Neyemiya 10:39 - Baibo Busansulushi Bwa Libuku Ili

³⁹ Ono bene Isilaeli abene Lefi balyeelete kutola shipo sha shili anga ngamaila, waini upya alimwi amafuta a maolifi kumaanda akusungilamo shisebensesho sha Ŋanda yakwe Lesa uko kwikala bapailishi bali pabulishi, beshikulindilila kuminjililo alimwi abeshikwiimba. Teshi tukalekeleshewo Ŋanda yakwe Lesa, Lesa wesu.

Neyemiya 10:39 Marejeleo ya Msalaba

2 Baami 7:10

Lyalo bakaya balwiita beshikulindilila mwinjililo wa ndabala inene ya Samaliya ayi, “Twalinga twaya kumisumba ine Silya, sombi tatuna kubonaawo muntu nabi womwi. Twacaana maaki ambongolo kashaangitwebo. Aalo matente alibo bweenka mbobakaayaka.”

2 Makani 31:11

Mpomunyaawo mwaami Esekiya wakalwiita bantu kwaamba ayi bayake maanda akusungilaamo shintu mulubansa lwa Ŋanda yakwe Lesa.

2 Makani 31:12

Bakalinga kuleta shipo shabo, shalikumi ashipo shakabengwa kuMwaami Lesa. Konaniya mwine Lefi ngowakalinga kweendelesha mulimo wakulama shintu isho, mukwabo Shimeyi ngowakalinga wabili kuli nguwe pancito iyo.

Neyemiya 12:47

Ono muciindi cakwe Selubabelo amuciindi cakwe Neyemiya, bene Isilaeli boonse bakalinga kuleta shipo sha bushiku abushiku sha beshikwiimba abeshikulindilila minjililo. Bakalinga kuleta cipansha ceelete kubene Lefi, abalo bene Lefi bakalinga kupa cipansha ceelete kubapailishi.

Kulumbaisha 122:9

Ceebo ca Ŋanda ya Mwaami Lesa, Lesa wesu, ndaakukupailila ayi uswitilile.

Shakubelenga 18:26

“Lwiita bene Lefi ayi na mwatambula calikumi kuswa kubene Isilaeli ico ncendamupa ayi ncipansha canu, amwebo mulyeelete kukushawo calikumi akucipa ayi ncipo kuli ndime neMwaami Lesa.

Shakubelenga 18:30

Na mwapa kale cipansha ciindaawo kubota, cilaakuba anga ncipo ca fulaulo shipya nabi waini upya.

Dutolonomi 12:17

Ono shoonse nsheenga mwapa Mwaami Lesa tasheelete kulikwa mumisena umo mweshi mukanookala. Nabi shalikumi shanu sha shili anga ngamaila, waini, mafuta a olifi, baana bakwiiya ba ŋombe ambelele, shipo shakulyaaba, shipo nshemushomesha cakulumbila kupa Mwaami Lesa alimwi ashipo shimwi shoonse.

Bene Ebulu 10:25

Anu tutacileeki kwishibila kwesu kwakubungana pantu pomwi, mbuli butoocita bamwi. Sombi twiindilisheewo kuyuminishanya, mukwiinga twaboona ayi Bushiku bwakwisa kwa Mwaami Jesu bwasenena.