Neyemiya 13:17 - Baibo Busansulushi Bwa Libuku Ili

¹⁷ Lyalo ndakakalalila bamatanjilili bene Juda ayi, “Mwaboona cibiibi ici ncemwacita! Mwalengesha bushiku bwakookesha bwa Cibelu kutasalala.

Neyemiya 13:17 Marejeleo ya Msalaba

Neyemiya 13:11

Paceebo ceeco ndakakalalila bacinenenene pakulekelesha Ŋanda yakwe Lesa. Lyalo ndakaleta beshikwiimba abene Lefi bamwi akubabika mumilimo yabo.

Neyemiya 13:16

Abalo bene Taya bakalinga kwikala muJelusalemu bakalinga kuleta nswi ashintu shimwi shakuulisha mundabala inene iyo akuulisha bene misheesu pabushiku bwakookesha bwa Cibelu.

Neyemiya 13:25

Lyalo ndakabakalalila, kubashingana, bamwi ndakabooma akubanonkoola misusu. Ndakabaambila ayi bashomeshe cakulumbila ayi balo abana babo teshi bakacibooshewo kweebana abaswamashi.

Neyemiya 5:7

Ndindakamana kuyeeya pamakani aya, ndakaambila bamatanjilili alimwi abacinenenene abo ayi, “Mwebo mutoolyatilila baJudanyinaanu.” Mpomunyaawo ndakabunganya bantu baanji kwaamba ayi cikani ici bacibandike.

Tushimpi 28:4

Abo batakonkeli milawo, bali kulubasu lwa bamucita shibi. Sombi abo beekonkela tababete kulubasu lwabo.

Isaya 1:10

Nobene Jelusalemu, amukutike shitokwaamba Mwaami Lesa. Amukutike mwebo nobaleli nomuli anga mbaleli bene Sodoma aGomola, ee, nobantu nomuli anga mbene Sodoma aGomola.

Jelemiya 13:18

Mwaami Lesa wakaŋambila ayi, “Ambila mwaami abanyina ayi, ‘Amuseluke pashuuna shanu sha bwaami ceebo mishini yanu yabulemu ilaakuloka kumitwi yanu.’

Jelemiya 5:5

Aboobo ntooya kubamatanjilili babo nkabandikaabo. Ndushinisho balo balishishi nshila sha Mwaami Lesa asheesho shiyanda Lesa wabo.” Sombi abalo boonse bakakaka bweendeleshi bwa Mwaami Lesa akukaka kucita sheesho nshaayanda.

Esekelo 20:13

“ ‘Nakubi boobo bene Isilaeli bakangashukila muluyanga. Tabakwe kukonkela milasho yangu akukaka milawo yangu iyo ipa buumi kumuntu uyo wiinyumfwila. Bakabisha bushiku bomwi abomwi bwakookesha bwa Cibelu. Aboobo ndakalinga kulibambite kubalengesha kunyumfwa cilemeneshi ca bukali bwangu muluyanga.

Bene Lefi 19:17

“Tamweelete kubikila mfundilishi muntu nabi womwi, sombi mubandike pacilubo cili pakati kanu kwaamba ayi mutakabishi ceebo ca nguwe.

Mika 3:1

Nebo neMika ndakaamba ayi, “Amunyumfwe mwebo nobamatanjilili ba bamulunyungu lwakwe Jakobo, ee, mwebo nobaleli ba bene Isilaeli. Mwebo mulyeelete kubika maano kukoombolosha cakutanyengelela,

Mika 3:9

Amukutike mwebo nobamatanjilili ba bamulunyungu lwakwe Jakobo, ee, mwebo nobaleli ba bene Isilaeli. Amukutike mwebo nomupatite koombolosha cakutanyengelela akusandula shiluleme kuba shitaluleme.