Neyemiya 9:17 - Baibo Busansulushi Bwa Libuku Ili

¹⁷ Bakakaka kunyumfwila alimwi bakaluba shintu shoonse nshemwakacita. Bakaluba shaankamiko isho nshemwakabacitila. Mukulisumpula kwabo bakasala mutanjilili kwaamba ayi ababooshe mubusha mucishi ca Ijipiti. Sombi mwebo muli baLesa balekelela shibiibi, bacite luse alusuno alimwi batafwambaani kukalala. Nkuumbu shanu shilakankamika, aboobo tamukwe kubafutatilaawo, sobwe.

Neyemiya 9:17 Marejeleo ya Msalaba

1 Baami 6:13

Ndanookala pakati ka bantu bangu beene Isilaeli muŊanda yangu iyi njewanjakila, alimwi teshi nkabasuuleewo.”

1 Baami 8:57

Mwaami Lesa, Lesa wesu aabe aswebo bweenka mbwaakalinga abamashali besu bakulukulu. Atatushiyi cisuukila nabi kutusuula.

2 Makani 36:13

Kuswawaawo Sedekiya wakabukila mwaami Nebukadinesa uyo wakamukakatisha kushomesha cakulumbila muliina lyakwe Lesa kwaamba ayi ulaakunooshomeka kuli nguwe. Wakaba acimpamya akukaka kusandukila kuMwaami Lesa, Lesa wa bene Isilaeli.

Esila 9:9

Twakalinga basha sombi tamukwe kutulekelaamo. Mwakalengesha bamaami bene Pesha kutusuna, kutusuminisha kwikala akuyaka alimwi Ŋanda yanu nobaLesa iyo yakalinga yaba matongo. Mwakasuminisha ayi tuboole akwikala muluumuno muJuda alimwi aJelusalemu.

Neyemiya 9:31

Ceebo ca nkumbu shanu shikankamika, tamukwe kubanyonyoola nabi kubafutatila. Mwebo muli baLesa beshiluse alimwi beshinkumbu.

Kulumbaisha 106:13

Nakubi boobo bakafwambaana kuluba shoonse nshaakacita, akutalindila ayi abalwiite nshebeelete kucita.

Kulumbaisha 106:7

Bamashali besu bakulukulu ndibakalinga muIjipiti, tabakwe kubikaako maano kushaankamiko shakacita Lesa. Bakalubaako kufula kwa mankanda ngwaakabanyumfwila nkumbu. Bakamubukila kuLweenge Lusalala lulya.

Kulumbaisha 130:4

Sombi mwebo mulalekelela shibiibi shesu, paceebo ceeci swebo tulamulemeka abuumbi.

Kulumbaisha 78:10

Tabakwe kulama cipangano cakwe Lesa, bakakaka kukonkela milawo yakwe.

Kulumbaisha 78:11

Bakaluba shoonse nshaakabacitila, shaankamiko nshaakacita mumeenso abo.

Kulumbaisha 78:38

Nakubi boobo lakwe wakalinga kubanyumfwila nkumbu, wakabalekelela shibiibi shabo alimwi taakwe kubanyonyoola. Liinji liinji wakalinga kukomenya moyo kwaamba ayi atabi abukali bwakubacaya.

Kulumbaisha 86:15

Sombi mwebo nobaLesa, muliswite nkumbu aluse, tamukalali bwaangu, mulicite lusuno lutamaani alimwi mulashomeka.

Kulumbaisha 86:5

NoBaami baLesa, mulicite nkumbu alimwi mulatulekelela. Lusuno lwanu ndunene kubantu abo bapaila kuli ndimwe.

Kulonga 32:9

Lyalo Mwaami Lesa wakaambila Mose ayi, “Bushicimpamya bwa bantu aba ndishi mbobubete.

Tushimpi 1:24

Ndindakamwiita mwakankakila. Taaku muntu nabi womwi wakanyumfwila ndindakamulabula.

Jelemiya 18:15

Nakubi boobo bantu bangu nebo banduba. Balatentela shibumbwabumbwa shitacite ncito tununkila kabotu. Shibumbwabumbwa isho shakabalengesha kulisuntula munshila shabo akuleka kweendela munshila shikulukulu. Shalo shakabalengesha kweendela mutushilambali amunshila shitana kweepwa.

