Neyemiya 4:21 - Baibo Busansulushi Bwa Libuku Ili

²¹ Aboobo bushiku abushiku twakalinga kusebensa kuswa kumuyamaca kushikila nyenyeenshi shaswa mashiku. Musa wa likoto lyesu bakalinga kusebensela kulubumbu, musa umwi kabalindilila amasumo.

Neyemiya 4:21 Marejeleo ya Msalaba

Neyemiya 4:20

Anu kuli koonse nkweenga mwanyumfwa lupeenga, amuyoboloke akwisa kuli ndime. Lesa wesu ulaakutulwanina.”

Neyemiya 4:22

Mpomunyaawo ndakaambila bantu abo bakalinga kweendelesha mulimo uyo abeshikubacafwa kwaamba ayi, balyeelete kuba muJelusalemu mashiku ayi tunoolindilila ndabala inene akunoosebensa mulimo uyo malumwi.

1 Bene Kolinto 15:10

Sombi kwiinda muluse lwakwe Lesa ndakaba mbuli mboombete bulya alimwi luse ulo ndwaakantondesha talukwe kunyonyookabo, sobwe. Sombi ndakasebensa cankusu kwiinda batumwi bamwi boonse. Nakubi boobo teshi ndime ndakasebensa, sombi nduse lwakwe Lesa luli anebo.

1 Bene Kolinto 15:58

Aboobo nobamakwesu nomusunikwi, amwiimikane mulushomo cakutatenkaana. Amubike myoyo yanu kumulimo wa Mwaami ceebo mulishi ayi tamutoosebensela Mwaami kwakubula mpindu.

Bene Galatiya 6:9

Anu tutacileeki kucita shibotu mukwiinga paciindi ceelete, tulaakutebula na tubule kutyongooka.

Bene Kolose 1:29

Kwaamba ayi cicitike ici, ndasebensa abuumbi kwiinda munkusu shakwe Klistu isho shisebensa cankusu muli ndime.