Neyemiya 12:26 - Baibo Busansulushi Bwa Libuku Ili

²⁶ Bantu aba bakalinga kusebensa munshiku shakwe Joiyakimu mwanaakwe Jeshuwa mwishikulu wakwe Josadaki, amunshiku shakwe Neyemiya mweendeleshi alimwi ashakwe Esila mupailishi alimwi mufundishi wa Milawo.

Neyemiya 12:26 Marejeleo ya Msalaba

2 Makani 9:26

Wakalinga kulela bamaami boonse mucishi coonse kuswa kuMulonga wa Yufuletisi kuya mukushika kucishi ca bene Filisiti akumanyinsa a cishi ca Ijipiti.

Esila 7:11

Iyi njenkalata yakalemba mwaami Atasakisesi akupa Esila mupailishi alimwi mufundishi, uyo ushi milawo amilasho ya Mwaami Lesa njaakapa bene Isilaeli.

Esila 7:6

Esila uyo wakaswa kuBabiloni alimwi wakalinga kwishi abuumbi Milawo yakwe Mose iyo Mwaami Lesa, Lesa wa bene Isilaeli njaakapa. Mwaami wa kuBabiloni wakamupa shoonse nshaakalinga kusenga mukwiinga Mwaami Lesa, Lesa wakwe wakalinga pali nguwe.

Neyemiya 8:1

Ono mumweenshi wasanu ayobilo bene Isilaeli boonse bakakalikana mumandabalaabo. Bantu boonse bakabungana pabushiku butaanshi bwa mweenshi uyo mulubansa luli pafwaafwi aMwinjililo wa Maanshi. Bakaambila Esila mufundishi wa Milawo ayi alete libuku mulembetwe Milawo yakwe Mose iyo Mwaami Lesa njaakapa bene Isilaeli.

Neyemiya 8:9

Kuswawaawo Neyemiya mweendeleshi, Esila mupailishi alimwi mufundishi wa Milawo abene Lefi abo bakalinga kusansulwita bantu, boonse bakaambila bantu abo ayi, “Bushiku bwasunu mbushiku busalalite bwa Mwaami Lesa, Lesa wanu. Aboobo tamweelete kulila bumpute nabi kulila cakoolobesha.” Bakabaambila boobo ceebo bakalinga kulila ndibakanyumfwa shakalinga kubelengwa muMilawo.