Neyemiya 13:25 - Baibo Busansulushi Bwa Libuku Ili

²⁵ Lyalo ndakabakalalila, kubashingana, bamwi ndakabooma akubanonkoola misusu. Ndakabaambila ayi bashomeshe cakulumbila ayi balo abana babo teshi bakacibooshewo kweebana abaswamashi.

Neyemiya 13:25 Marejeleo ya Msalaba

2 Baami 2:24

Elisha wakapiluluka wabalangilisha akubashingana muliina lya Mwaami Lesa. Mpeeke kwakesa bashiluwe banene bobilo bakaswa muluundu akuluma bacikula bwangu bali 42 pakati kabo.

Esila 10:5

Mpeeke Esila wakanyamuka akulengesha bamatanjilili ba bapailishi, bene Lefi alimwi abene Isilaeli boonse kushomesha cakulumbila kucita shakaambwa. Lyalo bakalumbila.

Esila 7:26

Na umwi waalilwa kukonkela Milawo ya Lesa wako nabi milawo yangu ulyeelete kupekwa mulandu wakucaikwa, kutandwa mucishi, kunyaikwa buboni bwakwe nabi kwaangwa.”

Neyemiya 13:11

Paceebo ceeco ndakakalalila bacinenenene pakulekelesha Ŋanda yakwe Lesa. Lyalo ndakaleta beshikwiimba abene Lefi bamwi akubabika mumilimo yabo.

Neyemiya 13:17

Lyalo ndakakalalila bamatanjilili bene Juda ayi, “Mwaboona cibiibi ici ncemwacita! Mwalengesha bushiku bwakookesha bwa Cibelu kutasalala.

Neyemiya 13:24

Anu bana babo bamwi bakalinga kwaamba mushobo wine Ashidodi nabi umwi. Tebakalinga kwaamba kabotu ciJuda.

Neyemiya 5:13

Mpeeke ndakafutula nkomwe shangu akwaamba ayi, “Munshila yeenka iyi muntu uli woonse uyo weshi akabule kucita kweelana ambwaashomesha, Lesa mbweshi akacite kuli nguwe. Ulaakumunyaya maandaanu ashintu shoonse nshemucite alimwi ulaakumushiya maansaabo.” Bantu boonse bakakumbula ayi, “Ameni!” Mpeeke bakalumbaisha Mwaami Lesa akucita kweelana ambobakashomesha.

Neyemiya 5:6

Ono ndindakanyumfwa matongooshi akulilaana kwabo, ndakakalala abuumbi.

Kulumbaisha 119:53

Ndakalala abuumbi pakubona bantu babiibi, bantu babiibi abo batakonkeli milawo yanu.

Kulumbaisha 15:4

Ngooyo unyansha muntu uyo Lesa ngwaakaka, sombi ulemeka baabo banyumfwila Mwaami Lesa. Muntu uyo ucita nshaakashomesha cakulumbila, nakubi kwaamba ayi lakwe mwiine cilamucisa.

Kulonga 34:16

Ono bana banu inga baakweeba banakashi baswamashi abo beenga babakusha kuli ndime, akutalika kulambila balesa babo.

Tushimpi 28:4

Abo batakonkeli milawo, bali kulubasu lwa bamucita shibi. Sombi abo beekonkela tababete kulubasu lwabo.

Isaya 50:6

Ndakaaba musana wangu kubaabo bakalinga kunguma. Macili angu ndakaalansha kubaabo bakalinga kuncelebula akunshipila mate.

Dutolonomi 6:13

Mukanoolemeka Mwaami Lesa, Lesa wanu. Mukanoolambilabo nguwe eenka akunooshomesha shintu cakulumbila muliina lyakwe.

Dutolonomi 7:3

Kuteebaawo nabi womwi pakati kabo alimwi kutasuminisha bana banu kweeba nabi kweebeshekwa pakati kabo.

Joshuwa 23:12

Ono na mukamwaashukile akweendelana amishobo imwi iyo icili pakati kanu, alimwi na mukatalike kweeba akweebeshana pakati kanu ambabo,