Mateyo 8:16 - Baibo Busansulushi Bwa Libuku Ili

¹⁶ Ciindi camuntungulya, bantu bakaleta baanji bakalinga kucite bashikaswa. Lyalo Jesu wakabakusha amaswibo akushilika baabo boonse bakalinga balwashi.

Mateyo 8:16 Marejeleo ya Msalaba

Kulonga 15:26

Wakabaambila ayi, “Na munoonyumfwila amoyo woonse kwiinda mukucita nsheensuni alimwi akukonkela milawo amilasho yangu yoonse, teshi nkamuletelewo malwashi mbuli aayo ngondakaletela bene Ijipiti. Nebo ndime Mwaami Lesa uyo umushilika.”

Mateyo 12:22

Mpomunyaawo bantu bamwi bakaleta musankwa moofu wakalinga kutaamba kuli Jesu ceebo wakalinga kucite shikaswa. Peenka wakamushilika, aboobo wakatalika kwaamba akubona.

Mateyo 14:14

Jesu ndyaakasubuka, wakabona bantu baanji baanji kababungene. Lyalo wakabanyumfwila nkumbu akushilika balwashi mbobakalingaabo.

Mateyo 8:15

Mpeeke Jesu wakabacata palyaansa, lyalo cimpwita cakamana. Bakabuka akutalika kutabataba akumupa shakulya.

Mateyo 8:33

Kuswawaawo abo bakalinga kweembela nkumba isho, bakacica akuya kundabala mukulwiita bantu cakacitika, asheesho shoonse shakacitika kubasankwa bakalinga kucite bashikaswa.

Mateyo 9:2

Mpeeke bantu bamwi bakatola musankwa wakalinga kuyuminite mubili kuli nguwe, kaalete pamacila. Jesu ndyaakabona lushomo lwabo, wakaambila wakalinga kuyuminite mubili ayi, “Kalika moyo ndaba, shibiibi shako shalekelelwa.”

Maako 2:3

Kaaciisha, bantu bamwi bakashika. Ono bone bakalinga kuyumwite musankwa wakalinga kuyuminite mubili.

Maako 5:8

Uyu musankwa wakaamba boobo mukwiinga Jesu wakaamba ayi, “Swa mumusankwa uyu, webo oshikaswa!”

Maako 9:25

Lyalo Jesu ndyaakabona ayi batooya cifulilaako bantu, wakakalalila shikaswa uyo ayi, “Webo oshikaswa, nookasha kunyumfwa akwaamba, ntookulwiita ayi uswe mumusankwa uyu alimwi utakaboolimo lyobilo.”

Luka 13:12

Jesu ndyaakabona mwanakashi uyo wakamwaambila ayi, “Nankashi, waangululwa kubulwashi bwako!”

Luka 4:40

Lisuba ndilyakalinga kwipila abo bakalinga kucite babyaabo bakalinga kuciswa malwashi apusenepusene, bakabaleta kuli Jesu. Wakabacata maansa boonse balwashi, mpeeke bakaba kabotu.

Luka 4:41

Bashikaswa bakaswa mubantu baanji kaboolobesha ayi, “Ndiwe Mwanaakwe Lesa!” Sombi lakwe wakabakalalila akubakasha kwaamba mukwiinga balo bakalinga kumwishi ayi ngoUsalitwe wakwe Lesa.

Milimo ya Batumwi 5:15

Ceebo ca shitondesho sha nkusu sha kwiculu shakacita batumwi, bantu baanji bakatola balwashi baanji akubooneka pamalo ampasa mumikwakwa mucanika bantu baanji kwaamba ayi Pita pakwiinda, cimfule cakwe mpashi inga ceenda pabalwashi bamwi.