Osiya 7:13 - Baibo Busansulushi Bwa Libuku Ili

¹³ “Mapensho kuli mbabo ceebo bakapambuka kuswa munshila yangu. Kunyonyoolwa kulaakubashikila ceebo bakangashukila. Ndisunishi kubalubula, sombi balo balaamba shabubeshi pali ndime.

Osiya 7:13 Marejeleo ya Msalaba

Osiya 9:12

Nakubi kwaamba ayi bakakushewo baana ndaakumana kubalobya boonse. Kulaakuba mapensho anene abuumbi ndaakubafutatila bantu aba!”

Osiya 11:12

Mwaami Lesa waamba ayi, “Bene Isilaeli banshingulusha bubeshi, ee, banshingulusha kucenjeeka. Bene Juda abalo bacingashukilabo nebo neLesa Usalalite alimwi ushomeka.

Ciyubululo 8:13

Mpomunyaawo ndakalangilisha akunyumfwa mumbankwashi wakalinga kuuluka mwiculu, kaaolobesha ayi, “Mapensho! Mapensho! Mapensho kubantu ba mucishi ca panshi ceebo ca sheesho sheshi shikacitike na baanjelo botatwe aba bacaala bakalishe mapeenga abo!”

1 Joni 1:10

Na twaamba ayi tatuna kubishaawo, cilyeelenebo akwaamba ayi Lesa ngumubeshi alimwi maswi akwe taamo muli ndiswe.

Mateyo 23:37

“Webo Jelusalemu, Jelusalemu, noocaya balaluki akuuma mabwe bantu abo Lesa mbwaatuma kuli ndiwe! Liinji liinji ndalinga kusuni kubunganya bantu bako bweenka mbuli nkuku mboifukatila twaana twanjiyo mumapapaminwa, sombi webo wakakaka!

Mika 6:4

Ndakamukusha kuswa kuIjipiti, ee, ndakamulubula kuswa kucishi ca busha. Ndakamutumina Mose, Aloni aMilyamu kwaamba ayi bamutanjilile.

Jona 1:10

Mpeeke Jona wakabalwiita ayi utooloboka Mwaami Lesa. Lyalo beshikweensha bwaato bakaloonda abuumbi ndibakanyumfwa cikani ici akumwiipusha ayi, “Ino wacitanshi?”

Jona 1:3

Sombi Jona wakanyamuka ayi alobokele kuTashishi kuswa pameenso a Mwaami Lesa. Lyalo wakakunkuluka kuya kuJopa, uko nkwaakacana bwaato bunene bwakalinga kuya nkuko. Aboobo wakalipila akutanta kuya kuTashishi pantu pomwi abeshikweensha bwaato ubo, kwaamba ayi aswe pameenso a Mwaami Lesa.

Osiya 11:2

Sombi bweenka mankanda ngondakalinga kumwiita mbwaakalinga kuya cifula, mbweeke ubo alakwe mbwaakalinga kuya citalamuka kuswa kuli ndime. Bantu bangu bene Isilaeli bakalinga kubenga milambu kuli Baali akutenta tununkila kabotu kushibumbwabumbwa.

Osiya 9:17

Lesa wangu ulaakubakaka ceebo tabakwe kumunyumfwila. Bene Isilaeli balaakuba beshikwiingooka pakati ka mishobo imwi.

Osiya 7:3

Mwaami Lesa waamba ayi, “Bantu balabeca mwaami abwikaalo bwabo bubiibi, bacinenenene balabasangalasha kububeshi bwabo.

Osiya 7:1

Na ndayanda kulengesha bantu kuswitilila alimwi, na ndayanda kushilika bene Isilaeli, shibiibi sha bene Efuleemu abo shilaletwa patuba. Ee, shibiibi sha bene Samaliya abo shilayubuluka. Bantu abo balabeca, balenjila mumaanda akwiipa, balapamba shintu mumashila.

Esekelo 34:6

Mbelele shangu shakeengaila mutulundu toonse tunene atuniini toonse. Bakapalanganina mucishi ca panshi coonse alimwi taaku nabi womwi wakashikonkela nabi kushiyandoola, sobwe.’

Esekelo 18:25

“Ono mwebo mulaamba ayi, ‘Nshila sha Mwaami Lesa tashilulemeewo.’ Amunyumfwe mwebo nobene Isilaeli. Sa mutooyeeya ayi nshila shangu nsheshitaluleme? Sa teshi nshila shanu shitaluleme?

Esekelo 18:2

“Anu mwebo nobantu mulaambanshi ndyemwaamba kashimpi aka pacishi ca Isilaeli? ‘Minyansa isasamwita yalya bamashali, ilashiya kusasamwita kwa njiyo mumilomo ya bana babo.’