Jelemiya 19:15

“Mwaami Lesa, Shinkusu shoonse, Lesa wa bene Isilaeli waamba ayi, ‘Amunyumfwe! Ndaakuletela ndabala ino inene amandabala oonse ayo ashingulukite, mapensho ayo oonse ngondakashomesha kucita ceebo ca bushicimpamya bwabo aceebo cakukaka kunyumfwa kumaswi angu.’ ”

Jelemiya 7:26

Sombi tamukwe kunyumfwila nabi kubikako maano. Mwakayumya myoyo yanu akubisha kwiinda bamashali banu bakulukulu.’

Esekelo 5:6

Nakubi boobo ceebo cakubisha kwa bamundabala iyo bakaashukila milawo amilasho yangu kwiinda mishobo imwi ashishi isho shibashingulukite. Ncakwiila bakakaka milawo yangu alimwi tabakwe kukonkela milasho yangu.

Danyelo 9:9

Mwebo noBaami baLesa, baLesa besu, mulicite nkumbu alimwi mulatulekelela shibiibi nabi twakamwaashukila.

Jowelo 2:13

Amukwamoone myoyo yanu kutondesha buumba kuteshi kukwamoona shakufwala shanu. Amuboole kuMwaami Lesa, Lesa wanu. Lakwe ngushiluse alimwi ngushinkumbu. Taakalali bwaangu alimwi ngushilusuno. Ulisunishi kulekelela kwiinda kupa mulandu.

Bene Lefi 26:44

Nacibi boobo, pakunoocili mucishi ca balwani babo, teshi nkabalubileko limwi nabi kubanyonyoola. Ico inga camanisha cipangano cangu ambabo. Nebo ndime Mwaami Lesa, Lesa wabo.

Naamu 1:3

Mwaami Lesa taakalali bwaangu alimwi ngushinkusu shiinji. Taalangibo muntu wabisha kutamupa mulandu. Uleendela mukapupuulwa amucipuupu. Makumbi alaba ndolusuko lwa myeendo yakwe.

Shakubelenga 14:11

Mpomunyaawo Mwaami Lesa wakaambila Mose ayi, “Ino bantu aba batootola ciindi cilaamfu buyani kabankaka? Ino batootola ciindi cilaamfu buyani kabacikaka kushoma muli ndime, nakubi kwaamba ayi ndacita shaankamiko shiinji pali mbabo?

Shakubelenga 14:41

Sombi Mose wakaamba ayi, “Ino tamutoonyumfwililanshi Mwaami Lesa bulya? Teshi mubakoome!

Shakubelenga 16:14

Ncakwiila tookwe kutuleta mucishi mwakalinga bubile abulongo bubotu akutupa myuunda imwi aya minyansa. Sa ulisuni kutucenjeeka? Swebo twakaaka, teshi twiseeko!”

Milimo ya Batumwi 7:39

“Sombi bamashali besu bakulukulu bakakaka kumunyumfwila ceebo myoyo yabo yakalingabo kuIjipiti.

Bene Loma 9:15

Ceebo Lesa wakaambila Mose ayi, “Na ndasuna kunyumfwila nkumbu muntu umwi, ndaakumunyumfwila. Na ndasuna kuba abuumba pamuntu umwi, ndacita mbomunya ubo.”

Bene Ebulu 12:25

Paceebo ceeco, amucenjele kwaamba ayi mutakaki kunyumfwila wooyo utokwaamba amwebo. Boonse abo bakakaka kunyumfwila wooyo wakabacenjeshaako pacishi ca panshi pano kwiinda mumakani akwe Lesa, tabakwe kupuluka. Ono na twakaaka kunyumfwila wooyo utokwaamba kuswa kwiculu, ncakwiila aswebo teshi tukapulukeewo.

1 Samwelo 12:22

Mwaami Lesa wakashomesha cakulumbila ayi teshi akamushiyeewo mukwiinga cakamukonda kwaamba ayi mwebo mube bantu bakwe.