Neyemiya 10:29 - Baibo Busansulushi Bwa Libuku Ili

²⁹ twasuminishanya abamakwabesu bamatanjilili besu. Twashomesha cakulumbila kukonkela Milawo yakwe Lesa iyi njaakatupa kwiinda muli Mose musebenshi wakwe akunyumfwila. Tulaakukonkela milawo amilasho yoonse ya Mwaami Lesa, Lesa wesu. Na tukabule kucita boobo, mashingo aakese pamitwi yesu.

Neyemiya 10:29 Marejeleo ya Msalaba

2 Baami 10:31

Nakubi boobo Jewu taakwe kukonkela camoyo woonse milawo ya Mwaami Lesa, Lesa wa bene Isilaeli. Lakwe wakakonkela bwakacita Jeloboamu uyo wakalengesha bene Isilaeli kubisha.

2 Baami 23:3

Mpomunyaawo mwaami wakeemikana pafwaafwi alicinko lya bwaami akupanga cipangano aMwaami Lesa. Wakashomesha kumunyumfwila akukonkela milawo amilasho yakwe camoyo wakwe woonse abuumi bwakwe boonse. Wakashomesha akucita kweelana ashilembetwe mulibuku ilyo. Mpeeke bantu boonse bakashomesha kulama cipangano ici.

1 Makani 9:2

Bakataanguna kuboolela kushipansha sha shishi shabo mumandabalaabo anene, mbene Isilaeli bantubo, bapailishi, bene Lefi alimwi abasebenshi ba muŊanda yakwe Lesa.

2 Makani 34:31

Mpomunyaawo mwaami wakeemikana pafwaafwi alicinko lya bwaami akupanga cipangano aMwaami Lesa. Wakashomesha kumunyumfwila akukonkela milawo amilasho yakwe camoyo wakwe woonse abuumi bwakwe boonse. Wakashomesha akucita kweelana amaswi a mucipangano alembetwe mulibuku ilyo.

2 Makani 6:16

Ono bulya noBaami baLesa, baLesa ba bene Isilaeli, ndaseenga kwaamba ayi mucite acalo cimwi cilya ncemwakashomesha bata ndimwakabaambila ayi bamaami ba bene Isilaeli lyoonse bananooli bamulunyungu lwabo kulilabo na kabamunyumfwila cakukonkotanya mbweeke mbobakalinga kucita balo.

Neyemiya 13:25

Lyalo ndakabakalalila, kubashingana, bamwi ndakabooma akubanonkoola misusu. Ndakabaambila ayi bashomeshe cakulumbila ayi balo abana babo teshi bakacibooshewo kweebana abaswamashi.

Neyemiya 7:46

Meena a shipani sha mumikowa ya basebenshi ba muŊanda yakwe Lesa abo bakapiluka kuswa mucishi ca busha ngaaya: Siya, Asufa, Tabaoti,

Neyemiya 8:2

Lyalo Esila mupailishi wakaleta Libuku lya Milawo pameenso a bantu. Libungano ili lyakalinga lya basankwa, banakashi abanike boonse abo bakonsha kunyumfwa.

Neyemiya 8:3

Mpeeke wakababelengela kuswa macuunsacuunsa kushikila lisuba ndilyakashika pakati ka mutwi palubansa ulo luli pafwaafwi aMwinjililo wa Maanshi. Bantu bakalinga kukutika cakubikaako maano.

Neyemiya 9:2

Bamulunyungu lwa bene Isilaeli bakalipatula kuswa kubaswamashi. Mpeeke bakeemikana akulyaambilila shibiibi shabo abubi bwa bamashali babo bakulukulu.

Neyemiya 9:38

“Ono ceebo ca sheeshi, tutoopanga cipangano ceelete kukonkelwa cakushomeka. Tutoocilemba abalo bamatanjilili besu, bene Lefi abapailishi batoobikawo kalamatila wa twishibilo twabo.”

Kulumbaisha 105:45

Wakacita boobo kwaamba ayi bakonkele milasho yakwe, alimwi akulama milawo yakwe yoonse. Amulumbaishe Mwaami Lesa!

Kulumbaisha 119:106

Ndakashomesha cakulumbila akushinisha ayi ndanookonkela milawo yanu iluleme.

