Mateyo 9:2 - Baibo Busansulushi Bwa Libuku Ili

² Mpeeke bantu bamwi bakatola musankwa wakalinga kuyuminite mubili kuli nguwe, kaalete pamacila. Jesu ndyaakabona lushomo lwabo, wakaambila wakalinga kuyuminite mubili ayi, “Kalika moyo ndaba, shibiibi shako shalekelelwa.”

Mateyo 9:2 Marejeleo ya Msalaba

Shikushimikila 9:7

Kolya shakulya shako akusangalala, konwa waini wako amoyo wakusangalala mukwiinga cino nceciindi Lesa ndyaakondwa amicito yako.

Isaya 44:22

Shilubo shanu ndashipalanganya bweenka mbooncita makumbi, ee, shibiibi shanu ndashimanisha bweenka bumana shikuunku macuunsa mukwiinga ndime ndakamulubula.”

Mateyo 14:27

Sombi paciindi ceenka ico Jesu wakabaambila ayi, “Amukalike myoyo! Mutaloondi, ndime.”

Mateyo 4:24

Aboobo impuwo yakushilika kwakwe yakanyumfwika mucishi coonse ca Silya. Mpeeke bantu bakatalika kutola balwashi baanji kuli nguwe abo bakalinga kuciswa cankusu, bakalinga kucite bashikaswa, beshitushita alimwi abayuminite mibili. Alakwe Jesu wakabashilika boonse.

Mateyo 6:12

Amutulekelele shibiibi shesu, bweenka mbotulekelela batubishisha.

Mateyo 8:10

Ono Jesu ndyaakanyumfwa boobo wakakankamana, lyalo wakaambila baabo boonse bakalinga kumukonkela ayi, “Ntoomulwiita calushinisho ayi nshina kubonawo kale lushomo lunene bobulya nabi muIsilaeli!

Mateyo 8:16

Ciindi camuntungulya, bantu bakaleta baanji bakalinga kucite bashikaswa. Lyalo Jesu wakabakusha amaswibo akushilika baabo boonse bakalinga balwashi.

Mateyo 9:22

Mpomunyaawo Jesu wakacebuka, ndyaakamubona wakamwaambila ayi, “Kalika moyo nankashi, lushomo lwako lwakupulusha kubulwashi.” Paciindi ceenka ico, mwanakashi uyo wakaba kabotu.

Mateyo 9:5

Ino ncili cuubu kwaamba ayi, ‘Shibiibi shako shalekelelwa,’ nabi kwaamba ayi, ‘Nyamuka weende?’

Mateyo 9:6

Sombi ntooyanda kwaamba ayi mwishibe ayi MwanaaMuntu ulicite bulemu ankusu shakulekelela shibiibi pacishi ca panshi.” Mpomunyaawo wakaambila uyuminite mubili ayi, “Nyamuka, bwesa macila ako uye kumishaanu.”

Maako 1:32

Ciindi camuntungulya, bantu bakaleta balwashi baanji abaabo bakalinga kucite bashikaswa kuli Jesu.

Maako 10:49

Mpomunyaawo Jesu wakeemikana akwaamba ayi, “Amumwiite.” Mpeeke bakamwiita moofu uyo akumwaambila ayi, “Kalika moyo, nyamuka kosa kuno, utookwiita.”

Maako 5:34

Jesu wakamwaambila ayi, “Nankashi, lushomo lwako lwakupulusha kubulwashi. Koya muluumuno, waba kabotu cancinencine.”

Maako 6:50

Aboobo boonse bakaloonda abuumbi. Sombi paciindi ceenka ico Jesu wakabaambila ayi, “Amukalike myoyo! Mutaloondi, ndime.”

Joni 16:33

Ndamwaambila makani aya kwaamba ayi mube aluumuno mukushoma muli ndime. Mucishi ca panshi mulaakupenshekwa. Nakubi boobo amukalike myoyo, bubi bwa mucishi cino ndabukoma.”

Joni 2:25

Taakalinga kulindila ayi umwi muntu amulwiite shabuumi bwa bantu mukwiinga wakalinga kwishi mwiine shili mumyoyo yabo.

Joni 21:5

Lyalo wakabeepusha ayi, “Mwebo basaankwa, sa mwacayaawo?” Balo bakamukumbula ayi, “Tau, tatukwe kucayaawo.”

Milimo ya Batumwi 14:9

Musankwa uyo wakalinga kushiite kaakutika bwakalinga kwaamba Paulo. Ono Paulo ndyaakabona ayi musankwa uyo ulicite lushomo lwakwaamba ayi ashilikwe, wakamulangishisha.

Milimo ya Batumwi 19:12

Bantu bakalinga kucita na babwesa tutambala nabibo shisani shakasebenseshawo Paulo akutola kubalwashi, malwashi abo akalinga kumana, abalo bashikaswa bakalinga kuswa mubantu.

Milimo ya Batumwi 23:11

Pabushiku bweenka ubo mashiku, Mwaami Jesu wakeemikana pafwaafwi aPaulo akumulwiita ayi, “Yumya moyo! Wapa bukamboni bwa pali ndime muno muJelusalemu, anu amwalo muLoma ulyeelete kucita bweenka mbowacita muno.”

Bene Loma 5:11

Sombi teshi ceeci ceenka, tulasangalala muli Lesa ceebo Mwaami wesu Jesu Klistu wakalengesha ayi alimwi tube beshicibusa bakwe Lesa.

Jemusi 2:18

Ono umwi muntu inga waamba ayi, “Webo ulicite lushomo, nebo ndicite micito ibotu.” Nebo palwaangu inga ndamwaambila ayi, “Ntondeshe mbweenga muntu waba alushomobo lutacite micito, nebo ntookutondesha lushomo kwiinda mumicito yangu.”