Mika 3:2 - Baibo Busansulushi Bwa Libuku Ili

² sombi mulipatite shibotu akusuna bubi. Mulafunda bantu bangu kabacili boomi akukusha minyemfu kushifuwa shabo.

Mika 3:2 Marejeleo ya Msalaba

1 Baami 21:20

Lyalo Aabu ndyaakabona Elija wakaamba ayi, “Sa te wancanikisha kale omulwani wangu?” Elija wakakumbula ayi, “Ee, ndamucana, mwebo nomucilibengetebo kukucita shintu shibiibi pameenso a Mwaami Lesa.

2 Makani 19:2

Mpeeke Jewu mulaluki mwanaakwe Anani, wakaya mukukumanya mwaami akumwaambila ayi, “Sa mutooyeeya ayi cililuleme kucafwa bamucita shibi akulwana kulubasu lwa bantu bapatite Mwaami Lesa? Ici ncemwacita calengesha bukali bwa Mwaami Lesa kwisa pali ndimwe.

Kulumbaisha 15:4

Ngooyo unyansha muntu uyo Lesa ngwaakaka, sombi ulemeka baabo banyumfwila Mwaami Lesa. Muntu uyo ucita nshaakashomesha cakulumbila, nakubi kwaamba ayi lakwe mwiine cilamucisa.

Kulumbaisha 53:4

Ono Lesa uleepusha ayi, “Sa te bamucita shibi abo lushibo balicite? Ono balacana buumi bwabo kwiinda mukupamba shintu sha bantu bangu. Bamucita shibi abo tabapaili kuli ndime neLesa.”

Tushimpi 28:4

Abo batakonkeli milawo, bali kulubasu lwa bamucita shibi. Sombi abo beekonkela tababete kulubasu lwabo.

Isaya 3:15

Anu mutooyeeya ayi ndimwe baani pakulyatilila bantu bangu akunoolita masuku pamitwi ya bakandu?” Ubo mbwaatokwaamba Mwaami Lesa, ee, Mwaami Lesa Shinkusu shoonse.

Isaya 5:20

Mapensho kubaabo baamba bubi ayi cibotu akwaamba cibotu ayi bubi. Balapilula munshinshe kuba mumuni, amumuni kuba munshinshe. Cilula balaamba ayi cilicite mise, cicite mise ayi cilalula.

Isaya 57:12

Mwebo mulayeeya ayi ncemutoocita cililuleme, sombi micito yanu ndaakwiiyubulula alimwi shibumbwabumbwa teshi shikamucafweewo.

Esekelo 11:7

“Paceebo ceeco, Mwaami Lesa waamba ayi, ‘Mituntu ya bantu iyo njemwakasoweelaamo yaba njenyama, ayalo ndabala ino njenongo, sombi mwebo ndaakumutandaamo.

Esekelo 22:27

Abalo bacinenenene bali muli ncico bali anga mbaumpe batookwamoona munyama ngobacata. Balatila bulowa mukucaya bantu ayi babile.

Esekelo 24:4

Mwamana mubikeemo shipumputa sha nyama, shipumputa sha nyama iindaawo kubota. Nkokwaamba ayi myeendo yakatako ayakunembo. Muusuushe amafuwa eendaawo kubota.

Esekelo 34:3

Mulanwa mandili, mulafwala nsalu shakatungwa abooya bwa mbelele, mulacaya akulya mbelele shiinite, sombi tamulaami litanga napaceyi.

Amosi 4:1

Amukutike maswi aya mwebo nobanakashi bekala muSamaliya, ee, mwebo nomutokwiinabo anga nimpwishi sha kuBashani. Amukutike mwebo nomupensha bakandu akulyatilila bantu bataaku mbobabete. Amukutike mwebo nomwishi kunokwaambilabo bameebaanu ayi, “Amutuletelewo twakunwa tutontoshewo panshingo!”

Amosi 5:15

Amupate bubi akusuna shintu shibotu. Kamoombolosha cakutanyengelela munkuta. Mpashi Mwaami Lesa Shinkusu shoonse ulaakunyumfwa nkumbu pabene Isilaeli bakacaala.

Mika 2:8

Ono Mwaami Lesa waamba ayi, “Mwebo mulalwana bantu bangu anga mbalwani babo. Bashilumamba balapiluka kunkondo kabayeeya ayi kumishaabo taaku cakulisukama. Sombi mwebo mulababelamina ayi mwiipe shakufwala shabo sha peculu.

Mika 7:2

Bantu baluleme bamana mucishi cesu, taaku nabi womwi ululeme uciliimo. Uli woonse utoofwima kucaya muntunyina. Ncakwiila womwi awomwi ulisuni kucatisha mubye mubukonde.

Mika 7:3

Boonse mbantu bacibwene kucita bubi. Alakwe muleli ulisuni kupekwa shipo, shikoombolosha ulisuni makulo, alakwe shinkusu ulaambabo nshaasuni cakutasenga. Bantu abo boonse balacatana pantu pomwi mukupinga kucita bubi.

Sefaniya 3:3

Bacinenenene ba njiyo bali anga ninkalamu shitoobuluma. Boomboloshi ba njiyo bali anga mbaumpe balyabi abo batashiyiiko cifuwa nabi comwi ayi bakalye ciilo.

Luka 19:14

Ono mbaakalinga kwikalaabo mucishi umo tebakalinga kusuni kwaamba ayi abe mwaami. Aboobo bakatuma nkombe pesule ayi, ‘Swebo tatusuni kwaamba ayi uyo muntu abe mwaami wesu.’

Joni 18:40

Mpeeke bakoolobesha ayi, “Sobwe! Tulisuni Balabasi, kuteshi muntu uyu.” (Ono Balabasi uyo wakalinga shikulwanina lwaanguluko.)

Joni 7:7

Mwebo bantu ba mucishi ca panshi tabamupatiteewo, sombi nebo balimpatite mukwiinga lyoonse ndabaambila ayi micito yabo njibiibi.

Bene Loma 1:32

Balishi mulawo wakwe Lesa wakwaamba ayi bantu bacita shintu sha mushobo uyu balyeelete kufwa. Nakubi boobo tabacitibo shintu ishi, sombi balalumbaisha abaabo bashicita.

Bene Loma 12:9

Mulyeelete kuba alusuno lwalushinisho. Amupate bubi akusunisha kucita shintu shibotu.

2 Timoti 3:3

batacite lusuno, batalekelelani, beshikubekesha shikani, batalitibuki, bakali, batasuni shintu shibotu.