Neyemiya 10:36 - Baibo Busansulushi Bwa Libuku Ili

³⁶ Kweelana ambocilembetwe muMilawo tulaakunooleta bana besu basankwa bakwiiya, boombe bakwiiya alimwi abana ba shifubwa shesu shimwi shoonse kuŊanda yakwe Lesa kupa bapailishi basebensa mulimo wakwe Lesa.

Neyemiya 10:36 Marejeleo ya Msalaba

2 Makani 31:5

Ingayi bene Isilaeli banyumfwebo shakaamba mwaami, bakaleta nsomo sha shili anga ngamaila, waini, mafuta a olifi, buuci alimwi ashintu shimwi shiswa mumyuunda. Bakaleta ashalikumi sha buboni bwabo boonse.

Neyemiya 12:44

Lyalo paciindi ici basankwa bakasalwa kunokweendelesha maanda akusungilamo shipo, shisepo shitaanshi ashalikumi. Bantu aba bakaba amulimo wakuyobolola shipansha sha bapailishi asha bene Lefi kuswa mumandabala kweelana abwaamba Milawo. Bapailishi abene Lefi bakasangalasha bene Juda boonse

Neyemiya 13:5

Aboobo wakamupa cipinda cinene umo kalekale mwakalinga kusungilwa shipo sha shili anga ngamaila, tununkila kabotu pakutenta, shisebensesho, shalikumi sha shili anga ngamaila, waini upya alimwi amafuta a maolifi isho shakalinga kupekwa kubene Lefi, beshikwiimba, beshikulindilila minjililo alimwi ashipo sha bapailishi.

Kulonga 13:2

“Amubenge baana basankwa bakwiiya boonse kuli ndime, mukwiinga mwaana musankwa wakwiiya woonse mwine Isilaeli alimwi amwaana musankwa woonse wakwiiya wa shifubwa, boonse mbaangu.”

Kulonga 23:19

“Lyoonse pamwaaka mulyeelete kuleta kuŋanda ya Mwaami Lesa, Lesa wanu shakulya shiinditeewo kupya kabotu nshemutaanguna kutebula. “Mutateleki kana ka mpongo mumukupa wa banyina.

Kulonga 34:19

“Woonse mwaana musankwa wakwiiya ngwaangu pantu pomwi abaana basankwa bakwiiya ba shifubwa boonse,

Malaki 3:10

Amulete myeelo ikwene ya shalikumi muŊanda yangu kwaamba ayi mube shakulya. Amunjeleshe, mubone na inga nshimucalwiti mbwelyo sha kwiculu akumupuumwita shoolwe shiinji cakwaamba ayi mukabule apakushibika.

Shakubelenga 3:13

ceebo baana bakwiiya mbaangu. Ndindakacaya baana basankwa bakwiiya boonse muIjipiti, ndakalibikila palubasu mwaana musankwa wakwiiya woonse wa mwine Isilaeli, alimwi amwaana musankwa wakwiiya wa munyama. Boonse balyeelete kuba baangu, nebo ndime Mwaami Lesa.”

Bene Galatiya 6:6

Uyo woonse utokwiishikwa maswi akwe Lesa ulyeelete kwaabana amufundishi wakwe shintu shoonse shibotu nshaacite.

Dutolonomi 12:6

Kumusena uyo weenka nkweshi mukanoopeta milambu yakutenta amilambu imwibo, pantu pomwi acalikumi, shipo nshemushomesha cakulumbila kupa Mwaami Lesa, cipo cakulyaaba alimwi abaana bakwiiya ba ŋombe ambelele.