Mateyo 9:20 - Baibo Busansulushi Bwa Libuku Ili

²⁰ Ono umwi mwanakashi wakalinga kuciswa bulwashi bwa mukunko myaaka likumi ayobilo, wakesa kwisule lyakwe Jesu akucatabo kweela cisani cakwe.

Mateyo 9:20 Marejeleo ya Msalaba

Mateyo 14:36

akumusenga ayi asuminishe balwashi kukumyabo cakufwala cakwe. Lyalo boonse bakakumyaako, bakaba kabotu.

Maako 6:56

Ncakwiila, kuli koonse nkweenga weendila na washika mumishi, mumandabala anene nabi mumitala, bantu bakalinga kutola balwashi kumisena yakalinga kucanika bantu baanji. Lyalo bakamusenga ayi asuminishe balwashi kukumyabo cakufwala cakwe. Lyalo boonse bakakumyaako, bakaba kabotu.

Dutolonomi 22:12

“Kushakufwala shako, ukanootungilako masambaala kumakonko one oonse.

Maako 8:22

Jesu abashikwiiya bakwe bakashika kuBetisaida. Mpeeke kwakesa bantu bamwi bakaleta musankwa moofu kuli Jesu akusenga ayi amucaate amaansa.

Mateyo 23:5

Balacita shintu shoonse kwaamba ayi bababoone bantu. Balalyaangilila tukomwe tunene ntobabikamo maswi akwe Lesa palyaansa alimwi apankumo, akulaampya mansambaala ashakufwala shabo.

Milimo ya Batumwi 5:15

Ceebo ca shitondesho sha nkusu sha kwiculu shakacita batumwi, bantu baanji bakatola balwashi baanji akubooneka pamalo ampasa mumikwakwa mucanika bantu baanji kwaamba ayi Pita pakwiinda, cimfule cakwe mpashi inga ceenda pabalwashi bamwi.

Milimo ya Batumwi 19:12

Bantu bakalinga kucita na babwesa tutambala nabibo shisani shakasebenseshawo Paulo akutola kubalwashi, malwashi abo akalinga kumana, abalo bashikaswa bakalinga kuswa mubantu.

Mateyo 9:19

Lyalo Jesu wakanyamuka, abashikwiiya bakwe bakamukonkela.