Mateyo 7:24 - Baibo Busansulushi Bwa Libuku Ili

²⁴ “Aboobo uyo woonse unyumfwa maswi angu aya akwaacita, uli anga ngumuntu ucite maano wakayakila ŋanda yakwe palibwe.

Mateyo 7:24 Marejeleo ya Msalaba

Jobo 28:28

“Mpeeke Lesa wakaambila muntu ayi, ‘Kuloonda Mwaami Lesa mbobusongo. Kufutatila bubi ndolushibo lwiine lwiine.’ ”

Kulumbaisha 111:10

Kuloonda Mwaami Lesa ngomatalikilo a busongo. Boonse abo bakonkela milasho yakwe mbobacite lushibo lwiine lwiine. Aalumbaishikwe lyoonse alyoonse.

Kulumbaisha 119:130

Kupandulula maswi anu kulapa mumuni, kulapa busongo kuli baabo batabucite.

Kulumbaisha 119:99

Ndicite maano akunyumfwa kwiinda bamafundishi bangu boonse, ceebo ndayeeyabo pakwiisha kwanu.

Tushimpi 10:25

Cipuupu ndicisa cilatolelesha abamucita shibi, sombi baluleme balacaala mobakeemikanina.

Tushimpi 10:8

Moyo wa musongo ulanyumfwila milawo, sombi uyo waamba shabuluya, ulaakunyonyoolwa.

Tushimpi 12:7

Bamucita shibi balanyonyoolwa cakubula kushiya bamulunyungu lwabo, sombi bamuŋanda ya muntu ululeme balaba abuumi.

Tushimpi 14:8

Busongo bwa muntu ucenjete nkutaanguna kuyeeya pamicito yakwe, sombi buluya bwa baluya bulabalubya beene.

Mateyo 12:50

Mukwiinga uyo woonse ucita buyanda baTa bali kwiculu ngunandumi yangu, ngunankashi yangu alimwi mbobama.”

Mateyo 16:18

Ono ntookwaambila ayi ndiwe Pita, aboobo pamwaandami uyu mpweshi nkayakile coonde cangu alimwi nkusu sha lufu teshi shikacikomeewo nalilaampi.

Mateyo 24:45

“Ino nguli musebenshi ushomeka ucite maano? Ngooyo mwaami wakwe ngwaakapa mulimo wakubona babye, akunoobapa cakulya paciindi ceelete.

Mateyo 25:2

Pabamyooye aba, bosanwe bakalinga baluya, sombi bamwi bosanwe bakalinga kucenjete.

Mateyo 25:4

Sombi bacenjete bakayumuna mafuta amwi mumisaashi.

Mateyo 25:9

Bacenjete bakakumbula ayi, ‘Tau, inga aceya na twabaana. Anu mwebo kamuyabo kubeshikuulisha mukoole aanu mafuta.’

Mateyo 7:25

Ono mfula ndiyakaloka, milonga yakesula kwiindilila alimwi amuuwo wakapuupila kuŋanda iyo, sombi taikwe kuwa mukwiinga yakalinga kuyakitwe palibwe.

Mateyo 7:26

“Sombi uyo woonse unyumfwa maswi angu aya akutaakonkela, uli anga ngumuntu muluya wakayakila ŋanda yakwe pamuseese.

Luka 11:28

Sombi Jesu wakakumbula ayi, “Ee, sombi bacite coolwe cinene mbaabo banyumfwa maswi akwe Lesa akucita mbwaamba!”

Joni 13:17

Ono bulya mbomweshiba shintu ishi, mulaakuba acoolwe na mukashiciite.

Joni 14:15

“Na mulinsuni, munanoolama milawo yangu.

Joni 15:10

Na mulakonkela milawo yangu, mulaakukalilila mulusuno lwangu, bweenka mbuli mboonkonkela milawo ya baTa akukalilila mulusuno lwabo.

Joni 15:14

Na kamukonkela kwiisha kwangu, nkokwaamba ayi muli babyaanji.

Bene Loma 2:13

Ceebo bantu tabalulamikwi pameenso akwe Lesa kwiinda mukunyumfwabo Milawo, sombi kwiinda mukucita bwaamba Milawo.

1 Joni 2:3

Na tulakonkela milawo yakwe Lesa, anu inga tweshiba kwaamba ayi tulimwishi.