Sefaniya 1:5 - Baibo Busansulushi Bwa Libuku Ili

⁵ Ndaakunyonyoola baabo batanta pashiluli akulambila mimuni ya mwiculu. Ndaakunyonyoola abaabo balambila akushomesha kunyumfwila ndime neMwaami Lesa, sombi pesule balumbila muliina lyakwe Moleki lesa wakubeca.

Sefaniya 1:5 Marejeleo ya Msalaba

1 Baami 11:33

Ntoocita boobo mukwiinga Solomoni wansuula alimwi akulambila balesa beensu. Nkokwaamba ayi Ashitaloti lesa mwanakashi wa kuSidoni, Kemoshi lesa wa kuMoabu alimwi aMoleki lesa wa kuAmoni. Solomoni wankaka, wabisha alimwi taakwe kusunga milawo yangu amilasho mbuli bwakalinga kucita Defedi ishi.

1 Baami 11:5

Wakalinga kulambila Ashitaloti lesa mwanakashi wa bene Sidoni alimwi aMoleki lesa wa bene Amoni ulensha bunya.

1 Baami 18:21

Elija wakaya kubantu akwaamba ayi, “Ino mutootola ciindi cilaamfu buyani kwaamba ayi musale ca maano? Na Mwaami Lesa ngoLesa walushinisho, kamumulambila, sombi na Baali ngoLesa kamumulambila!” Bantu boonse taakuuwo ncebakaamba.

2 Baami 17:32

Aba bantu abalo bakalinga kulambila Mwaami Lesa. Sombi pakati kabo bakalinga kusala bamwi kuba bapailishi ba mumisena yakulambililaako ya patulundu.

2 Baami 17:33

Bakalinga kulambila Mwaami Lesa, sombi bakalinga akulambila balesa babo beene kweelana akwishibila kwa mushishi uko nkobakakushikwa.

2 Baami 17:41

Ncakwiila bantu abo bakalinga kulambila Mwaami Lesa, sombi bakatolelela akulambila shibumbwabumbwa shabo. Ono kushikila abobulya bamulunyungu lwabo bacicita bweenka ubo.

2 Baami 23:12

Mwaami Josiya wakapwaya shipaililo shakalinga shayaka bamaami ba bene Juda paciluli ca ŋanda ya bwaami, peculu lya cipinda ca mwaami Aasi. Wakapwaya ashipaililo shakayaka mwaami Manase mumansa shobilo sha Ŋanda yakwe Lesa. Wakapwayoola shipaililo isho shakaboolabo anga ngumuseese! Mpeeke wakashisowa muCinyika ca Kidiloni.

Isaya 22:1

Aya ngamaswi aamba paCinyika ca cili anga Nciloto. Ono nciinshi cacitika calenga ayi noonse mutante peculu pashiluli shanu?

Isaya 44:5

“Umwi ulaakwaamba ayi, ‘Ndi wa Mwaami Lesa.’ Umwi ulaakuliita ayi wamulunyungu lwakwe Jakobo. Umwi alakwe ulaakulilemba pamukono ayi, ‘Ndi wa Mwaami Lesa’ alimwi ulaakunooliita ayi wamulunyungu lwa bene Isilaeli.”

Isaya 45:23

Ndashomesha cakulumbila muliina lyangu nemwiine. Mulomo wangu waamba cakushinisha, kwaamba maswi eshi akabule kusandulwaawo akwaamba ayi, ‘Linungo lya muntu woonse lilaakufukama kunembo lyangu alimwi mulomo wa muntu womwi awomwi ulaakunoolumbila muliina lyangu.’

Isaya 48:1

Amukutike makani aya mwebo nobamulunyungu lwakwe Jakobo. Amukutike mwebo nomwaambwa ayi bene Isilaeli, mwebo nobamulunyungu lwakwe Juda, ee, mwebo nomusebensesha liina lya Mwaami Lesa pakushomesha cakulumbila. Amukutike mwebo nomupaila muliina lyakwe Lesa wa bene Isilaeli, sombi kuteshi mulushinisho nabi mukululama.

Jelemiya 12:16

Na bakeshibe kabotu nshila sha bantu bangu akushomesha cakulumbila muliina lyangu ayi, ‘Bweenka mbocibete lushinisho ayi Mwaami Lesa ngumuumi,’ ee, bweenka mbobakalinga beeisha bantu bangu kushomesha cakulumbila muliina lyakwe Baali, ingayi balaakwikala pantu pomwi abantu bangu.

Jelemiya 19:13

Lyalo maanda a muJelusalemu aayo a bamaami ba bene Juda alaakuba atasalalite bweenka mbuli musena uno wa Tofeti. Nkokwaamba ayi maanda oonse ayo acite shiluli shilya nshebakatentelelawo tununkila kabotu kunyenyeenshi akupa shipo sha shakunwa kubalesa bamwi.’ ”

Jelemiya 32:29

akwiitenta mumulilo. Balaakwiitenta pantu pomwi amaanda ayo bantu ngobakalinga kusonkomwetawo bukali bwangu kwiinda mukutenta tununkila kabotu kuli Baali peculu lya shiluli alimwi akutilila balesa bamwi shipo sha shakunwa.

