Mateyo 8:31 - Baibo Busansulushi Bwa Libuku Ili

³¹ Ono bashikaswa balya bakakombelela Jesu ayi, “Na mutukuushe, mututandile mulitanga lya nkumba lilya.”

Mateyo 8:31 Marejeleo ya Msalaba

Mateyo 4:24

Aboobo impuwo yakushilika kwakwe yakanyumfwika mucishi coonse ca Silya. Mpeeke bantu bakatalika kutola balwashi baanji kuli nguwe abo bakalinga kuciswa cankusu, bakalinga kucite bashikaswa, beshitushita alimwi abayuminite mibili. Alakwe Jesu wakabashilika boonse.

Mateyo 7:6

“Mutapi bakabwa shintu shisalalite mukwiinga inga bamupilukila bamuluma. Mutapi nkumba shintu shamakwebo ceebo inga shalyatooloobo myeendo.

Mateyo 8:30

Pakalinga litanga linene lya nkumba lyakalinga kulya pafwaafwi ambabo.

Mateyo 8:32

Jesu wakabaambila ayi, “Kamuya.” Mpeeke bakaswaamo akuya mukwinjila munkumba, lyalo litanga lyoonse lyakoondomokela kunkunamo lya kalundu akuya mulweenge molyakaya mukulobela.

Maako 5:12

Mpeeke bashikaswa bakasenga Jesu ayi, “Amututandile mulitanga lya nkumba isho kwaamba ayi twinjile muli nshisho.”

Maako 5:7

Wakoolobesha aliswi lya peculu ayi, “Ino utooyanda kuncita buyani webo Jesu oMwanaakwe Lesa wa kwiculu Wiindaawo? Ndaseenga muliina lyakwe Lesa ayi utampenshi.”

Ciyubululo 12:12

Paceebo ceeco, sekelela webo oliculu alimwi asheesho shoonse shikalaamo! Sombi mapensho kucishi ca panshi alimwi alweenge! Mukwiinga Mubiibi wesa kuli ndimwe abukali butaambiki ceebo ulishi ayi wacaashabo ciindi ciniini.”