Sefaniya 1:10 - Baibo Busansulushi Bwa Libuku Ili

¹⁰ Mwaami Lesa waamba ayi, “Pabushiku ubo mulaakunyumfwa kulila kuMwinjililo waNswi mundabala ya Jelusalemu. Mulaakunyumfwa mibila kucipansha cipya ca ndabala inene iyo alimwi amulukutu wakuwa kuswa kutulundu.

Sefaniya 1:10 Marejeleo ya Msalaba

2 Samwelo 5:7

Sombi Defedi wakeekoma akubwesa ndabala ya Siyoni iyo yakalinga mulilinga. Lyalo wakeetumba ayi Ndabala yakwe Defedi.

2 Samwelo 5:9

Mpeeke Defedi wakaya mukwikala mundabala ya mulilinga iyo akwiitumba ayi Ndabala yakwe Defedi. Lyalo wakayaka ndabala ya Jelusalemu kushinguluka lilinga. Wakatalikila kuMilo akuya mukushika kulilinga.

2 Baami 22:14

Lyalo Ilikiya, Ayikamu, Akibo, Shafani alimwi aAsaya bakaya mukwiipusha kuli Ulida, mulaluki mwanakashi wakalinga kwikala cipansha cipya ca Jelusalemu. Shalumu mwanaakwe Tikifwa mwishikulu wakwe Ayasi wakalinga ngoibaye. Shalumu wakalinga kulama shisani sha muŊanda yakwe Lesa. Mpeeke bakamulwiita isho shakacitika.

2 Makani 3:1

Lyalo Solomoni wakatalika kuyaka Ŋanda ya Mwaami Lesa muJelusalemu paKalundu ka Moliya kumusena uko Mwaami Lesa nkwaakabonekela Defedi baishi. Pakalinga palubansa lwakulupwitaawo lwakwe Alauna mwine Jebusi musena uyo Defedi ngwaakasala.

2 Makani 32:22

Munshila iyi Mwaami Lesa wakafuna Esekiya abene Jelusalemu boonse kuswa mumaansaakwe Senakelibu mwaami wa bene Asilya alimwi amumaansa a balwani babo bamwi. Wakabalengesha ayi bekale muluumuno abamushishi shimwi shoonse.

2 Makani 33:14

Pesule wakayaka lubumbu lwa Ndabala yakwe Defedi kumbo lya Kantupu ka Giyoni kulubasu lwa cinyika kuya mukushika kuMwinjililo wa Nswi. Kalundu ka Ofelo waakabika mukati ka lubumbu ulo ndwaakayaka cakululaampya kuya mwiculu. Lyalo wakabika bamatanjilili ba bashilumamba mumandabala oonse akalinga kucite malinga mucishi ca Juda.

2 Makani 34:22

Lyalo Ilikiya abaabo mbwaakatumwaabo, bakaya mukwiipusha kuli Ulida, mulaluki mwanakashi wakalinga kwikala mucipansha cipya ca Jelusalemu. Shalumu mwanaakwe Tikifwa mwishikulu wakwe Ayasi wakalinga ngoibaye. Shalumu wakalinga kulama shisani sha muŊanda yakwe Lesa. Mpeeke bakamulwiita isho shakacitika.

Neyemiya 12:39

ndiswe peculu lya Mwinjililo wa Efuleemu, Mwinjililo wa Jeshana alimwi apeculu lya Mwinjililo wa Nswi. Lyalo twaya mukwiinda kuŊanda Ilaamfu ya Ananelo, akuŊanda Ilaamfu ya Mwaanda tibili akuMwinjililo wa Mbelele. Swebo twakaya mukweela kuMwinjililo wa Beshikulindilila kuŊanda yakwe Lesa.

Neyemiya 3:3

Bamucipani cakwe Asena bakayakulula Mwinjililo wa Nswi. Bakabika shisamu sha nguwo, shisasa, shakupingilaamo ampingilo mumisena ya nshisho.

Isaya 59:11

Ono soonse tutoobulumabo anga ngamabeya. Tutoolila cilensha nkumbu anga nimpolobe. Tulalangoola koombolosha kululeme, sombi tatukubooni. Tulalangila kupulushikwa kuswa mubusha, sombi kuli kulaale aswebo.

Jelemiya 39:2

Ono pabushiku bwasanu ashone, mumweenshi wane mumwaaka walikumi awomwi wa bwaami bwakwe Sedekiya, lubumbu lwa ndabala lwakapwaikwa.

Jelemiya 4:31

Ntoonyumfwa mubila anga ngumwanakashi uli pankata. Ntoonyumfwa kutongela anga nkwa mwanakashi utootumbuka mwaana wakwiiya. Anu kwakalinga nkulila kwa ndabala ya Jelusalemu itoofoomashika akusenga lucafwo mukwaamba ayi, “Maawe ndawisuka, buumi bwangu bwaabwa mumaansa a bacayi!”

Esekelo 6:13

Lyalo balaakwishiba ayi ndi Mwaami Lesa, bene mishaabo baakukungubala pakati ka shibumbwabumbwa shabo, kushinguluka shipaililo shabo patulundu tulaamfu toonse, peculu lya tulundu tumwi toonse, munshaashisamu shoonse shicite shimfule shibotu alimwi amushisamu sha mibanga shoonse shicite matewu. Nkokwaamba ayi kumisena yoonse uko nkobakalinga kutentela tununkila kabotu kushibumbwabumbwa shabo shoonse.

Amosi 8:3

Pabushiku ubo kwiimba kulaakuba kulila muŊanda yakwe Lesa. Mituntu ilaakubabo pali poonse. Ilaakusowekwa cakutayobeka. Nebo neMwaami Lesa Shinkusu shoonse ndaamba.”

Sefaniya 1:15

Bushiku ubo bulaakuba bushiku bwa bukali, bushiku bwa mapensho amakatasho, bushiku bwakupwayoolwa akunyonyoolwa, bushiku bwa munshinshe akutabona, bushiku bwa makumbi akushiya mbi,

Sefaniya 1:7

Amuumune noonse kunembo lya Mwaami Lesa Shinkusu shoonse ceebo bushiku bwa Mwaami Lesa buli pafwaafwi. Mwaami Lesa wabamba bantu ayi babengwe anga ngumulambu, ncakwiila watamba kale abalwani babo ayi bababeenge.