shoonse waamba ayi, “Bushiku mbweshi nkamusalashe kuswa kushibiibi shanu shoonse, ndaakulengesha ayi mumandabala anu mukanookala bantu alimwi, aalo maanda alaakuyakululwa.

Amosi 9:14

Ndaakuboosha bantu bangu bene Isilaeli abo bakatolwa busha. Balaakuyakulula mandabala oonse akanyonyoolwa akwikala muli ngawo. Balaakulima myuunda ya minyansa akunwa waini weshi ukanooswa muli njiyo. Ncakwiila balaakunoolima myuunda ya shisepo akulya shisepo sha njiyo beene.

Obadiya 1:20

Likoto lya bene Isilaeli bakaloboka, abo bali muKenani, balaakubwesa cishi kweela kuSalefati. Bakaloboka kuswa muJelusalemu, abo bali muSefaladi, balaakubwesa mandabala a bakuNegefu.

Sekaliya 1:14

Mpomunyaawo munjelo wakandwiita ayi, “Ambilisha maswi akaamba Mwaami Lesa Shinkusu shoonse ayi, ‘Jelusalemu ndabala yangu inene isalalite ndiisuni alimwi ndeebikaako maano.

Sekaliya 1:18

Mucili anga nciloto cimwi ndakabona meeca one.

Sekaliya 2:12

Lyalo cishi ca Juda cilaakuba cipansha Mwaami Lesa ncaasuni abuumbi mucishi cakwe cisalalite. Ndabala ya Jelusalemu ilaakuba njendabala njeshi akanoosuni kwiinda mandabala amwi oonse.

Sekaliya 2:4

akumulwiita ayi, “Cica uye ulwiite musankwa ulya cikula bwangu ayi, ‘Ndabala ya Jelusalemu teshi ikabeewo alubumbu ceebo ca kufula kwa bantu ashifubwa.

Sekaliya 3:2

Mpeeke munjelo wa Mwaami Lesa wakaambila Satana ayi, “Mwaami Lesa aakukalalile. Ncakwiila Mwaami Lesa uyo usunishi ndabala ya Jelusalemu aakukalalile! Musankwa uyu ulibo anga ndukuni lwayokolwa mumulilo.”

Bene Efeso 1:4

Lesa kaatana kulenga cishi, wakalinga kutusalite kale kwiinda muli Klistu kwaamba ayi tukabe bantu basalalite, batacite kampenda pameenso akwe. Ceebo ca lusuno lwakwe,