Sekaliya 1:15 - Baibo Busansulushi Bwa Libuku Ili

¹⁵ Sombi ndikalalite abuumbi pamishobo iyo ishiite cakuliiba. Mukwiinga ndindakalinga kukalalite paniini pabantu bangu, bantu balo abo bakeelikaawo mapensho pali mbabo.

Sekaliya 1:15 Marejeleo ya Msalaba

Jobo 30:13

Bashinkila nshila yangu yakulobokelaamo. Baswitilila mumiyeeyo yabo yakunyonyoola kwakubula nabi womwi ubakashaako.

Kulumbaisha 123:4

Twaana kucelebulwa kubantu babile, akushibulukwa kubantu balisumpula.

Kulumbaisha 137:7

NoBaami baLesa, amwiibaluke shakacita bene Edomu bushiku bulya bwakanyonyoolwa Jelusalemu. Amwiibaluke mbobakalinga kwaamba ayi, “Amwiimwaaye, amwiimwaaye tibili akulwiimbi!”

Kulumbaisha 69:26

ceebo balapensha baabo mbomwakapa mulandu, akwiilika mapensho pabaabo mbomwakacisa.

Isaya 54:8

Kwaciindi ciniini ndakamufutatila ceebo ndakakalala. Sombi ndaakukutondesha lusuno lwangu kwamuyayaya.” Mwaami Lesa Shikumulubula waamba.

Jelemiya 30:16

“Sombi abo boonse beshibakamunyonyoole, abalo balaakunyonyoolwa. Ncakwiila balwani banu boonse balaakutolwa busha. Abo bamusaala abalo balaakusaalwa. Boonse bamwiipila shintu, ndaakubalengesha kwiipilwa abalo.

Jelemiya 50:33

Mwaami Lesa Shinkusu shoonse waamba ayi, “Bene Isilaeli abene Juda balyatililwa. Abo bakabatola busha batoobalama cakutabashiila musena, ee, cakutabalekaawo ayi baloboke, sobwe.

Jelemiya 51:24

Mwaami Lesa waamba ayi, “Ndaakuboosha cishole kucishi ca Babiloni abantu ba ncico mumeenso anu ceebo cakubisha nkobakacita muJelusalemu.

Esekelo 26:2

“Webo omuntu, bene Taya bakaseka ndabala ya Jelusalemu mukwaamba ayi, ‘Amubone! Ndabala ya Jelusalemu yamwayoolwa! Nkusu shakucita makwebo shamana! Teshi tukapikishanye akwe tubili.’

Amosi 6:1

Mapensho kuli ndimwe nomushiite kwakubula cakulisukama muSiyoni, alimwi amwebo nomushiite muluumuno paKalundu ka Samaliya, nobacinenenene ba mushobo unene wa bene Isilaeli, uko bantu nkobacicila mukusenga lucafwo.

Abakuku 3:12

Mubukali bwanu mwakeenda kucilingana cishi ca panshi. Ncakwiila mubukali bwanu buyoosha mwakalyatoola bantu bamumishobo yoonse.

Sekaliya 1:11

Lyalo beshikutanta pamaaki bakaluula kumunjelo uyo wakalinga kwiimfwi pakati ka shisamu sha masompe ayi, “Tweendaana mucishi coonse akucana kwaamba ayi cishi coonse ca panshi citokookesha muluumuno.”

Sekaliya 1:2

Mwaami wakaambila nebo neSekaliya kulwiita bantu ayi, “Nebo neMwaami Lesa, ndakakalala abuumbi pabamashali banu bakulukulu.

Sekaliya 14:12

Mwaami Lesa ulaakuleta mwaalu uyoosha kubamumishobo yoonse abo balwana ndabala ya Jelusalemu. Mibili yabo ilaakuboola kabacili boomi. Ncakwiila meenso abo alaakuboolela mumakobo ayalo milaka yabo ilaakuboolela mumilomo yabo.

Sekaliya 6:8

Mpomunyaawo munjelo uyo wakoolobesha kuli ndime ayi, “Maaki ayo akaya kumatwa kuBabiloni aya mukutontosha bukali bwa Mwaami Lesa.”