Neyemiya 13:15 - Baibo Busansulushi Bwa Libuku Ili

¹⁵ Munshiku isho ndakabona bantu bamwi mucishi ca Juda bakalinga kutyana minyansa pabushiku bwakookesha bwa Cibelu. Bamwi bakalinga kubika shili anga ngamaila, waini, minyansa, inkuyu ashimwi shintu pambongolo shabo akutola kuJelusalemu. Ndakabacenjesha ayi batanokuulisha cintu cili coonse pabushiku bwakookesha bwa Cibelu.

Neyemiya 13:15 Marejeleo ya Msalaba

2 Makani 24:19

Lyalo Mwaami Lesa wakatuma balaluki kwaamba ayi bacenjeshe bantu abo ayi baboolele kuli nguwe, sombi bantu abo tabakwe kubanyumfwila.

Neyemiya 10:31

Na baswamashi baleta bukwebo buli boonse kwaamba ayi tuule pabushiku bwakookesha bwa Cibelu nabi pabushiku bumwibo busalalite, teshi tunokuulaawo. Mumwaaka amwaaka wasanu ayobilo teshi tunoolimaawo myuunda yesu alimwi tunanoolekelela beshinkongole boonse mumwaaka uyu.

Neyemiya 10:32

Mwaaka amwaaka womwi awomwi pakati kesu unanoopa magilamu a silifa ali osanwe akusebenseshekwa mumulimo wa kuŊanda yakwe Lesa.

Neyemiya 13:16

Abalo bene Taya bakalinga kwikala muJelusalemu bakalinga kuleta nswi ashintu shimwi shakuulisha mundabala inene iyo akuulisha bene misheesu pabushiku bwakookesha bwa Cibelu.

Neyemiya 13:21

Sombi ndakabacenjesha ayi, “Ino nciinshi ncemoonena pansengwe lya lubumbu kulindila ayi buce? Na mukaciboosheewo, ndaakumuuma.” Kuswa bushiku ubo, tabana kwisawo kale pabushiku bwakookesha bwa Cibelu.

Neyemiya 9:29

Mwakabacenjesha kunyumfwila kwiisha kwanu, sombi balo bakalisumpula akukaka kukonkela milawo yanu nakubi kwaamba ayi Milawo yanu ilapa buumi kumuntu na weekonkela. Ceebo ca bushicimpamya bwabo bakaka kumunyumfwila.

Jobo 39:12

Sa inga wacinka manungo muli njiyo ayi itookututila shili anga ngamaila shako akushibunganya kulubansa lwako lwakulupwitaawo?

Kulumbaisha 50:7

“Amukutike nobantu bangu ŋambe. Nobene Isilaeli, ntoomushinina. Nebo ndime Lesa, Lesa wanu.

Kulonga 31:12

Mpeeke Mwaami Lesa wakaambila Mose

Kulonga 31:16

Anu bene Isilaeli balyeelete kulama bushiku ubo ayi nkeshibilo ka Cipangano.

Kulonga 34:21

“Mulicite nshiku shosanwe alimwi abomwi isho nshemweelete kusebensa milimo yanu, sombi pabushiku bwasanu ashobilo, tamweelete kusebensa, nabibo ciindi cakulima alimwi acakutebula.

Kulonga 35:2

Munshiku shosanwe abomwi mulyeelete kusebensa milimo yanu, sombi bushiku bwasanu ashobilo, mbushiku busalalite bwakookesha, bubengetwe kuli ndime neMwaami Lesa, Lesa wanu. Uyo woonse weenga wasebensa milimo pabushiku ubu, ulyeelete kucaikwa.

Tushimpi 28:4

Abo batakonkeli milawo, bali kulubasu lwa bamucita shibi. Sombi abo beekonkela tababete kulubasu lwabo.

