Osiya 2:14 - Baibo Busansulushi Bwa Libuku Ili

¹⁴ “Paceebo ceeco ndaakubatola muluyanga alimwi. Umo ndaakubanyengelela amaswi abotu a lusuno kwaamba ayi mbabooshe kumubili.

Osiya 2:14 Marejeleo ya Msalaba

Matalikilo 34:3

Mpeeke wakamukonda abuumbi mwanakashi uyo, aboobo wakeelesha kumunyengelela.

Jobo 36:16

“Ono awebo Jobo, Lesa utookukusha mumapensho alimwi utoolengesha ayi ukale cakubula kulisukama. Utookutola kutebulu njoolitaawo iyo njaasusha shoolwe.

Lwiimbo lwakwe Solomoni 1:4

Ndoboshe cakufwambaana tunooya! Katiya ube mwaami wangu akuntola mucipinda cako. Tulaakunoosangalala akukondwa muli ndiwe. Tulaakulumbaisha lusuno lwako kwiinda waini. Anu nceceeco bamyooye ncebakusunini!

Isaya 30:18

Nakubi boobo Mwaami Lesa ulisuni abuumbi kumunyumfwila luse. Ulilibambite kumunyumfwila nkumbu ceebo ulacita shintu shiluleme. Balicite coolwe bacinkite manungo muMwaami Lesa!

Isaya 5:5

“Ono nceshi nkacite kumuunda wangu nceeci. Ndaakumwaya lushito lwa nguwo, lyalo muunda uyo ulaakunyonyoolwa. Ndaakupwaya lubumbu luutabilila, lyalo mulaakulyatoolwa abanyama bamuluundu.

Jelemiya 16:14

Lyalo Mwaami Lesa waamba ayi, “Nakubi boobo nshiku shilaakushikila bantu ndyeshi bakacileeke kulumbila ayi, ‘Bweenka mbocibete lushinisho ayi Mwaami Lesa, uyo wakakusha bene Isilaeli muIjipiti ngumuumi.’

Jelemiya 2:2

“Koya ukaambilishe maswi aya kundabala ya Jelusalemu ayi ‘Ndiingashite mbowakalinga kulyaabite kuli ndime koocili cikula bwangu. Ndiingashite mbowakalinga kunsuni koocili nabwiinga wangu, ee, mbowakankonkela ndindakakwiinsha muluyanga, ncakwiila mucishi citaliimwa.

Jelemiya 45:4

“Nebo neMwaami Lesa ndaamba ayi, ‘Ndaakumwaya nshendakayaka akutumuna sheesho nshendakashanga mucishi coonse ca panshi.

Esekelo 20:10

Paceebo ceeco ndakabakusha muIjipiti akubatola muluyanga.

Esekelo 20:33

“Nebo neMwaami Lesa Shinkusu shoonse ndaamba ayi, ‘Kweelana ambocibete lushinisho ayi ndi muumi, ndaakumulela alyaansa lyangu lyankusu, lyaansa litambikitwe alimwi abukali buyoosha.

Osiya 2:3

Na babule kucita boobo, ndaakubafuula akubashiyabo matakosha mbobakalinga pakushalwa. Ndaakubalengesha kuba anga nduyanga, ee, ndaakubasandula kuba anga ncishi citacite maanshi. Lyalo ndaakubacaya kunyotwa.

Mika 1:7

Shibumbwabumbwa sha njiyo shoonse shilaakupwayoolwa. Shipo shipekwa kuŋanda yakulambililaako shilaakutentwa amulilo, ee, ndaakunyonyoola shikoshanyo shoonse sha balesa ba njiyo. Ceebo cakwaamba ayi yakalinga kucana shipo kuswa mubufuule, balwani ba njiyo balaakushitola kubafuule ba mumaanda akulambililaamo kumisena imwi.”

Mika 4:10

Ondabala ya Siyoni, kosalooka kubuumba bweenka mbuli mwanakashi uli pankanta mukwiinga bulya bantu bako batooswa mundabala inene akuyaka misumba muluundu mutaamu shisamu. Bantu bako balaakutolwa kuBabiloni, sombi uko balaakufunwa, ncakwiila Mwaami Lesa ulaakubalubula kuswa mumaansa a balwani babo.

Joni 12:32

Sombi nebo ndaakupopwa pamucilingano ndaakuyobolola bantu boonse kuli ndime.”

Joni 6:44

taaku muntu ukonsha kwisa kuli ndime, sombi baTa abo bakantuma bamusenya kuli ndime. Anebo ndaakumubusha kuswa kubafu pabushiku bwakweelaako.

Ciyubululo 12:14

Mwanakashi uyo wakapekwa mapapaminwa obilo a mumbankwashi kwaamba ayi oolukile kuluyanga kumusena wakwe uko nkweshi akalamwe kabotu kwamyaaka ili yotatwe amusa, kuloonda shinshimwe.

Ciyubululo 12:6

Mwanakashi lakwe wakacicila muluyanga, umo muli musena wakamubambila Lesa. Nkomunya uko ulaakulamwa kabotu kwanshiku shili cuulu amyaanda yobilo alimwi anshiiku shili makumi osanwe alyomwi.

Boomboloshi 19:3

Mpeeke mwine Lefi uyo wakanyamuka wamukonkela kwaamba ayi amukombelele akumuboosha kumishaabo. Wakaya amusebenshi wakwe alimwi ambongolo shobilo. Ono ndyaakashika kulya, mwanakashi uyo wakamwinjisha muŋanda. Abalo bapongoshi bakwe bakamutambula camaansa obilo.