Neyemiya 12:24 - Baibo Busansulushi Bwa Libuku Ili

²⁴ Bamatanjilili ba bene Lefi nguAshabiya, Shelebiya Jeshuwa mwanaakwe Kadimyelo. Bamatanjilili aba bakapansaanya bene Lefinyinaabo mumakoto. Makoto obilo akalinga kwiimba nyimbo shakulumbaisha akulumba Lesa cakukumbushanya paciindi comwi acomwi kweelana abwakaamba Defedi muntu wakwe Lesa.

Neyemiya 12:24 Marejeleo ya Msalaba

1 Baami 17:24

Mpeeke mukalubinje uyo wakakumbula ayi, “Ono ndashiiba ayi uli muntu wakwe Lesa alimwi ayi Mwaami Lesa ulaambila muli ndiwe!”

1 Makani 16:4

Wakasala bene Lefi bamwi kwaamba ayi banoosebensela kunembo lya Libokoshi lya Cipangano ca Mwaami Lesa kwaamba ayi banoosenga, banoolumba akulumbaisha Mwaami Lesa, Lesa wa bene Isilaeli.

2 Makani 8:14

Mukukonkela bwakamulwiita baishi baDefedi, Solomoni wakabika bapailishi mumakoto makoto ayi banoosebensa mumalishi malishi pantu pomwi abene Lefi ayi banoocita mulimo wakulumbaisha Lesa akunoocafwa bapailishi mumilimo yabo ya lyoonse. Wakapanga amakoto a beshikulindilila mwinjililo womwi awomwi ceebo Defedi, muntu wakwe Lesa, mbwaakaamba ubo.

Esila 2:40

Ishi nsheshipani sha mumikowa ya bene Lefi bakapiluka kuswa kucishi ca busha. Jeshuwa aKadimyelo bamulunyungu lwakwe Odafiya 74

Neyemiya 11:17

Mataniya mwanaakwe Mika mwishikulu wakwe Sabudi. Sabudi wakalinga mwanaakwe Asafu uyo wakalinga kutanjilila likoto lya beshikwiimba abo bakalinga kwiimba lwiimbo lwakulumba Lesa. Bakibukiya uyo wakalinga mucafwi kuli Mataniya. Abuda mwanaakwe Shamuwa, mwishikulu wakwe Galalu. Galalu wakalinga mwanaakwe Jedutuni.

Neyemiya 12:23

Bamatanjilili ba bamumaanda bene Lefi kushika kuciindi cakwe Jowanani mwanaakwe Eliyashibu bakalembwa mulibuku lya makani a bulelo.

Neyemiya 12:36

Pesule lyakwe pakalinga bamakwabo, nkokwaamba ayi Shemaya, Asalelo, Milalayi, Gilalayi, Mayi, Netanelo, Juda alimwi aAnani kabacite ashakulisha isho shakaamba Defedi muntu wakwe Lesa. Esila mufundishi wa Milawo ngowakalinga kutanjilila likoto ilyo.

Neyemiya 8:7

Kuswawaawo bantu bakanyamuka akwiimikana mumisena yabo. Lyalo bene Lefi, nkokwaamba ayi Jeshuwa, Bani, Shelebiya, Jamini, Akubu, Shabetayi, Odiya, Maseiya, Kelita, Asaliya, Josabadi, Anani aPelaya bakalinga kubasansulwita Milawo.

Neyemiya 9:4

Bene Lefi bakatanta pacintu cakwiimikanaawo akupaila cakoolobesha kuMwaami Lesa, Lesa wabo. Meena a bene Lefi abo ngaaya: Jeshuwa, Bani, Kadimyelo, Shebaniya, Buni, Shelebiya, Bani alimwi aKenani.

Dutolonomi 33:1

Mose, muntu wakwe Lesa, wakapa bene Isilaeli shoolwe ishi kaatana kufwa.

1 Timoti 6:11

Ono webo omuntu wakwe Lesa, swa kushintu shoonse sha mushobo uyu. Koelesha kuba abuumi bululeme, bwakulemeka Lesa, bwalushomo, bwalusuno, bwakutaboola pesule abwa kulibombya.

2 Timoti 3:17

Nkokwaamba ayi muntu utoosebensela Lesa abe wooyo ukonsha kucita micito ibotu ili yoonse.

Joshuwa 14:6

Ono bamwi bamumukowa wakwe Juda bakaya kuli Joshuwa kuGilugala. Mpeeke Kalebu mwanaakwe Jefune mwine Kenisi wakamwaambila ayi, “Mulishi Mwaami Lesa mbwaakaambila Mose muntu wakwe kuKadeshi Baniya pali ndimwe anebo.