Kulumbaisha 8:1

NoBaami baLesa, Baami baLesa besu! Liina lyanu lilalumbaishikwa cishi coonse. Bulemu bwanu buleenda shintu shoonse sha kwiculu.

Kulumbaisha 8:9

NoBaami baLesa, Baami baLesa besu, liina lyanu ncakwiila lilalumbaishikwa mucishi coonse.

Isaya 14:1

Mwaami Lesa ulaakunyumfwila nkumbu bamulunyungu lwakwe Jakobo. Ulaakusala bene Isilaeli alimwi akubaboosha ayi bekale mucishi cabo. Baswamashi balaakwisa mukwikalaabo mucishi cabo akukakatila kuli mbabo.

Jelemiya 26:4

Mwaami Lesa wakandwiita kwaambila bantu ayi, “Nebo neMwaami Lesa ndaamba ayi, ‘Mulyeelete kunyumfwila ndime mukukonkela milawo yangu iyo njendakamupa

Jelemiya 34:15

Amwebo nshiku shiniini sheenda, mwakasandula miyeeyo yanu akucita cakansangalasha. Noonse mwakasuminishanya kwaangulula basha bene Isilaelinyinaanu akupanga cipangano kunembo lyangu muŊanda yangu umo moonambililwa.

Esekelo 36:27

Ndaakubika Mushimu wangu muli ndimwe akumulengesha kukonkela milasho yangu alimwi akunyumfwila milawo yangu cakushomeka.

Bene Lefi 20:26

Mwebo mulyeelete kuba bantu basalalite akubabo baangu neenka, ceebo ndime Mwaami Lesa alimwi ndisalalite. Ndakamupatula kuswa pakati ka mishobo imwi yoonse kwaamba ayi mubebo baangu neenka.

Malaki 4:4

“Amwiingashile kwiisha kwa musebenshi wangu Mose, milasho amilawo iyo njendakamupa pakalundu ka Sinayi kwaamba ayi bene Isilaeli banookonkela.

Shakubelenga 5:21

Mwaami Lesa akushingane pakati ka bene mishaanu. Aalengeshe ayi bwanakashi bwako bunyane alifumo lyako kushimba.

Joni 1:17

Mukwiinga Lesa wakapa Milawo kwiinda muli Mose, sombi luse alushinisho shakesa kwiinda muli Jesu Klistu.

Joni 15:14

Na kamukonkela kwiisha kwangu, nkokwaamba ayi muli babyaanji.

Joni 7:19

Te Mose wakamupa Milawo? Ono taaku muntu nabi womwi pakati kanu ukonkela Milawo iyo. Ceebonshi mutooyanda kuncaya?”

Milimo ya Batumwi 11:23

Ono ndyaakashika akubona Lesa mbwaakapa coolwe bantu abo, wakakondwa. Wakabayuminisha ayi batolelele kushoma muMwaami Jesu amyoyo yabo yoonse.

Milimo ya Batumwi 17:34

Bamwi basankwa bakashoma maswi akaamba Paulo akushoma muli Jesu. Pabaabo bakasumina, umwi nguDiyonishasi wa mulikoto lya nkuta ya Aleopagasi alimwi amwanakashi umwi wiitwa ayi Damalisi alimwi abamwi.

Milimo ya Batumwi 23:21

Sombi mutakabanyumfwili mukwiinga kuli basankwa beendilila pamakumi one beshi bakanooyubite munshila kababelamina Paulo. Bakalumbila pameenso akwe Lesa ayi teshi bakalye nabi kunwa kabatana kumucaya. Bulya balilibambite kumucaya, batoolindilabo bukumbulo kuswa kuli ndimwe.”

Bene Loma 12:9

Mulyeelete kuba alusuno lwalushinisho. Amupate bubi akusunisha kucita shintu shibotu.

Dutolonomi 33:4

aMilawo Mose njaakatupa ceebo mbobuboni bwesu sobene Isilaeli.

Dutolonomi 5:1

Mose wakabunganya bene Isilaeli boonse akubaambila ayi, “Nobene Isilaeli, amukutike kumilawo amilasho yoonse njeentoomupa sunu. Muyiiye akwiikonkela cakushinisha.

Dutolonomi 5:32

“Nobene Isilaeli amushinishe kwaamba ayi mulaakunookonkela shoonse Mwaami Lesa, Lesa wanu nsheshi amulwiite ayi mucite. Mutakasuuli mulawo wakwe uli woonse.