Neyemiya 9:19 - Baibo Busansulushi Bwa Libuku Ili

¹⁹ Sombi tamukwe kubafutatila muluyanga umo ceebo nkumbu shanu shilakankamika abuumbi. Likumbi talikwe kucileka kubatanjilila munshila yabo malumwi nabi mulilo mashiku kucileka kumunikila nshila njebeelete kutola.

Neyemiya 9:19 Marejeleo ya Msalaba

Neyemiya 9:12

Malumwi mwakalinga kubatanjilila alikumbi, mashiku mwakalinga kubamunikila munshila amulilo.

Neyemiya 9:27

Paceebo ceeco mwakabaaba mumaansa a balwani babo abo bakalinga kubalyatilila. Sombi ndibakamulilila mumapensho abo, mwakabakumbula kuswa kwiculu uko nkomubete. Munkumbu shanu mwakabatumina bamatanjilili abo bakabafuna kuswa mumaansa a balwani babo.

Neyemiya 9:31

Ceebo ca nkumbu shanu shikankamika, tamukwe kubanyonyoola nabi kubafutatila. Mwebo muli baLesa beshiluse alimwi beshinkumbu.

Kulumbaisha 106:45

Mukubacafwa wakeebaluka cipangano cakwe, alimwi ceebo ca lusuno lwakwe lutamaani wakabooshaamo moyo.

Kulumbaisha 136:16

Wakatanjilila bantu bakwe muluyanga, ee, mukwiinga lusuno lwakwe ndwamuyayaya.

Kulonga 40:36

Anu mulweendo lwabo loonse, bene Isilaeli bakalinga kulongabo na likumbi lyaswaawo paTente.

Kulonga 40:38

Likumbi lya bulemu bwa Mwaami Lesa lyakalinga kuba paTente ya Cipangano malumwi, alimwi bakalinga kubona mulilo mulikumbi ciindi ca mashiku mulweendo lwabo loonse.

Isaya 44:21

Mwaami Lesa waamba ayi, “Nobamulunyungu lwakwe Jakobo amwiibaluke shintu ishi, nobene Isilaeli, mwebo muli basebenshi bangu. Ndakamulenga kwaamba ayi mube basebenshi bangu. Ncakwiila nebo teshi nkamulubeewo.

Malilo 3:22

Ceebo ca lusuno lwa Mwaami Lesa lutamaani, teshi tukalobeewo mukwiinga lakwe lusuno lwakwe ndwamuyayaya.

Esekelo 20:14

Sombi nshikwe kucita boobo ceebo ico nicakalengesha liina lyangu kumana bulemu mukwiinga pameenso a baswamashi ndakakusha bene Isilaeli muIjipiti.

Esekelo 20:17

“ ‘Nakubi boobo ndakabafwita nkumbu, nshikwe kubanyonyoola nabi kubalobya muluyanga.

Esekelo 20:22

Sombi nshikwe kucita boobo ceebo ico necakalengesha liina lyangu kumana bulemu mukwiinga pameenso a baswamashi ndakakusha bene Isilaeli muIjipiti.

Danyelo 9:18

“NobaLesa, amutukutike, amutulangilishe akubona mapensho ayo ngotuliimo alimwi amakatasho ayo ali mundabala iyo iitwa liina lyanu. Tatutoomusenga ceebo cakwaamba ayi tuliluleme, sombi ceebo ca nkumbu shanu shiinji.

Danyelo 9:9

Mwebo noBaami baLesa, baLesa besu, mulicite nkumbu alimwi mulatulekelela shibiibi nabi twakamwaashukila.

Malaki 3:6

“Nebo ndi Mwaami Lesa alimwi nshipilooki. Aboobo mwebo nobamulunyungu lwakwe Jakobo tamuna kunyonyookelabo limwi.

Shakubelenga 14:14

balaakulwiita bantu bekala mucishi ici. Bantu aba banyumfwa kale ayi mwebo noBaami baLesa, muli aswebo. Mulaboneka patuba na likumbi lyanu lyeemikana peculu lyesu, alimwi ayi mulatutanjilila mulicincilo lya likumbi ciindi ca malumwi, amulicincilo lya mulilo ciindi ca mashiku.

Dutolonomi 8:2

Amwiibaluke mwaami Lesa, Lesa wanu mbwaakamutanjilila mulweendo loonse lwa muluyanga lwa myaaka makumi one iyo yeenda. Wakalinga kumutumina makatasho mukumweelesha kwaamba ayi abone mpomwiimfwi alimwi na inga mwacikonsha kukonkela milawo yakwe.

1 Samwelo 12:22

Mwaami Lesa wakashomesha cakulumbila ayi teshi akamushiyeewo mukwiinga cakamukonda kwaamba ayi mwebo mube bantu bakwe.