Neyemiya 11:21 - Baibo Busansulushi Bwa Libuku Ili

²¹ Basebenshi ba kuŊanda yakwe Lesa bakekala mucipansha ca ndabala ya Jelusalemu ciitwa ayi Ofelo. Siya aGishipa mbobakalinga kubeendelesha mumulimo wabo.

Neyemiya 11:21 Marejeleo ya Msalaba

1 Makani 9:2

Bakataanguna kuboolela kushipansha sha shishi shabo mumandabalaabo anene, mbene Isilaeli bantubo, bapailishi, bene Lefi alimwi abasebenshi ba muŊanda yakwe Lesa.

2 Makani 27:3

Jotamu ngowakayakulula Mwinjililo wa Peculu wa Ŋanda yakwe Lesa alimwi akusebensa milimo iinji pakuyaka lubumbu lwa mundabala mumusena wa kuJelusalemu wiitwa ayi Ofelo.

Esila 2:43

Ishi nsheshipani sha mumikowa ya basebenshi ba muŊanda yakwe Lesa abo bakapiluka kuswa mucishi ca busha. Siya, Asufa, Tabayoti,

Neyemiya 3:26

wakayakulula cipansha ca lubumbu cakakonkelaawo. Wakeela pafwaafwi aMwinjililo wa Maanshi kwicwe alimwi aŋanda ilaamfu yakulindilililaawo kuŊanda yakwe Lesa. Apo pakalinga kubambene acipansha ca ndabala inene ciitwa ayi Ofelo uko kwakalinga kwikala basebenshi ba kuŊanda yakwe Lesa.

Neyemiya 3:31

Malukija wakalinga kufula golodi wakayakulula cipansha ca lubumbu cakakonkelaawo kuya mukushika kuŋanda ya basebenshi ba kuŊanda yakwe Lesa abeshimakwebo. Ŋanda iyi yakalinga kubambene aMwinjililo wa Mifukadi pafwaafwi acipinda cakalinga peculu lya likonko lya lubumbu.