Neyemiya 9:26 - Baibo Busansulushi Bwa Libuku Ili

²⁶ “Nakubi boobo bakamubukila akukaka kumunyumfwila. Bakafutatila Milawo yanu. Bakacaya balaluki banu abo bakalinga kubacenjesha akubalwiita shakusandukila kuli ndimwe. Bakalinga kumucobola ciindi aciindi.

Neyemiya 9:26 Marejeleo ya Msalaba

1 Baami 14:9

Webo weendaawo kucita shibiibi pabaabo bakalela webo kootana kuba mwaami. Wankaaka alimwi wasonkomona bukali bwangu kwiinda mukupanga shibumbwabumbwa, balesa ba golodi ayi unoolambila.

1 Baami 18:13

Sa tamukwe kunyumfwaawo ayi Jesebelo ndyaakalinga kucaya balaluki ba Mwaami Lesa ndakashisa bakalinga mwaanda mushimfwengo, mumakoto obilo, nkokwaamba ayi mucimfwengo comwi acomwi kamuli bantu makumi osanwe? Sa tamukwe kunyumfwaawo ayi ndakalinga kubapa shakulya amaanshi?

1 Baami 18:4

Paciindi Jesebelo ndyaakalinga kucaya balaluki ba Mwaami Lesa, Obadiya wakashisa balaluki bakalinga mwaanda mushimfwengo shobilo. Mucimfwengo comwi amomwi kamuli bantu makumi osanwe, osanwe. Balaluki abo wakalinga kubapa shakulya amaanshi.

1 Baami 19:10

Lakwe wakakumbula ayi, “NoBaami baLesa Beshinkusu shoonse, nebo ndasebenselabo ndimwe nweenka. Sombi bene Isilaeli bamwi boonse bapwaya cipangano ncemwakapanga ambabo, bayakulula shipaililo shanu akucaya balaluki banu boonse. Nebo ndime ndacaalaawobo neenka, ono anebo balisuni kuncaya!”

2 Baami 21:10

Kwiinda mubasebenshi bakwe balaluki Mwaami Lesa wakaamba ayi,

2 Baami 21:11

“Manase mwaami wa bene Juda wacita shibiibi ishi shiyoosha, ncakwiila shiinda pasheesho sha bene Amoli abo bataanshi kwikala mucishi ico. Wakatanjilila bene Juda mukubisha kwiinda mukulambila shibumbwabumbwa shakwe.

2 Makani 36:16

Sombi balo bakalinga kuseka beshinkombe bakwe, kusebaanya maswi akwe akucobola balaluki bakwe kushikila basonkomona bukali bwakwe cakwaamba ayi kwakabula apakucicila.

Neyemiya 9:18

Bakalibumbila cibumbwabumbwa ca mucende mwaana akwaamba ayi, ‘Uyu ngoLesa wanu wakamukusha mucishi ca Ijipiti.’ Mukucita boobo bakamucobola abuumbi noBaami baLesa!

Neyemiya 9:29

Mwakabacenjesha kunyumfwila kwiisha kwanu, sombi balo bakalisumpula akukaka kukonkela milawo yanu nakubi kwaamba ayi Milawo yanu ilapa buumi kumuntu na weekonkela. Ceebo ca bushicimpamya bwabo bakaka kumunyumfwila.

Neyemiya 9:30

Kwamyaaka iinji mwakalinga kukomenyabo caamba pali mbabo. Mwakalinga kubacenjesha aMushimu wanu kwiinda mubalaluki banu. Sombi balo tebakalinga kumunyumfwila, sobwe. Aboobo mwakabaaba mumaansa a balwani babo.

Kulumbaisha 50:17

Mwebo tamusuni kufundwa kuswa kuli ndime alimwi mulafutatila maswi angu.

Jelemiya 16:11

Lyalo ukabakumbule ayi, ‘Nceebo ca bamashali banu bakulukulu bakansuula akukonkela balesa bamwi, bakabasebensela akubalambila. Bakamfutatila alimwi tabakwe kunyumfwila kwiisha kwangu.

Jelemiya 2:30

Ndakalipenshabo kumupa mulandu nobene Juda. Ncakwiila mwakakaka kusumina kululikwa. Amubone mwakacaya balaluki amipeeni yanu bweenka nkalamu mbweenyonyoola na yaluma.

Jelemiya 2:7

Ndakamuleta mucishi ca mboleshi kwaamba ayi mulye shisepo abutebushi kuswa muli ncico. Sombi ndimwakenjilaamo mwakacilengesha kutanoosalalite, ncakwiila mwakalengesha cishi cangu kulensha bunya.

Jelemiya 32:23

Sombi balo ndibakesa mucishi ico akucibwesa ayi ncabo, tabakwe kukonkela milawo yanu nabi kwikala kweelana akwiisha kwanu. Taaku nabi comwi ncebakacitaawo pasheesho nshemwaakabaambila ayi banoocita. Paceebo ceeco, mwakaleta mapensho a mushobo uyu pakati kabo.

Jelemiya 42:19

Kuswawaawo nebo neJelemiya ndakabaambila ayi, “Mwebo nobantu bakacaala mucishi ca Juda, Mwaami Lesa wamwaambila ayi, ‘Mutayi kuIjipiti.’ Amwishibe lushinisho kwaamba ayi ndamucenjesha sunu

Malilo 3:42

“Twakamubishisha akumwaashukila alimwi mwebo noBaami baLesa tamuna kutulekelela.

Esekelo 20:21

“ ‘Nakubi boobo lishalane ilyo alyalo lyakangashukila. Tabakwe kukonkela milasho yangu akukaka milawo yangu iyo ipa buumi kumuntu uyo wiinyumfwila. Bakabisha bushiku bomwi abomwi bwakookesha bwa Cibelu. Aboobo ndakalinga kulibambite kubalengesha kunyumfwa cilemeneshi ca bukali bwangu muluyanga.

Mateyo 21:35

Sombi balimi balya bakacata basebenshi bakwe akuumawo womwi, umwi bakamucaya alakwe umwi bakamuwaala mabwe.

Milimo ya Batumwi 7:52

Sa kwakalingawo mulaluki bamashali banu bakulukulu ngobatakwe kupensha? Bakacaya batumwi bakwe Lesa abo bakaamba shakwisa kwa musebenshi wakwe ululeme. Ono amwebo mwakamwaaba akumucaya.

Dutolonomi 32:14

Ŋombe ampongo shabo shakalinga kukamika abuumbi. Mbelele, mpongo aŋombe shabo shakalinga kwiinite. Mbelele shisankwa shakalinga shibotu anga nsha kuBashani, awalo witi alimwi awaini shakalinga kwiinditeewo kubota.

Dutolonomi 32:15

“Bantu ba Mwaami Lesa bakabila, sombi bakamwaashukila. Bakeena ceebo bakalinga kulyatabo mushakulya. Sombi bakasuula Lesa, Mulengi wabo, akukaka Mwaandami shikubapulusha.

Boomboloshi 10:6

Mpeeke bene Isilaeli bakabisha alimwi pameenso aMwaami Lesa ceebo bakatalika kusebensela baBaali aba Ashitaloti. Bakasebensela abalesa ba kuSilya, Sidoni, Moabu, Amoni alimwi aba kuFilisitiya. Bakafutatila Mwaami Lesa akucileka kumusebensela.