Neyemiya 13:26 - Baibo Busansulushi Bwa Libuku Ili

²⁶ Ndakabaambila ayi, “Sa te shikwati sha mushobo uyo nsheshakalengesha Solomoni mwaami wa bene Isilaeli kubisha. Taaku mwaami mushishi shafula wakalinga kweelenaakwe mubulemu. Solomoni wakalinga kusunikwi kuli Lesa wakwe, aboobo wakabikwa pabwaami bwa bene Isilaeli boonse. Nakubi boobo wakabisha ceebo ca banakashi baswamashi.

Neyemiya 13:26 Marejeleo ya Msalaba

1 Baami 21:25

Takuna kubawo kale muntu wakalibenga kucita shintu shibiibi pameenso a Mwaami Lesa mbuli aAabu. Wakalinga kucita boobo kwiinda mukulwiitikwa kuli Jesebelo mukaakwe.

1 Baami 3:12

ntoocita ico ncewasenga. Ntookupa busongo alushibo kwiinda shakabawo kale amuntu uli woonse nabi nsheshi akabaasho.

1 Baami 3:13

Ntookupa asheesho nshootakwe kusenga. Mubuumi bwako ulaakuba abubile alimwi abulemu kwiinda bamaami boonse.

1 Baami 4:1

Solomoni wakalinga mwaami wa cishi ca Isilaeli coonse.

2 Makani 1:12

Paceebo ceeco ntookupa busongo alushibo. Peculu lya sheesho ndaakukupa buboni, bubile alimwi abulemu isho shitakwe kubawo kale amwaami wakalingaako webo kootana kuba mwaami nabi umwi weshi akese.”

2 Makani 9:22

Mwaami Solomoni wakalinga kwiinditeewo bubile abusongo pamwaami uli woonse.

Tushimpi 31:3

Utanyonyooli nkusu shako shoonse kubanakashi alimwi utasoweeli maali ako kubaabo banyonyoola bamaami.

Shikushimikila 7:26

Ndibwene cintu cibiibi kwiinda lufu. Cintu ico ngumwanakashi uyo uli anga nkoose. Ncakwiila mwanakashi uyo ucite moyo uli anga ncinsaala. Maansaakwe ali anga nincetani. Musankwa usangalasha Lesa ulakonsha kumuleya, sombi mucita shibi ulaakumucatisha mukoose kakwe.