Sefaniya 1:9 - Baibo Busansulushi Bwa Libuku Ili

⁹ Pabushiku bweenka ubo ndaakunyonyoola boonse abo balambila anga mbakunsengwe ee, abo beepa akucaya kwaamba ayi basushe shintu muŋanda ya mwaami wabo ngobalambila.”

Sefaniya 1:9 Marejeleo ya Msalaba

Neyemiya 5:15

Beendeleshi bakataanguna kulela nebo kaantana kubaawo bakalinga kulemya bantu. Bakalinga kubasesa maali a silifa ali 40 pabushiku abushiku a cakulya awaini. Abalo basebenshi babo bakalinga kulyatilila bantu. Sombi nebo nshindakalinga kucita boobo mukwiinga ndaloonda Lesa.

Tushimpi 29:12

Na muleli wanyumfwila makani abubeshi, bacinenenene bakwe boonse balaba bamucita shibi.

Jelemiya 5:27

Ono bweenka mbuli shikuteya tuyuni mbwaasusha cinsangala atuyuni, mbweeke ubo maandaabo mbwaaswite shintu shakusaala. Ncakwiila bakabila akuba ankusu shiinji.

Amosi 3:10

Mwaami Lesa waamba ayi, “Bantu abo balasusha malinga ashintu shakusaala. Tabacishi kucita shintu shiluleme, napaceyi.”

Mika 6:12

Bantu bako babile balisuni nkondo alimwi bantu bako bamwi boonse mbabeshi. Milaka yabo ilaamba shabubeshi.

Sekaliya 5:6

Mpeeke ndakamwiipusha ayi, “Ino nciinshi?” Alakwe wakankumbula ayi, “Ngumutaanga wakupimishaako uyo utokwiimikanina shibiibi sha mucishi coonse.”

Milimo ya Batumwi 16:19

Lyalo bene musha uyo ndibakabona ayi teshi anoobacanina maali, bakakalala akucata Paulo aSailasi akubatola kuboomboloshi mumusena wakalinga kucanika bantu baanji.

Boomboloshi 19:27

Ono ibaye ndyaakabuka, wakacalula cisasa kwaamba ayi atolelele alweendo lwakwe, wakabona kasuwa wakwe kaalete pamulyango, maansa kacite kucisasa.

1 Samwelo 5:5

Nceceeco bapailishi bakwe Dagoni abeshikumulambila ncibasotokela pamulyango alimwi tabalyatiiwo kushikila asunu.