Sefaniya 1:8 - Baibo Busansulushi Bwa Libuku Ili

⁸ Mwaami Lesa waamba ayi, “Pabushiku bwakubenga mulambu wangu Nebo neMwaami Lesa ndaakupa mulandu boonse bacinenenene, banaabaami abaabo boonse bafwete shakufwala sha baswamashi.

Sefaniya 1:8 Marejeleo ya Msalaba

2 Baami 10:22

Lyalo Jewu wakaambila mupailishi wakalinga kulama mingaanjo isalalite ayi aikuushe akwiipa bakalinga kulambila. Alakwe wakacita ubo.

Isaya 10:12

Sombi Mwaami Lesa waamba ayi, “Ndamanisha kucita nsheentoocita paKalundu ka Siyoni amundabala ya Jelusalemu, ndaakupa mulandu muleli munene wa kuAsilya ceebo cakulisumpula, ee, ceebo cakulinaamuna kwakwe.”

Isaya 2:6

NobaLesa mwafutatila bantu banu bamulunyungu lwakwe Jakobo! Amubone cishi cabo cesulabo kwishibila kwa bakwicwe abuŋanga anga mbene Filisiti. Bantu banu balanyumfwana abaswamashi.

Isaya 24:21

Pabushiku ubo Mwaami Lesa ulaakupa mulandu beshinkusu mwiculu abamaami ba pacishi ca panshi.

Isaya 39:7

Bamulunyungu lwako bamwi, bulowa bwako omwiine, balaakubatola kuya mukuba basebenshi bakacaikwa lushalo muŋanda ya mwaami wa bene Babiloni.’ ”

Abakuku 1:10

Balanyansha bamaami akuseka bacinenenene babo. Taaku ndabala icite lilinga ndyeenga baalilwa kwiinda. Balayakabo shitunta shakutantaawo pakulwana sha bulongo akukoma ndabala iyo icite lilinga.

Dutolonomi 22:5

“Mwanakashi taaelete kufwala shacisankwa, alakwe musankwa taaelete kufwala shacanakashi, mukwiinga Mwaami Lesa, Lesa wanu ulipatite bantu bacita shintu sha mushobo uyo.