Mateyo 8:8 - Baibo Busansulushi Bwa Libuku Ili

⁸ Sombi mutanjilili wa bashilumamba wakakumbula ayi, “Nkambo, nsheelete kwaamba ayi inga mwenjila muŋanda yangu. Sombi mwaambebo liswi, musebenshi wangu utooba kabotu.

Mateyo 8:8 Marejeleo ya Msalaba

Matalikilo 32:10

Nebo nsheeleteewo ankuumbu shoonse nshimwakabaasho akushomeka nkomwantondesha nemusebenshi wanu. Ndakasubuka mulonga wa Joodani kaantaciteewo kantu nakaceyi sombibo nkoli, ono ndapiluka amakoto obilo aya.

Kulumbaisha 10:17

Mwebo nobaLesa mulanyumfwa mipailo ya bantu bali mumapensho. Mulabayumyayumya bantu abo akukutika kulila kwabo.

Kulumbaisha 107:20

Wakatuma liswi lyakwe akubashilika. Ee, wakabapulusha ayi batayi mucuumbwe.

Kulumbaisha 33:9

Ceebo wakaambabo liswi, cishi ca panshi cakabaawo, ncakwiila mukwaambabo kwakwe shintu shoonse shakaboneka.

Shakubelenga 20:8

“Bwesa nkoli iyo ili kunembo lya Libokoshi lya Cipangano, ono webo aAloni mubunganye bene Isilaeli boonse. Ono boonse kababweneeko, waambile mwaandami uli waalya, lyalo mutooswa maanshi. Munshila iyi utoolengesha ayi maanshi aswe mumwaandami ayi bene Isilaeli boonse alimwi ashifubwa shabo shinwe.”

Mateyo 3:11

Nebo ntoomubombeka amaanshi kutondesha kwaamba ayi mwasanduka kuswa kushibiibi, sombi uyo utoosa pesule lyangu uleendaawo nkusu pali ndime. Nsheeleteewo akunyamuna nsapato shakwe. Uyo lakwe ulaakumubombeka aMushimu Usalashi alimwi amulilo.

Mateyo 3:14

Sombi Joni wakalinga kusuni kumukakila. Wakamwaambila ayi, “Nebo ndime njelete kubombekwa amwebo, ono mwesa buyani kuli ndime?”

Mateyo 8:3

Mpomunyaawo Jesu wakafungulula lyaansa lyakwe akucata musankwa uyo kaamba ayi, “Ee ndisuni, ba kabotu!” Lyalo manata akamana.

Mateyo 8:7

Lyalo Jesu wakamwaambila ayi, “Ntoosa mukumushilika.”

Mateyo 8:9

Mukwiinga anebo ndimuntu ukonkela milasho ya banene ba pancito alimwi ndicite bashilumamba mboondwiita nsheensuni. Ndacita na ndaambila shilumamba ayi, ‘Koya,’ alakwe ulaya. Na ndaambila shilumamba umwi ayi, ‘Kosa,’ alakwe ulesa. Na ndaambila musebenshi wangu ayi, ‘Cita ici,’ alakwe ulacicita.”

Luka 15:19

Nsheelete kwiitwa alimwi ayi mwanaanu. Sombi mundeele anga ngumusebenshi wanu.’

Luka 15:21

Mwaana uyo wakaambila baishi ayi, ‘Ta, ndakabisha kuli Lesa akuli ndimwe. Nsheelete kwiitwa ayi mwanaanu.’

Luka 5:8

Ndyaakabona boobo, Simoni Pita wakafukama kunembo lyakwe Jesu akwaamba ayi, “Amunshiiye Nkambo, mukwiinga ndimucita shibi!”

Joni 1:27

Lakwe ngootoosa pesule lyangu, sombi nebo nsheelete akukotama kwaamba ayi ŋangulule nsapato shakwe.”