Sefaniya 2:2 - Baibo Busansulushi Bwa Libuku Ili

² kacitana kushika ciindi cakasalwa, kamutana kunyana akufwa anga ndiluba, kabutana kwisa bukali bwa Mwaami Lesa pali ndimwe.

Sefaniya 2:2 Marejeleo ya Msalaba

Naamu 1:6

Ngani weenga weemikana kubukali bwakwe? Ngani ukonsha kwiimikana kubukali buyoosha? Bukali bwakwe bulanyaka anga ngumulilo. Mabwe oonse alapwayooka kunembo lyakwe.

Osiya 13:3

Paceebo ceeco balaakuba anga ngushikunku wa macuunsa, ee, anga ngumume uyo upalangana na lwabala. Ncakwiila balaakuba anga mbuungu butolwa amuuwo kulubansa lwakulupwitaawo nabi anga mbwiishi butooswita pambwelyo.

Malilo 4:11

Mwaami Lesa wakusha bukali bwakwe boonse, ee, wapoomona bukali bwakwe buyoosha. Wakanyansha mulilo mundabala ya Siyoni uyo wakeetenta cakushika akulwiimbi lwa njiyo.

Isaya 17:13

Sombi nabi bayoome anga nciwuutila ca maaba ayoosha, baloondomokelabo kulaale na Lesa wabakalalila. Balayabo kulaale bweenka buungu mbobuululuka kumuuwo pakalundu, nabi anga mbwiisu mbobuya kukapupuulwa.

Kulumbaisha 1:4

Sombi kubeshikubisha tabwishi mbocibete ubo! Mukwiinga balo bali anga mbuungu ubo buyabo amuuwo.

Sefaniya 3:8

Mwaami Lesa waamba ayi, “Amulindile bushiku mbweshi nkanyamuke kushinina mishobo. Ntooyeeya kwaamba ayi mbunganye mishobo yoonse, akuyobolola malelo oonse. Ndaakutila bukali bwangu pali mbabo, ee, bukali bwangu buyoosha. Ncakwiila cishi coonse ca panshi cilaakushukuta kubukali bwangu bunyaka anga ngumulilo.

Sefaniya 1:18

Silifa nabi golodi wabo teshi shikabafuneewo pabushiku ubo Mwaami Lesa ndyeshi akatondeshe bukali bwakwe. Mubukali bwakwe butenta anga ngumulilo cishi ca panshi cilaakunyonyoolwa coonse. Ulaakucinyonyoola cakufwambaana abantu boonse bekalaamo.

Jobo 21:18

Ngamankanda ongaye ndibapepelushikwa kumuuwo anga mbwiisu? Ee, ngamankanda ongaye ndibaba anga mbuungu buya acipuupu cinene?

Mateyo 24:35

Liculu alimwi acishi ca panshi shilaakumana, sombi maswi angu teshi akamaneewo, sobwe.

Esekelo 12:25

Mukwiinga nebo nemwiine neMwaami Lesa ndimeshi nkanokwaamba alimwi isho nsheshi nkanokwaamba shilaakunoocitika cakutasowaawo ciindi, sobwe. Munshiku shanu mwebo nobamumushobo waashu, ndaakucita kulila coonse ico nceendakaamba. Nebo neMwaami Lesa Shinkusu shoonse ndaamba.”

Jelemiya 23:20

Bukali bwangu teshi bukamaneewo kushikila bukacite shoonse nsheensuni. Munshiku shitoosa, bantu bangu balaakunyumfwisha cikani ici.

Kulumbaisha 50:22

“Amukutike ono mwebo nomumbikila minsuula, kwaamba ayi ntamunyonyooli, lyalo taaku eshi akamufune!

Kulumbaisha 2:12

mukwiinga inga mwabusha kalete cakufwambaana, aboobo mulaakufwa cakuteengashila. Balicite coolwe abo boonse baya mukuyuba kuli nguwe.

Jelemiya 4:4

Amushomeke kucipangano ncendakapanga amwebo nebo neMwaami Lesa. Nobene Juda abene Jelusalemu, amwaabe myoyo yanu kuli ndime. Na mubule kucita boobo, bukali bwangu bulaakunyaka anga ngumulilo ceebo ca shibiibi nshemwakacita. Ndushinisho bulaakunyaka cakubula aubushimya.