Neyemiya 12:43 - Baibo Busansulushi Bwa Libuku Ili

⁴³ Pabushiku ubu bakaleta milambu iinji, abantu bakasekelela cakusangalala ceebo Lesa wakabasangalasha abuumbi. Banakashi abaana abalo bakasekelela, aboobo ciyobeyobe cakusangalala kwabo muJelusalemu cakalinga kunyumfwikilabo kulaale.

Neyemiya 12:43 Marejeleo ya Msalaba

2 Makani 20:13

Paciindi ico basankwa boonse bene Juda, bamakaabo abana babo bakalinga kwiimfwi kuŊanda yakwe Lesa.

2 Makani 20:27

Jeoshafati wakatanjilila bashilumamba bakwe kuboolela kuJelusalemu kabasangalete mukwiinga Mwaami Lesa wakakoma balwani babo.

2 Makani 7:10

Ngayi pabushiku bwamakumi obilo ashotatwe, mumweenshi wasanu ayobilo wakapalanganya bantu ayi baye mwabo mwabo. Bakaya kabakondetwe akusangalala mumyoyo ceebo ca shintu Mwaami Lesa nshaakacitila Defedi, Solomoni alimwi abantu bakwe bene Isilaeli.

Esila 3:13

Aboobo taaku muntu wakakonsha kwishiba ciyobeyobe cakusangalala nabi cakulila, mukwiinga ciyobeyobe ico cakalinga cinene abuumbi cakwaamba ayi bantu bakalinga kulaale bakalinga kunooshiitemobo.

Neyemiya 12:27

Ono paciindi cakusalasha lubumbu lwa ndabala ya Jelusalemu, bene Lefi bakeetwa kuswa mumisena mobakalinga kwikala kwaamba ayi babeeko pakusekelela kusalasha uku akwiimba nyimbo shakulumba alimwi akulisha tusenke atulumbu tunene atuniini.

Neyemiya 12:42

Bakalinga pesule lyesu nguMaseiya, Shemaya, Eleyasa, Usi, Jeowanani, Malukija, Elamu alimwi aEsa. Beshikwiimba abo bakalinga kutanjililwa aJesilaiya.

Jobo 34:29

Na woongulusha, anu ngani ukonsha kumutongooka? Na wabafutatila ngani weenga wapekwa coolwe?

Kulumbaisha 27:6

Aboobo balwani bangu abo banshingulukite ndaakubakoma. Ndaakunoobenga milambu muŊanda yakwe isalalite akwiimba cakusangalala, Ndaakwiimbila Mwaami Lesa inyimbo munshila isangalasha kunyumfwa.

Kulumbaisha 28:7

Mwaami Lesa ngoompa nkusu akumfuna, ndushinisho ndicinkite manungo muli nguwe. Aboobo ulancafwa alimwi ndamulumbaisha cakukondwa, alimwi ndamulumba kwiinda mulwiimbo lwangu.

Kulumbaisha 9:2

Ndaakwiimba cakusangalala ceebo ca ndimwe. Ndaakulumbaisha liina lyanu noBaami Beendaawo.

Kulumbaisha 92:4

NoBaami baLesa, milimo yanu ikankamika ilansangalasha. Ndeemba cakusangalala ceebo ca sheesho nshemucita.

Isaya 61:3

Wakantuma kucafwa baabo balila muSiyoni, kubafwalika ngala yakukondwa kuteshi milota ya buumba. Kubapa mafuta atondesha kusangalala kuteshi mapensho aleta minsonshi. Kubalengesha kwiimba nyimbo shakulumbaisha kuteshi buumba. Balaakunokwiitwa ayi mibanga yabululami iyo Mwaami Lesa njaakashanga kwaamba ayi atondeshe bulemu bwakwe.

Jelemiya 31:13

Bamyooye balaakushana akusangalala. Basankwa bacikula bwangu alimwi abamanene abalo balaakusangalala. Kulila kwabo ndaakukusandula kukabe kusangalala. Ndaakuboombulusha akubasangalasha mumusena wakubapa buumba.

Jelemiya 33:11

ciyobeyobe cakusangalala akukondwa kwabo aciyobeyobe cakusangalalila bwiinga. Lyalo mulaakunyumfwa bantu kabeemba pakunooleta shipo shakulumba kuŊanda yangu neLesa. Balaakunokwaamba ayi, ‘Amulumbe Mwaami Lesa, Shinkusu shoonse mukwiinga uli kabotu ee, mukwiinga lusuno lwakwe ndwamuyayaya.’ Ncakwiila ndaakulengesha cishi ici kuswitilila bweenka mbocakalinga kale kale. Nebo neMwaami Lesa ndaamba.”

Shakubelenga 10:10

Amwalo muciindi cakusangalala mbuli pakusekelela sha Mweenshi Upya alimwi apakusekelela shakupaila kwanu kumwi koonse, mulyeelete kulisha mapeenga pakunoobenga milambu yanu yakutenta alimwi amilambu ya bwanabwankashi. Lyalo ndaakumucafwa. Nebo ndime Mwaami Lesa, Lesa wanu.”

Mateyo 21:15

Sombi bamatanjilili ba bapailishi abafundishi ba Milawo, ndibakabona shintu shikankamika ishi nshaakacita alimwi andibakanyumfwa banike bakalinga koolobesha muŊanda yakwe Lesa ayi, “Alumbaishikwe mwanaakwe Defedi!” bakakalala.

Mateyo 21:9

Mpeeke bantu abo bakalinga panembo lyakwe Jesu abaabo bakalinga pesule bakatalika koolobesha ayi, “Aalumbaishikwe mwanaakwe Defedi! Ulicite coolwe uyo utoosa muliina lyakwe Lesa! Aalumbaishikwe Lesa kwiculu lya maculu!”

Joni 16:22

Amwebo mbweeke ubo, bulya mulyuungumene mumyoyo. Sombi ndaakumubona alimwi, lyalo mulaakusangalala abuumbi. Kusangalala uko, taaku muntu eshi akakukusheewo pali ndimwe.

Bene Efeso 5:19

Mulyeelete kwaamba kuli womwi awomwi mumaswi a kulumbaisha, nyimbo sha kulemeka alimwi ashimwi sha kulumbaisha Lesa. Kamwiimbila Mwaami cakukondwa amoyo woonse.

Jemusi 5:13

Na umwi pakati kanu uli mumapensho, aapaile kuli Lesa. Na kuli usangalete aimbe nyimbo shakulumbaisha.

1 Samwelo 4:5

Libokoshi lya Cipangano ca Mwaami Lesa ndilyakashika kumisumba yabo, bene Isilaeli bakakondwa abuumbi cakwaamba ayi bakoolobesha cakutenkaanya ainshi.