Neyemiya 13:31 - Baibo Busansulushi Bwa Libuku Ili

³¹ Ndakabamba shakuleta nkuni paciindi ceelete shakusebensesha pakutenta milambu alimwi akwaambila bantu kunooleta nsomo sha shili anga ngamaila ansoomo sha shisepo. NobaLesa bangu, kamunjibaluka akunoonyumfwila nkumbu.

Neyemiya 13:31 Marejeleo ya Msalaba

Neyemiya 10:34

Swebo, nkokwaamba ayi bapailishi, bene Lefi abantubo tunanokuuma cisolo mwaaka amwaaka kwaamba ayi twishibe shipani sheelete kuleta nkuni isho nshakutentesha milambu yabengwa kuMwaami Lesa, Lesa wesu kuŊanda yakwe paciindi ceelete mumwaaka bweenka mbocilembetwe muMilawo.

Neyemiya 10:35

Twakasumina akuleta insomo sha mumyuunda yesu ashisepo shitaanshi kupya kuŊanda yakwe Lesa mumwaaka amwaaka.

Neyemiya 10:38

Alakwe mupailishi wa mulunyungu lwakwe Aloni ulyeelete kushindikila bene Lefi ciindi banoopekwa shalikumi. Abalo bene Lefi balyeelete kuleta calikumi ca shalikumi kuŊanda yakwe Lesa akucibika muŋanda yakusungilamo shintu.

Neyemiya 13:14

NobaLesa bangu, kamunjibaluka pashintu shoonse nshendakacitila Ŋanda yanu akulambila kwakalinga kuba kooko.

Neyemiya 13:22

Lyalo ndakaambila bene Lefi ayi balisalashe akuya mukulindilila minjililo kwaamba ayi bushiku bwakookesha bwa Cibelu bulamwe cakubusalasha. NobaLesa bangu, amunjibaluke pacikani ici acalo akunyumfwila nkumbu kweelana alusuno lwanu lunene.

Neyemiya 5:19

NobaLesa bangu, amwiibaluke shintu nshendakacitila bantu aba akumpa shoolwe shiinji.

Kulumbaisha 106:4

Amunjibaluke noBaami baLesa, ciindi ndyemufwita nkumbu bantu banu. Amumfunine kumwi ndyemubapulusha

Kulumbaisha 25:7

Shibiibi shangu sha kubwanike mutakashiibaluki, nshila shangu sha bwaashu mutakashiibaluki. Munjibaluke mulusuno lwanu nobeene, mukwiinga mwebo NoBaami baLesa muli kabotu.

Luka 23:42

Mpeeke wakaamba ayi, “BaJesu, mukanjibaluke mwaakwisa muBweene bwanu.”