Neyemiya 9:15 - Baibo Busansulushi Bwa Libuku Ili

¹⁵ “Ndibakafwa nsala mwakabapa cakulya kuswa kwiculu. Ndibakafwa nyotwa mwakabapa maanshi kuswa mumwaandami. Mwakabaambila ayi baye mukubwesa cishi ico ncemwakabashomesha kubapa.

Neyemiya 9:15 Marejeleo ya Msalaba

Matalikilo 14:22

Abulamu wakakumbula ayi, “Ndashinisha pameenso aMwaami Lesa wakwiculu Wiindaawo, mulengi wa liculu acishi ca panshi,

Neyemiya 9:20

Mwakabapa Mushimu wanu ubotu ayi unoobeeisha shakucita. Mwakabapa mana ayi balye akubapa maanshi ayi banwe.

Kulumbaisha 114:8

Wakasandula myaandami kuba tushiba twa maanshi. Wakalinga mwaandami uyumu nta ngwaakasandula kuba tuntupu twa maanshi.

Kulonga 16:4

Mpeeke Mwaami Lesa wakaambila Mose ayi, “Ono ntoomuloshesha shakulya kuswa kwiculu ayi noonse mukwane. Bantu boonse balyeelete kuya mukubwesa shakulya lyoonse isho nsheenga bakumana pabushiku ubo. Munshila yeeyi, inga ndabeelesha akwishiba na inga bakonkela milasho yangu.

Kulonga 17:3

Sombi bantu bakanyumfwa nyotwa abuumbi, akutolelela kutongookela Mose. Bakamwaambila ayi, “Sa wakatukusha mucishi ca Ijipiti, akutuleta kokuno ayi utucaaye, bana besu alimwi ashifubwa shesu kunyotwa?”

Kulonga 17:6

Nebo ntokwiimikana kunembo lyako kumwaandami wa kuKalundu ka Sinayi. Uume nkoli yako mumwaandami uyo, lyalo maanshi atooswa muli nguwo kwaamba ayi bantu banwe.” Aboobo Mose wakacita mbomunya ubo pameenso a bamatanjilili ba bene Isilaeli.

Kulonga 6:8

Ndaakumutola kucishi ico ncendakashomesha cakulumbila kupa Abulaamu, Isaki alimwi aJakobo. Ono ndaakupa ndimwe kwaamba ayi cikabe cinenu cancinencine. Nebo ndime Mwaami Lesa.’ ”

Isaya 48:21

Mwaami Lesa ndyaakatanjilila bantu bakwe kwiinda muluyanga, tabakwe kupengawo kunyotwa. Wakalengesha maanshi kukunka kuswa mumwaandami. Ncakwiila wakapasula mwaandami akulengesha maanshi kukunka.

Jelemiya 32:23

Sombi balo ndibakesa mucishi ico akucibwesa ayi ncabo, tabakwe kukonkela milawo yanu nabi kwikala kweelana akwiisha kwanu. Taaku nabi comwi ncebakacitaawo pasheesho nshemwaakabaambila ayi banoocita. Paceebo ceeco, mwakaleta mapensho a mushobo uyu pakati kabo.

Esekelo 20:15

Ndakashomesha cakulumbila kuli mbabo kaantambikite lyaansa mwiculu kabali muluyanga kwaamba ayi teshi nkabatole mucishi ico ncendakabashomesha. Nkokwaamba ayi cishi umo muli bubile abulongo bubotu ico ciinda cishi cimwi cili coonse kubota.

Shakubelenga 14:30

Ndakamulasha ayi mulaakwikalaamo, sombi taaku weshi akeekaleemo kukushakobo Kalebu mwanaakwe Jefune alimwi aJoshuwa mwanaakwe Nani.

Dutolonomi 1:21

Amubone aneeci. Kamuya mwikaleemo kweelana abwakaamba Mwaami Lesa, Lesa wa bamashali banu bakulukulu, mutaloondi nabi kutonsha.’

Dutolonomi 1:8

Ici coonse ncecishi nebo neMwaami Lesa ncendakashomesha kupa bamashali banu bakulukulu, Abulaamu, Isaki alimwi aJakobo pantu pomwi abamulunyungu lwabo. Kamuya mukekaleemo.’ ”

Dutolonomi 8:3

Wakamukolesha nsala sombi wakamupa mana, cakulya ico mwebo abamashali banu bakulukulu ncemutana kulyaawo kale. Ici wakacicita kwaamba ayi amwiishe ayi cakulya ceenka teshi nceenga capa buumi muntu sombi amaswi oonse Mwaami Lesa ngaamba.