Mika 4:13 - Baibo Busansulushi Bwa Libuku Ili

¹³ Mwaami Lesa waamba ayi, “Nobene Siyoni, amunyamuke akutalika kunyonyoola balwani banu! Ndaakumulengesha kuba ankusu anga ngumucende ucite meeca anshimbi ashoondo sha bulonse. Mulaakupwayoola mishobo ya bantu iinji. Bubile boonse mbobakasaala munkondo, mulaakububenga mumaansaangu, ee, mumaansaangu nebo neMwaami Lesa wa cishi ca panshi coonse.”

Mika 4:13 Marejeleo ya Msalaba

Kulumbaisha 24:1

Cishi ca panshi ashoonse shiliimo nsha Mwaami Lesa. Nkokwaamba ayi cishi pantu pomwi abantu boonse bekaalaamo mbaakwe.

Kulumbaisha 68:29

Ceebo ca Ŋanda yanu isalalite ili kuJelusalemu, bamaami bananooleta shipo kuli ndimwe.

Kulumbaisha 72:10

Bamaami bene Sipeeni aba kunsumbu abakamuletele shipo, Bamaami bene Sheba abene Seba abalo abakamuletele shipo mukumupa bulemu.

Isaya 18:7

Paciindi ico shipo shilaakuletwa kuMwaami Lesa kuswa kubantu balaamfu, bateshimite shikanda alimwi bantu baloondwa cishi coonse. Ee, kuswa kumushobo ucite beshinkusu, ncakwiila kuswa kucishi cibaanishitwe amilonga. Bantu abo balaakwisa kuKalundu ka Siyoni uko Mwaami Lesa Shinkusu shoonse nkwaalambililwa.

Isaya 21:10

Nobene Isilaelima, mwalyatoolwa anga nguwiti palubansa lwakulupwitaawo. Ono ndaambilisha kuli ndimwe makani abotu ayo ngondanyumfwa kuMwaami Lesa Shinkusu shoonse, Lesa wa bene Isilaeli.

Isaya 23:18

Maali ngweshi bakanoocana balaakwaabika mumaansa a Mwaami Lesa. Ncakwiila teshi bakanoosunga beene, sombi abo beshi bakanoosebensela Mwaami Lesa mbweshi bakanokwaasebensesha kukuula shakulya ashakufwala shabo.

Isaya 5:28

Mifwi yabo ilikolete alimwi mata abo alibambitwe kale. Shoondo sha maaki abo nshiyumubo anga ndibwe, aalo mawilo a shikoci shabo sha nkondo alacicabo anga nkapupuulwa.

Jelemiya 51:20

Mwaami Lesa waamba ayi, “Babiloni uli nsando yangu, ee, uli cakulwanisha cangu. Ndaakusebensesha kupwayooshako mishobo ya bantu akunyonyoola malelo abo.

Jelemiya 51:33

Babiloni waba anga ndubansa lwakulupwitaawo ciindi ndyelulyatoolwa pakulupula shili anga ngamaila. Ndushinisho ciindi cakwe cakumutebula cilaakushikila cakufwambaana. Nebo neMwaami Lesa Shinkusu shoonse, Lesa wa bene Isilaeli ndaamba.”

Danyelo 2:44

“Muciindi ca bamaami abo Lesa wa kwiculu ulaakuleta bwaami ubo bweshi bukabule kumana. Teshi bukakomweewo, sombi bulaakunyonyoola malelo amwi ayo oonse akulela kwalyoonse alyoonse.

Osiya 10:11

Bene Efuleemu bakalinga anga nimpwishi itambite iyo isunishi kulupula shili anga ngamaila. Sombi bulya ndaakubakobeka lijoko munshingo shabo shibotu kwaamba ayi basebense ncito iyumu. Bene Juda balyeelete kushaba abalo bene Isilaeli balyeelete kulima.

Mika 5:7

Abo beshibakacaaleewo pabamulunyungu lwakwe Jakobo, pakati ka mishobo iinji ya bantu, balaakuba anga ngumume uswa kuMwaami Lesa. Balaakuba anga nimfula yatepetepe pabwiisu mukucinka manungo muli Lesa kuteshi mumuntu, sobwe.

Abakuku 3:12

Mubukali bwanu mwakeenda kucilingana cishi ca panshi. Ncakwiila mubukali bwanu buyoosha mwakalyatoola bantu bamumishobo yoonse.

Sekaliya 12:3

Ono ciindi ico caakushikila, mishobo ya mucishi ca panshi yoonse yaakubungana pantu pomwi ayi ilwane ndabala iyo, ndaakulengesha Jelusalemu kuba anga ndibwe lilemu. Nkokwaamba ayi kulila mushobo uyo weenga weelesha kulinyamuna, ulaakulicisa.

Sekaliya 12:6

“Pabushiku ubo ndaakulengesha bamatanjilili ba bene Juda kuba anga nimbabula yabikwa pamulwi wa nkuni. Ee, kubabo anga ncimunimweenge cabikwa pamile ya bwiisu. Nkokwaamba ayi balaakunyonyoola mishobo yoonse ibashingulukite. Sombi balo bene Jelusalemu balaakunooshiitebo kwakubula cakulisukama mundabala yabo.

Sekaliya 4:14

Mpeeke wakaamba ayi, “Aba mbobantu bobilo abo Mwaami Lesa wa cishi ca panshi coonse mbwaakasala akunanika mafuta ayi bakanoomusebensela.”

Sekaliya 6:5

Alakwe wakankumbula ayi, “Uyu njimyuuwo yone yaswa kunembo lya Mwaami Lesa wa cishi coonse ca panshi.”

1 Bene Kolinto 16:2

PaSondo lyoonse, womwi awomwi pakati kanu ulyeelete kupatula maali a lucafwo ulo kumaali akwe amwi oonse kweelana ambwaacana, kwaamba ayi ndaakwisa kutakabi kusowa ciindi mukubunganya shipo.

Dutolonomi 33:25

Mandabala a nguwo akacaalwe ashisasa sha nshimbi asha bulonse, alimwi keekala muluumuno kwa buumi bwakwe boonse.

Joshuwa 6:19

Anu shintu shoonse sha silifa, golodi, bulonse nabi sha nshimbi shabikwa palubasu ayi nsha Mwaami Lesa. Aboobo shilyeelete kubikwa kunkomwe ya buboni bwa Mwaami Lesa.”