Neyemiya 7:3 - Baibo Busansulushi Bwa Libuku Ili

³ Mpeeke ndakabaambila ayi, “Shisasa sha kuminjililo ya ndabala inene ya Jelusalemu tasheelete kunoocalulwa kushikila lisuba lyatanta, Beshikulindilila kuminjililo balyeelete kucala shisasa akupingaako macolesha pakukomboka. Lyalo ndakabaambila alimwi ayi bakasaale beshikulindilila pakati ka baabo bekala muJelusalemu akubika bamwi mumisena ipusenepusene mundabala abamwi kumisena ibambene amaandaabo.”

Neyemiya 7:3 Marejeleo ya Msalaba

Neyemiya 13:19

Mpeeke ndakapa mulawo wakwaamba ayi minjililo ya ndabala inene ya Jelusalemu ilyeelete kunoocalwa lyoonse pakwipila lisuba, bushiku bwa Cibelu ndibutalika, akutacalula kushikila bushiku ubo bwamana. Ndakabika basebenshi bangu bamwi kulindilila minjililo kwaamba ayi kubule ciletwa mundabala pabushiku bwa Cibelu.

Neyemiya 3:23

Benjameni aAshubu bakayakulula cipansha ca lubumbu cakakonkelaawo ico cakalinga kunembo lya maandaabo. Asaliya mwanaakwe Maseiya, mwishikulu wakwe Ananiya wakayakulula cipansha ca lubumbu cakakonkelaawo ico cakalinga kunembo lya ŋanda yakwe.

Neyemiya 7:2

Ndakabika mukwesu Anani kunokweendelesha Jelusalemu pantu pomwi aAnaniya mutanjilili wa ciyubilo ca bashilumamba. Ananiya wakalinga muntu ushomeka alimwi ulemeka Lesa kwiinda bantu bamwi boonse.

Neyemiya 7:4

Jelusalemu yakalinga ndabala inene, sombi mwakalinga kwikalabo bantu baniini. Aalo maanda kaatana kuyakululwa.

Kulumbaisha 127:1

Na Mwaami Lesa wabula kuyaka ŋanda, ngayi bayaki basebenselabo kapongo kafwite. Na Mwaami Lesa wabula kulindilila ndabala, ngayi beshikulindilila balipenshabo akutoona.

Kulumbaisha 147:13

Lakwe ngooyumya mpingilo sha kuminjililo yako, akupa coolwe bantu bekala mumo.

Mateyo 10:16

“Amubone, ntoomutuma anga nimbelele pakati kabaumpe, aboobo amucenjelele anga ninsoka akulibombya anga nimpolobe.