Mika 6:3 - Baibo Busansulushi Bwa Libuku Ili

³ Mwaami Lesa waamba ayi, “Nobantu bangu ino ndamucitanshi? Anu ndamupensha munshilanshi? Amunkumbule!

Mika 6:3 Marejeleo ya Msalaba

Kulumbaisha 50:7

“Amukutike nobantu bangu ŋambe. Nobene Isilaeli, ntoomushinina. Nebo ndime Lesa, Lesa wanu.

Kulumbaisha 51:4

Ndakabishisha ndimwe, ee, mwebo nweenka, ndakacita cintu cibiibi pameenso anu. Ndushinisho mulalulika kuŋamba ayi ndilubite, alimwi tamukwe kulubya kumpa mulandu.

Kulumbaisha 81:13

Nobantu bangu, nimwankutika, nobene Isilaeli nimwanyumfwila,

Kulumbaisha 81:8

Ono amunyumfwe, nobantu bangu, nshentoomucenjesha. Mwebo nobene Isilaeli ndamusenga ayi munyumfwile.

Isaya 5:4

Ino nciinshi cimwi ciinda mbondakacitila muunda wangu ico ncendakalinga kweelete kuucitila? Nebo ndakalinga kulangila ayi mulaakucata minyansa ibotu. Ceebonshi mwakacata minyansa isakamwita?

Jelemiya 2:31

Mwebo nobamulishalane lino, amuyeeye a Mwaami Lesa akwaamba ayi, ‘Sa ndaba anga nduyanga kuli ndimwe nobene Isilaeli? Sa ndaba anga ncishi ca munshinshe ushiya mbi?’ Ino ono ceebonshi nobantu bangu mutokwaamba ayi, ‘Tulyaangulukite kucita cili coonse ncetusuni, teshi tukaboolewo tubili kuli ndiwe.’

Jelemiya 2:5

Mwaami Lesa utokwiipusha ayi, “Ino ncibiibinshi bamashali banu bakulukulu ncebakambonena, ico cakabalengesha kupambuka bobulya kuswa munshila yangu? Beene bakakonkela shibumbwabumbwa shitaaku mboshibete, lyalo abalo beene bakaba bantu bataaku mbobabete.

Mika 6:5

Nobantu bangu, amwiibaluke Balaki mwaami wa bene Moabu ncaakapinga kucita kuli ndimwe. Amwiibaluke Balaamu mwanaakwe Beyo mbwaakakumbula. Amwiibaluke cakacitika mbomwakeenda kuswa kuShitimu kuya kuGilugala kwaamba ayi mwishibe milimo yangu ya bululami yakumupulusha.”

Bene Loma 3:19

Ono tulishi kwaamba ayi shoonse shaamba Milawo shilaamba pabaabo beendeleshekwa anjiyo kwaamba ayi bakabule pakuyubila milandu Lesa njeshi akabape.