Sekaliya 1:14 - Baibo Busansulushi Bwa Libuku Ili

¹⁴ Mpomunyaawo munjelo wakandwiita ayi, “Ambilisha maswi akaamba Mwaami Lesa Shinkusu shoonse ayi, ‘Jelusalemu ndabala yangu inene isalalite ndiisuni alimwi ndeebikaako maano.

Sekaliya 1:14 Marejeleo ya Msalaba

Isaya 37:32

Ceebo muJelusalemu mulaakuba bantu beshi bakacaaleewo. Ncakwiila kuKalundu ka Siyoni kulaakuswa likoto lya beshi bakapuluke. Nkusu sha Mwaami Lesa Shinkusu shoonse nsheshi shikashiciite.

Isaya 38:22

Mpeeke Esekiya wakeepusha Isaya ayi, “Citondeshonshi nceshi mbone kwaamba ayi ndaakuba kabotu akuya kuŊanda yakwe Lesa alimwi?”

Isaya 40:1

Lesa wanu waamba ayi, “Amuumbulushe bantu bangu.

Isaya 40:2

Amuyumyeyumye bantu bangu. Mubaambile ayi bapenga paboneka. Ono shibiibi shabo shalekelelwa. Ncakwiila ndakabapa mulandu kweelana ashibiibi shabo shoonse.”

Isaya 40:6

Liswi lyaamba ayi, “Olobesha.” Anebo ndakakumbula ayi, “Ngolobeshenshi?” Olobesha ayi, “Bantu boonse bali anga mbwiisu, abwalo bulemu bwabo bulibo anga mbwa maluba a muluundu.

Isaya 42:13

Mwaami Lesa ulaya kunkondo mbuli muntu ucibwene kulwana. Ulalikalasha akulibambila kulwana bweenka bucita shilumamba mwiine mwiine. Ulaakoolobesha kutondesha ayi nkondo yatalika, ndushinisho ulaakukoma balwani bakwe.

Isaya 59:17

Mpeeke wakafwala bululami anga ncakufwala ca pacaamba ca nkondo Kumutwi wakafwalaako lupulusho anga ncimpoompo. Kuyanda kuboosha cishole kubalwani bakwe akwalo wakakufwala akufwala moyo mpwampwa anga ncakufwala cakwe ca peculu.

Isaya 63:15

NoBaami baLesa, amutulangilishe kwiculu uko, ee, kumusena wanu usalalite alimwi kwabulemu uko. Ino ono kulama kwanu pali ndiswe kuli kuli? Ashalo nkusu shanu shili kuli? Lusuno lwanu ankuumbu mwashitalamusha kuswa kuli ndiswe.

Isaya 9:7

Nkusu shakwe sha bwaami aluumuno shilaakutolelela kukula. Ulaakwikala pacuuna cakwe Defedi ca bwaami akweendelesha bulelo bwakwe. Ulaakunoolela cabululami akoombolosha cakutanyengelela kuswa bobulya kushikila kwalyoonse alyoonse. Mwaami Lesa Shinkusu shoonse washinisha kwaamba ayi shintu ishi shoonse ulaakushicita.

Esekelo 36:5

“Nebo neMwaami Lesa Shinkusu shoonse ndaamba ayi, ‘Ntookalalila mishobo imwi yoonse mubukali bwangu buyoosha, bunene bunene kwaambila bene Edomu. Ntoocita boobo ceebo bakabwesa cishi cangu kwaamba ayi basaale mafulo a ncico cakusangalala amusebaanyo.’

Osiya 11:8

“Anu inga ndakukakilanshi Efuleemu? Anu inga ndakwaabilanshi Isilaeli? Sa inga ndakunyonyoola bweenka mbondakacita Adima? Anu inga ndacita buyani kuli ndiwe bweenka mbondakacita Seboimu? Moyo wangu tookoonshi kunsuminisha kucita boobo. Lusuno lwangu pali ndiwe ndunene abuumbi!

Jowelo 2:18

Ono Mwaami Lesa ulaakubika maano kucishi cakwe. Ncakwiila ulaakunyumfwila nkumbu bantu bakwe.

Naamu 1:2

Lesa ngushibusuba alimwi ngushikuboosha cishole. Mwaami Lesa ulaboosha cishole alimwi ngumukali abuumbi. Mwaami Lesa ulaboosha cishole kubaabo bamupatite alimwi ulatolelela kukalala kubalwani bakwe.

Sekaliya 1:13

Mwaami Lesa wakakumbula munjelo maswi abotu akuumbulusha.

Sekaliya 1:17

Lyalo munjelo wakandwiita ayi, “Ambilisha kubantu ayi, ‘Mwaami Lesa waamba ayi mandabala anene akwe alaakuswitilila alimwi. Ulaakucafwa Jelusalemu akwiisaala ayi ibe ndabala yakwe mwiine.’ ”

Sekaliya 1:9

Ono ndakeepusha ayi, “Nkambo, ino maaki aya atokwaambanshi?” Munjelo uyo wakalinga kubandika anebo wakankumbula ayi, “Ntookubonesha ncaatokwaamba.”

Sekaliya 4:1

Mpomunyaawo munjelo ulya wakalinga kubandika anebo, wakesa alimwi kuli ndime akumbusha anga ndalinga kulete.