Mateyo 9:16 - Baibo Busansulushi Bwa Libuku Ili

¹⁶ “Taaku muntu utunga cimami ca nsalu ipya pacakufwala cikulukulu. Ceebo cimami ico mukukokonyana, nsalu ikulukulu ilakwamuka. Aboobo cilyango cilakomenenaako.

Mateyo 9:16 Marejeleo ya Msalaba

Matalikilo 33:14

Nkambo, amutanjile anebo ndanoosa paniininiini. Ndanoosa mumukanyu ukonsha shifubwa abanike kushikila nkamucane kuEdomu.”

Kulumbaisha 125:3

Bamucita shibi teshi bakatolelele kweendelesha mucishi ca baluleme. Ceebo na batolelela, baluleme abalo inga batalika kucita bubi ubo.

Isaya 40:11

Ulaakunoolama litanga lyakwe lya mbelele anga ngumweembeshi. Ulafukatisha twana twa mbelele mumaansaakwe. Ulatunyamwita pacaamba kufwaafwi amoyo. Ashalo mbelele shine twaana uto ulashibinga cakabotu kabotu.

Mateyo 9:15

Jesu wakabakumbula ayi, “Sa babye shibwiinga inga balila shibwiinga kaacili abo? Sobwe! Sombi ciindi cilaakushika shibwiinga ndyeshi akakushikweewo pali mbabo. Paciindi ico ndyeshi bakalikashe kulya.

Mateyo 9:17

Mbweeke ubo taaku muntu weenga wabika waini upya munkomwe sha shipaya shikulukulu. Mukwiinga nkomwe shilapasuka awalo waini ulatika ankomwe shilanyonyooka. Anu waini upya ulalongelwa munkomwe sha shipaya shipya, aboobo shoonse shobilo shilasungwa kabotu.”

Maako 2:21

“Taaku muntu utunga cimami ca nsalu ipya pacakufwala cikulukulu. Ceebo cimami cipya mukukokonyana, nsalu ikulukulu ilakwamuka mweenka mwakeela cimami. Aboobo cilyango cilakomenenaako.

Luka 5:36

Kuswawaawo Jesu wakabalwiitaawo cikoshanyo ayi, “Taaku muntu weenga wakwamuna cimami kunsalu ipya akutunga pacakufwala cikulukulu. Taakoonshi kucita boobo mukwiinga ubo inga wanyonyoola nsalu iyo alimwi cimami ico inga taceendelani acakufwala ico.

Joni 16:12

“Ndicite maswi akumwaambila aanji, sombi inga tamwaatambuli cakusangalala pacecino ciindi.

1 Bene Kolinto 13:13

Ono pali shintu shotatwe sheshi shikabule kumana. Ishi ndushomo, lulangilo alimwi alusuno. Nakubi boobo pasheeshi, cinene ndusuno.

2 Bene Kolinto 9:12

Ceebo mulimo uyo wa luse taweelibo mukucafwa bashomi mushintu nshebatacite, sombi cibolaawo bantu baanji balalumba Lesa abuumbi.