Neyemiya 12:30 - Baibo Busansulushi Bwa Libuku Ili

³⁰ Lyalo bapailishi abene Lefi bakalisalasha kweelana aMilawo, pantu pomwi abantu, minjililo alimwi alubumbu lwa ndabala inene iyo.

Neyemiya 12:30 Marejeleo ya Msalaba

Matalikilo 35:2

Aboobo Jakobo wakaambila bamuŋanda yakwe abamwi boonse mbwaakalingaabo ayi, “Amusowe balesa beensu mbomucite, amulisalashe, mufwale shakufwala shili kabotu.

1 Makani 15:14

Mpomunyaawo bapailishi abene Lefi bakalisalasha kwaamba ayi banyamune Libokoshi lya Cipangano ca Mwaami Lesa, Lesa wa bene Isilaeli.

2 Makani 29:34

Paciindi ici tekwakalinga bapailishi bakalinga kukonsha kucaya banyama abo boonse. Aboobo bene Lefi bakabacafwaako kushikila mulimo woonse wamana. Muciindi ico bapailishi abamwi bakalisalasha kweelana aMilawo. Bene Lefi bakalinga kwiindaawo kushomeka mukwikala kabasalalite kweelana aMilawo kwiinda bapailishi.

2 Makani 29:5

akubalwiita uko ayi, “Mwebo nobene Lefi mulyeelete kulisalasha alimwi akusalasha Ŋanda yakwe Lesa, Lesa wa bamashali banu bakulukulu. Mukushe shoonse isho shitasalalite muŊanda yakwe Lesa.

Esila 6:21

Bene Isilaeli abo bakaswa mucishi ca busha mbobakabalya pantu pomwi abaabo boonse bakacileka kukonkela shintu shibiibi shalinga kucita bantu abo bakalinga kwikala mucishi cilya, akutalika kulambila Mwaami Lesa, Lesa wa bene Isilaeli.

Neyemiya 12:29

Bamwi bakaswa kundabala ya Beti Gilugala, cishi ca Geba aca Asimafeti ceebo beshikwiimba bakayaka mishi yabo kushinguluka Jelusalemu.

Neyemiya 13:22

Lyalo ndakaambila bene Lefi ayi balisalashe akuya mukulindilila minjililo kwaamba ayi bushiku bwakookesha bwa Cibelu bulamwe cakubusalasha. NobaLesa bangu, amunjibaluke pacikani ici acalo akunyumfwila nkumbu kweelana alusuno lwanu lunene.

Neyemiya 13:30

Mpomunyaawo ndakasalasha bantu boonse mukukusha shintu shoonse sha baswamashi akupa mupailishi amwine Lefi womwi awomwi mulimo wakwe.

Jobo 1:5

Ono kwakalinga nkwishibila kwakwe Jobo kwaamba ayi na kusekelela kwamana, lakwe macuunsacuunsa wakalinga kubengela mwanaakwe womwi awomwi mulambu wakutenta mukumusalasha. Wakalinga kucita boobo mukwiinga wakalinga kuyeeya ayi, “Cimwi ciindi bana bangu bakabisha akushingana Lesa cakuteshiba.”

Kulonga 19:10

alakwe Mwaami Lesa wakamwaambila ayi, “Koya ukalwiite bantu ayi kutalika sunu alimwi aciilo, balyeelete kulisalasha ayi balibambile kulambila Lesa. Balyeelete kucapa shakufwala shabo

Kulonga 19:15

alimwi Mose wakabaambila ayi, “Isona mukanoolibambite alimwi bulya paciindi ici tamweelete kukumana abamakaanu.”

Bene Ebulu 5:1

Mupailishi munene uli woonse ulasalwa pakati ka bantu bene mishaabo akubikwa ayi anobeemikanina kuli Lesa. Mulimo wakwe ngwakupa shipo sha banyama alimwi ashipo shimwi shoonse kuli Lesa kwaamba ayi shibiibi sha bantu shilekelelwe.

Bene Ebulu 5:3

Alimwi mukwiinga alakwe ulilefukite, teelete kubenga milambu ya banyama kuli Lesa ceebo ca shibiibi sha bantu bamwi beenka, sombi ashibiibi shakwe mwiine.