Neyemiya 9:33 - Baibo Busansulushi Bwa Libuku Ili

³³ Mwebo muliluleme mukutupa mulandu wa mushobo uyo. Mwakalinga kushomeka, nabi swebo twakalinga kumubishisha.

Neyemiya 9:33 Marejeleo ya Msalaba

Matalikilo 18:25

Ndushinisho teshi mucaye batacite milandu pantu pomwi abacite milandu. Tamukoonshi kucita boobo, ceebo na mwacita boobo, nkokwaamba ayi batacite milandu batootondeshekwa bukali pantu pomwi abacite milandu. Ono ico tacicitiki. Moomboloshi wa cishi coonse ulyeelete kucita shintu cabululami.”

Esila 9:15

NoBaami baLesa, baLesa ba bene Isilaeli ndimwe mululeme! Nakubi boobo mwatusuminisha kunoocili boomi. Ono twalyaambilila shibiibi shesu panembo lyanu, nakubi kwaamba ayi tatweelete kwiimikana pameenso anu ceebo ca nshisho.’ ”

Neyemiya 9:34

Bamaami besu, bamatanjilili, bapailishi abamashali besu bakulukulu tabakwe kukonkela Milawo yanu. Ncakwiila tabakwe kunyumfwila milasho yanu nabi kunyumfwa kucenjesha kwanu.

Neyemiya 9:8

Mwakacana kwaamba ayi moyo wakwe wakalinga kushomeka kuli ndimwe akupanga cipangano anguwe. Mwakashomesha kupa bamulunyungu lwakwe cishi ca bene Kenani, bene Iti, bene Amoli, bene Pelisi, bene Jebusi alimwi abene Gegashi. kwaamba ayi cibe cishi cabo. Mwakacita kweelana acipangano canu ceebo mulashomeka.

Jobo 33:27

Pesule muntu uyu ndyaambila bantu ayi, ‘Nebo ndakabisha. Ndakaalilwa kukonkela shintu shiluleme. Sombi alakwe Lesa taakwe kumpa mulandu weelete.

Jobo 34:23

Taciyandiki kuli Lesa kubamba ciindi muntu ncaaelete kuya mukoomboloshelwaawo.

Kulumbaisha 106:6

Twakabisha bweenka mbuli bamashali besu bakulukulu. Twakacita shilubo akweenda mububi.

Kulumbaisha 119:137

Muliluleme noBaami baLesa, akwalo koombolosha kwanu nkubotu.

Kulumbaisha 145:17

Mwaami Lesa uliluleme munshila shakwe shoonse, ulicite nkumbu pashintu shoonse nshaakalenga.

Kulonga 32:31

Lyalo Mose wakaboolela kuMwaami Lesa akwaamba ayi, “Bantu aba bacita cibiibi ciyoosha. Bakapanga lesa wa golodi akumulambila.

Jelemiya 12:1

Nobaami baLesa, mwebo muliluleme ciindi coonse na ndaleta mulandu pameenso anu. Sombi nacibi boobo ntoobandikaanu pacikani cakoombolosha kwanu kwakutanyengelela. Ino ceebonshi nshila sha bamucita shibi shilaswitilila? Ceebonshi bantu batashomeki boonse balekala cakuliiba?

Jelemiya 44:3

ceebo ca shibiibi nshebakacita. Bakasonkomona bukali bwangu mukwiinga bakalinga kutentela balesa bamwi tununkila kabotu akubalambila, ee, balesa abo, balo, webo nabi bamashali bako bakulukulu mbobatakalinga kwishi.

Malilo 1:18

“Mwaami Lesa uliluleme nakubi kwaamba ayi ndakaashukila milawo yakwe. Amunyumfwe mwebo noonse nobantu. Amunaange, mubone mapensho angu. Bacikula bwangu abamyooye bangu batolwa mubusha.

Esekelo 11:12

Lyalo ndyeshi mukeshibe ayi nebo ndi Mwaami Lesa. Ndaakucita boobo ceebo tamukwe kukonkela milasho nabi kulama milawo yangu, sombi mwakakonkela milawo ya mishobo imushingulukite.’ ”