Esekelo 16:23

Mwaami Lesa Shinkusu shoonse waamba ayi, “Mapensho, mapensho kuli ndiwe! Peculu lya shibiibi shako shimwi,

Malilo 5:16

Shintu nshetwakalinga kulisumpwitaawo shamana. Mapensho kuli ndiswe mukwiinga twakabisha.

Jelemiya 42:20

ayi mutoocita cilubo ceenga camucaisha. Mwebo mwakantuma kuMwaami Lesa, Lesa wanu akwaamba ayi, ‘Amutupailileeko kuli nguwe akutulwiita shoonse nsheshi aambe aswebo tulaakushicita.’

Jelemiya 14:10

Mwaami Lesa waamba makani aya pabantu aba ayi, “Balisuni bunene kwiingaila. Tabalitibukiiwo napaceyi. Aboobo nebo neMwaami Lesa ndabakaka. Ono ntokwiibaluka bubi bwabo akubapa mulandu ceebo ca shibiibi shabo.”

Isaya 63:8

Mwaami Lesa wakaamba ayi, “Aba mbantu bangu, bana bangu abo batakoonshi kumbeca.” Nceceeco ncaakabeta Mupulushi wabo.

Isaya 59:13

Twasumina kwaamba ayi tuli baashu alimwi tatushomeki kuli ndimwe noBaami baLesa. Tulamufutatila nobaLesa besu, tulalyatililana alimwi akumubukila. Kwaamba bubeshi ncintu myoyo yesu nceyakalinga kulama kabotu.

Isaya 43:1

Ono Mwaami Lesa, Lesa uyo wakamulenga nobamulunyungu lwakwe Jakobo, ee, uyo eenka wakamubumba mwebo nobene Isilaeli waamba ayi, “Mutaloondi, ndaakumufuna. Ndakamwiita liina, muli baangu.

Isaya 41:14

Mwaami Lesa Usalalite wa bene Isilaeli waamba ayi, “Mutaloondi nobamulunyungu lwakwe Jakobo nomutacite nkusu anga ncaambo. Mutaloondi nobene Isilaeli nabi muli mushobo uniini mukwiinga nebo nemwiine ndaakumucafwa Nebo neLesa usalalite wa bene Isilaeli ndime mupulusha.

Isaya 31:1

Maawe kuli baabo baya kucishi ca Ijipiti kwaamba ayi bacafwikwe, abo bacinkite manungo mumaaki, kufula kwa shikoci shabo ankusu shiinji isho shicite bantu babo beshikulwanina pamaaki. Maawe kubaabo bataciinki manungo muMwaami Lesa, Lesa Usalalite wa bene Isilaeli, nabi kusenga lucafwo kuli nguwe.

Kulumbaisha 106:10

Wakabafuna kuswa mumaansa a baabo babapatite, ee, wakabalubula kuswa kumaansa a balwani babo.

Jobo 22:17

Bakakaka Lesa akumwaambila ayi, ‘Tuleke sobeene! Ino Shinkusu shoonse inga wacitanshi kuli ndiswe?’

Neyemiya 1:10

“NoBaami baLesa aba mbasebenshi banu alimwi mbantu banu, abo mbomwakafuna kwiinda munkusu shanu shiinji, ee, nkusu shanu shiindaawo.

Dutolonomi 15:15

Kamwiibaluka ayi amwebo mwakalinga basha mucishi ca Ijipiti, ono Mwaami Lesa, Lesa wanu ngowakamwaangulula. Nceceeco ncentoomupeta mulawo uyu sunu.

Jelemiya 7:15

Ndaakumutanda kuswa pameenso angu bweenka mbuli mbondakacita bamakwabanu bene Efuleemu. Nebo neMwaami Lesa ndaamba!”

Jelemiya 51:9

Baswamashi bakaamba ayi, “Twakeelesha kushilika Babiloni, sombi ciindi cakushilika cakeenda. Atumushiyebo, tuboolele mwesu mwesu ceebo mulandu wakwe ulishikite akwiculu. Ncakwiila ulishikite amumakumbi.”

Mika 6:12

Bantu bako babile balisuni nkondo alimwi bantu bako bamwi boonse mbabeshi. Milaka yabo ilaamba shabubeshi.

Isaya 30:1

Mwaami Lesa waamba ayi, “Mapensho kubaabo beshicimpamya, ee, kubaabo bacita shamumiyeeyo yabo beene kuleka yaangu. Balapanga shipangano, sombi cakutatanjililwa aMushimu wangu. Mukucita boobo balalundika shibiibi peculu lya shibiibi.

Isaya 30:2

Balaya kuIjipiti cakutanjipushaawo, kuya kuli Falawo mukusenga kutabililwa. Ee, kuya mukuyubila kushimfule sha mucishi ca Ijipiti.

Osiya 5:7

Bantu abo tabashomeki kuli ndime neMwaami Lesa abalo bana babo teshi baangu. Aboobo balo balaakunyonyoolwa pantu pomwi amyuunda yabo pakusekelela kwa Mweenshi Upya.