Isaya 58:13

Mwaami Lesa waamba ayi, “Na mwakasha myeendo yanu kupwaya mulawo wa bushiku bwakookesha bwa Cibelu, na mwalikasha kucita shisangalasha myoyo yanu pabushiku bwangu busalalite alimwi bulemekwa, na mwabupa bulemu mukuteenda munshila shanu nobeene alimwi akutacita shisangalasha myoyo yanu nabi mukwaamba caambaambe,

Jelemiya 17:24

Ono na mwebo munoobika maano kukunyumfwila ndime akutanjisha mikuli paminjililo ya ndabala ino pabushiku bwakookesha bwa Cibelu nkokwaamba ayi na munoobusalasha mukutasebensa mulimo uli woonse,

Jelemiya 17:27

Sombi na mukabule kunyumfwila akusalasha bushiku bwakookesha bwa Cibelu mukutanoonyamuna mikuli ili yoonse pakwiinda paminjililo ya ndabala ya Jelusalemu pabushiku ubo, ndaakunyansha mulilo utashimiki paminjililo ya ndabala iyo, uyo weshi ukateente shiyubilo sha njiyo.’ ”

Jelemiya 42:19

Kuswawaawo nebo neJelemiya ndakabaambila ayi, “Mwebo nobantu bakacaala mucishi ca Juda, Mwaami Lesa wamwaambila ayi, ‘Mutayi kuIjipiti.’ Amwishibe lushinisho kwaamba ayi ndamucenjesha sunu

Esekelo 20:13

“ ‘Nakubi boobo bene Isilaeli bakangashukila muluyanga. Tabakwe kukonkela milasho yangu akukaka milawo yangu iyo ipa buumi kumuntu uyo wiinyumfwila. Bakabisha bushiku bomwi abomwi bwakookesha bwa Cibelu. Aboobo ndakalinga kulibambite kubalengesha kunyumfwa cilemeneshi ca bukali bwangu muluyanga.

Amosi 8:5

Mwebo mulaamba ayi, ‘Kusekelela kwa Mweenshi Upya kulaakumana lili kwaamba ayi tukoolishe shili anga ngamaila shesu? Anu bushiku bwakookesha bwa Cibelu bulaakumana lili kwaamba ayi tukoolishe witi? Lyalo tukatantike mweelo akusebensesha shipimo shakubeca ee, tukanyengelele bantu mukusebensesha shipimo shitaluleme.

Mika 6:3

Mwaami Lesa waamba ayi, “Nobantu bangu ino ndamucitanshi? Anu ndamupensha munshilanshi? Amunkumbule!

Milimo ya Batumwi 2:40

Pita wakatolelela kubaambila maswi amwi aanji akubacenjeshaako kaamba ayi, “Amulipulushe kumapensho ayo eshi akacitikile bamucita shibi ba cecino ciindi!”

Milimo ya Batumwi 20:21

KubaJuda abaswamashi bakunsengwe boonse, ndakalinga kubakonkomesha ayi balyeelete kusanduka kuswa kushibiibi shabo akusandukila kuli Lesa kwiinda mukushoma muMwaami wesu Jesu.

Bene Galatiya 5:3

Ntoomulwiita alimwi ayi na muntu uli woonse wasumina kupalulwa, ulyeelete kukonkela Milawo yoonse.

Bene Efeso 4:17

Ono muliina lya Mwaami, ntoomulwiita amoyo woonse ayi tamweelete kunookala anga mbakunsengwe mukwiinga nshebayeeya taaku mboshibete

Dutolonomi 8:19

Kuteelesha kuluba Mwaami Lesa, Lesa wanu nabi kulambila balesa bamwi akubasebensela. Na mukacite boobo ndamulwiitila limwi sunu ayi mulaakunyonyoolwa.

1 Bene Tesalonika 4:6

Mucikani ici kutabi muntu ubishisha mushominyina nabi kumulenga buluya. Twakamucenjeshawo kale ayi pacikani ici Lesa ulaakutondesha bukali kubantu bacita sheesho.