Jelemiya 4:2

na kamulumbila cakushomeka, cabululami ee, cakubula kampenda ayi, ‘Bweenka mbocibete lushinisho ayi Mwaami Lesa ngumuumi,’ mishobo yoonse ilaakupekwa coolwe kuswa kuli ndime neMwaami Lesa. Ncakwiila boonse balaakunoosangalalila muli ndime.”

Jelemiya 49:1

Pabene Amoni Mwaami Lesa wakaamba ayi, “Ino bali kuli baana basankwa bene Isilaeli? Sa taaku nabi womwi weenga wafuna cishi cabo? Ceebonshi balambila Moleki ncebabwesela cishi ca Gadi? Ceebonshi bantu bakwe ncebekalila mumandabala a ncico?

Jelemiya 5:2

“Nabi balaamba ayi, ‘Bweenka mbocibete lushinisho ayi Mwaami Lesa ngumuumi,’ sombi bacilumbilabo shabubeshi.”

Jelemiya 5:7

Ono Mwaami Lesa weepusha ayi, “Ino inga ndalekelela buyani shibiibi shanu? Bana banu bakansuula akutalika kulambila balesa bateshi bancinencine. Ndakalinga kubapa shoonse nshebakalinga kusuni, sombi bakatolelela kucita bufuule akusowa ciindi cabo mumaanda a bafuule.

Jelemiya 7:10

Mwamana kucita shintu ishi shilensha bunya, mulesa mukwiimikana pameenso angu muŊanda yangu ino akwaamba ayi, ‘Swebo tatucite cakulisukama.’

Jelemiya 7:9

Mwebo muleepa, mulacaya bantu, mulacita bulale, mulabeca nabi mwashomesha cakulumbila, mulatentela Baali tununkila kabotu akulambila balesa abo mbomwatakalinga kwishiiwo.

Jelemiya 8:2

Alaakubikwabo patuba akanoobalilwabo lumwi, mweenshi anyenyeenshi shoonse sha mwiculu isho nshebakalinga kusuni, kusebensela, kwiipushako akulambila. Teshi bakaabunjikeewo nabi kwaafukila. Sombi alaakubabo anga ngamatombe apantantaala peculu lya nshi.

Osiya 10:2

Bantu aba bacite myoyo yabubeshi bulya balyeelete kupekwa mulandu kweelana akubisha kwabo. Mwaami Lesa utoomwayoola shipaililo shabo akunyonyoola mabwe asalalite ayo ngobalambila.

Osiya 4:15

“Nakubi kwaamba ayi bene Isilaeli tabashomeki kuli ndime, bene Juda balo batakaciti mulandu wa mushobo uyo. Tabeelete kuya mukulambilila kuGilugala nabi kuBeti Afeni alimwi tamweelete kushomesha cakulumbila uko ayi, ‘Kweelana ambocibete lushinisho ayi Mwaami Lesa ngumuumi!’

Amosi 5:26

Ono ceebo cakwaamba ayi mwasumpula Sakuti lesa wakubumba uyo ngomwiita ayi mwaami, aKaiwanu lesa ngomwakabumba anga ninyenyeenshi, mulaanooyumuna shibumbwabumbwa isho shobilo

Mateyo 6:24

“Taaku muntu weenga wasebensela baami bobilo, mukwiinga ulapata womwi akusuna umwi, nabi kunyumfwila womwi akusuula umwi. Nkokwaamba ayi tamukoonshi kusebensela Lesa abuboni.

Milimo ya Batumwi 10:9

Ono bushiku bwakaboolaawo malumwi, basankwa abo ndibakashika pafwaafwi andabala ya Jopa, Pita wakatanta paciluli ca ŋanda kwaamba ayi apaile.

Bene Loma 14:11

Mukwiinga Malembo alaamba ayi, “Mwaami Lesa wakaamba ayi, ‘Nebo ntoolumbila ayi, muntu woonse ulaakufukama kunembo lyangu akwaamba patuba ayi ndime Lesa.’ ”

Dutolonomi 10:20

Kamunyumfwila Mwaami Lesa, Lesa wanu alimwi kamulambilabo nguwe eenka. Kamushomeka akushomesha cakulumbila muliina lyakwebo.

Dutolonomi 4:19

Mutakeeleshi kulambila nabi kusebensela cimwi ncemubona mwiculu mbuli lisuba, mweenshi, alimwi anyenyeenshi. Shintu ishi Mwaami Lesa, Lesa wanu wakashilekela bantu boonse ba mishobo imwi.

Joshuwa 23:7

kwaamba ayi mutakonkeli shicita mishobo imwi iyo njemucili ayo. Tamweelete kwaamba meena a balesa babo, kwaasebensesha pakushomesha cakulumbila, kubalambila nabi kubafukamina.