Sefaniya 1:3 - Baibo Busansulushi Bwa Libuku Ili

³ Ndaakunyonyoola bantu abanyama boonse, tuyuni twa mwiculu answi sha mulweenge. Lyalo bamucita shibi balaakuba ntantaala ndaakumana kulobya bantu pacishi ca panshi. Nebo neMwaami Lesa ndaamba.”

Sefaniya 1:3 Marejeleo ya Msalaba

Matalikilo 6:7

Aboobo wakaamba ayi, “Ntoonyonyoola bantu abo mbondakalenga, pantu pomwi abanyama, shilongolo shinene atuniini sheenda panshi shoonse alimwi abayuni bauluka, mukwiinga canensha nsoni kubalenga.”

Isaya 27:9

Ono shibiibi sha bene Isilaeli shilaakulekelelwabo na bakapwayoole mabwe a shipaililo sha bakunsengwe kushikila akabebo anga mbusu. Ee, cakutashiya shipaililo shakutentelaawo tununkila kabotu nabi cikoshanyo cakwe Ashela lesa mwanakashi.

Isaya 6:11

Mpeeke ndakeepusha ayi, “Kwaciindi cilaamfu buyani noBaami baLesa?” Alakwe wakakumbula ayi, “Kushikila mandabala anene oonse anyonyoolwe akubula ukalaamo. Kushikila maandaabo acaalebo kwakubula amuntu uliimo. Ee, kushikila myuunda yabo ikacaale matongo akushinka.

Isaya 6:12

Kushikila nebo neMwaami Lesa nkatume womwi awomwi kulaale, acalo cishi coonse cikacaalebo akuba luundu.

Jelemiya 12:4

Citooba ciindi cilaamfu buyani cishi ndyeshi cinooshiite kaciyumite abwiisu kabunyanite mumyuunda yoonse? Ceebo ca bubi bwa bantu abo baliimo banyama abayuni bakamana kuloba. Nakubi boobo, bantu aba balaamba ayi, “Lesa taashiboniiwo isho nshetucita.”

Jelemiya 50:3

“Mushobo wa kumatwa ulaakubalwana akunyonyoola cishi cabo. Taaku muntu weshi akekaleemo, bantu alimwi abanyama boonse balaakucicaamo.”

Jelemiya 7:20

Paceebo ceeco nebo neMwaami Lesa Shinkusu shoonse ndaakutila bukali bwangu buyoosha paŊanda yangu ino. Ndaakubutilila pabantu, pabanyama pashisamu alimwi apashishango. Bukali bwangu bulaakuba anga ngumulilo uyo muntu ngwaatakoonshi kushimya.

Jelemiya 9:10

Ndaakulila buumpute akulila cakooloma kulilila tulundu, akulila cabuumba pamafulo ceebo shililishiitilebo alimwi taaku abeendaninaamo. Kulila kwa ŋombe takunyumfwikiimo. Bayuni abanyama bamuluundu bakacicaamo.

Esekelo 44:12

Sombi ceebo cakwaamba ayi bakasebensela bantu abo kunembo lya shibumbwabumbwa shabo akulengesha bene Isilaeli kubisha, nebo neMwaami Lesa ndashomesha cakulumbila ayi, ‘Balyeelete kupekwa mulandu kweelana akubisha kwabo.

Esekelo 7:19

Balaakusowa silifa agolodi wabo mumikwakwa anga ngamatombe. Silifa a golodi wabo teshi ukabapulusheewo pabushiku bwa bukali buyoosha bwa Mwaami Lesa. Teshi bakashisebenseshewo kumana nsala yabo nabi kubakutisha ceebo ngowakabalengesha kubisha.

Osiya 14:3

Bene Asilya tabakoonshi kutupulusha. Maaki a nkondo taakoonshi kututabilila. Teshi tukaambewo tubili kusheesho shakapanga maanseesu ayi, ‘Balesa besu’ mukwiinga muli ndimwe bana banshiwa mobacana nkumbu.”

Osiya 14:8

Bene Isilaeli teshi bakanoocibete lubasu kushibumbwabumbwa. Ndaakukumbula mipailo yabo akunoobalama. Nebo ndi anga ncisamu ca mapaini ico citaloshi matewu. Shoolwe shabo shoonse shilaswa kuli ndime.”

Osiya 4:3

Ceebo ca shintu isho cishi citoobula maanshi. Shintu shoonse shikalaamo shilaakumana kufwa. Nkokwaamba ayi banyama boonse, bayuni alimwi answi shoonse shilaakumana kufwa.”

Sekaliya 13:2

Bushiku ubo ndaakushiminganya meena a shibumbwabumbwa mucishi alimwi teshi shikayeeyekwewo tubili. Kuswawaawo ndaakukusha balaluki amushimu wakulambila shibumbwabumbwa mucishi.

Mateyo 13:41

MwanaaMuntu ulaakutuma baanjelo bakwe ayi bakakuushe bantu babisha babyabo abamucita shibi boonse muBweene bwakwe

Mateyo 23:39

Ntoomulwiita calushinisho ayi teshi mukamboneewo alimwi kushikila mukaambe ayi, ‘Ulicite coolwe uyo utoosa muliina lya Mwaami Lesa.’ ”

Ciyubululo 2:14

“ ‘Sombi ndicite matongooshi amwi pali ndiwe ceebo mulikoto lyanu muli bamwi bakonkela kwiisha kwakwe Balamu. Lakwe wakeeisha Balaki bwakulengesha bene Isilaeli kubisha kwiinda mukubanyengelela ayi balye shakulya shakabengwa kushibumbwabumbwa alimwi akucita bufuule.