Mateyo 7:15 - Baibo Busansulushi Bwa Libuku Ili

¹⁵ “Amucenjele abalaluki babeshi. Balesa cakulibombya kuli ndimwe anga nimbelele, anu mukati mbaumpe.

Mateyo 7:15 Marejeleo ya Msalaba

1 Baami 13:18

Lyalo mulaluki mucembele wa kuBetelo wakamulwiita ayi, “Anebo ndi mulaluki bweenka mbuli ndiwe. Mwaami Lesa wantumina munjelo uyo wesa mukundwiita ayi nkutole kumisheesu akuya mukukubamba kabotu.” Nakubi boobo mulaluki mucembele ulya wakalinga kubecabo.

Jelemiya 29:21

Mwaami Lesa Shinkusu shoonse utokwaamba makani aya pali Aabu mwanaakwe Kolaya aSedekiya mwanaakwe Maseiya abo batoomulalukila shabubeshi muliina lyangu. Waamba ayi, ‘Ndaakubaaba mumaansaakwe Nebukadinesa mwaami wa bene Babiloni uyo eshi akabacaaye kamubweneeko.’

Jelemiya 29:32

ncakwiila ndaakumupa mulandu pantu pomwi abamulunyungu lwakwe. Taaku shikamukowa nabibo womwi weshi akacaale alimwi teshi akabonewo shintu shibotu nsheshi nkacitile bantu bangu ceebo wakaambila bantu kubukila ndime neMwaami Lesa. Nebo neMwaami Lesa ndaamba.’ ”

Esekelo 13:16

Ncakwiila balaakuloba balaluki bene Isilaeli abo bakaambila bene Jelusalemu ayi, ‘Kuli luumuno,’ kakuli taaku luumuno. Nebo neMwaami Lesa Shinkusu shoonse ndaamba.”

Esekelo 13:22

“Mwebo mwakalengesha bantu baluleme kutyongola ceebo ca bubeshi bwanu nabi nebo nshina kubaletelawo mapensho. Mwakayuminisha bamucita shibi ayi bataswi kunshila shabo shibiibi mukupulusha buumi bwabo.

Esekelo 22:25

Muli ndiwe muli bamatanjilili abo batoopinga kucaya babyaabo anga ninkalamu itoobuluma pakukwaamoona munyama ngoyacata. Balanyonyoola bantu, kubwesa buboni ashintu shibotu alimwi akulengesha banakashi baanji kucaala bumukalubinje.

Esekelo 22:27

Abalo bacinenenene bali muli ncico bali anga mbaumpe batookwamoona munyama ngobacata. Balatila bulowa mukucaya bantu ayi babile.

Danyelo 11:34

Bantu abo balaakucafwikwa paniini muciindi cabo ca mapensho, sombi baanji beshi bakabe kulubasu lwabo teshi bakanooshomeka.

Mika 3:11

Bamatanjilili baloombolosha na bapekwa makulo. Bapailishi baleeishabo kwaamba ayi balipilwe, abalo balaluki balasansulabo nshebayubulwitwa na kwaba kupekwa maali. Nakubi boobo balicinkite manungo muMwaami Lesa akwaamba ayi, “Mwaami Lesa uli pakati kesu. Aboobo mapensho taakoonshi kutushikila.”

Sekaliya 13:4

“Pabushiku ubo mulaluki woonse ulaakufwa nsoni ceebo ca bulaluki bwakwe. Aboobo teshi akafwalewo shakufwala shabulaluki sha booya ayi acenjeeke bantu alimwi, sobwe.

Mateyo 10:17

Mukabacenjelele bantu ceebo balaakumutola munkuta akumukwiipa mushoonde shabo.

Mateyo 16:11

Ino tamuna kwishibilanshi ayi nshindalinga kumwaambila cikani ca shinkwa? Amucenjele acimena ca baFalisi abaSaduki!”

Mateyo 16:6

Jesu wakabaambila ayi, “Amucenjele acimena ca baFalisi abaSaduki.”

Mateyo 24:11

Kulaakwisa balaluki baanji babeshi abo beshi bakabece bantu baanji.

Mateyo 7:14

Sombi mulyango utola kubuumi butamaani ulishaankene alimwi nshila iyaako ilishupite. Aboobo bantu baikonkela mbaniini.

Luka 12:15

Lyalo Jesu wakaambila bantu abo ayi, “Amucenjele alimwi mulibaambe ayi mutabi bantu basunishi bubile. Ceebo buumi bwa muntu tabubete mukufula kwa buboni mbwaacite.”

Luka 6:26

“Mapensho kuli ndimwe noonse nomwaambwa kuba kabotu kubantu boonse mukwiinga bweenka ubo bamashali babo bakulukulu mbobakalinga kucita kubalaluki babeshi.

Joni 10:12

Sombi mweembeshi wakenjilabo ncito uteshi mwinesho, na wabona umpe keesa kumbelele ulashishiya, wacica. Lyalo umpe ulacatawo shimwi mpeeke shimwi shilapalangana.

Milimo ya Batumwi 13:40

Anu amucenjele kwaamba ayi isho nshebakaamba balaluki bakulukulu shitacitiki kuli ndimwe, shakwaamba ayi,

Milimo ya Batumwi 13:6

Bakeenda kuswa kweela nsumbu akweela kushikila akundabala iitwa ayi Pafosi. Nkomunya uko bakacana muŋanga wiitwa ayi Baajesu, muJuda wakalinga kulibanda ayi ngumulaluki, sombi wakalingabo mubeshi.

Bene Galatiya 2:4

nabi bamwi bakalinga kusuni ayi acitwe boobo. Bantu aba bakalilubyalubya akwinjila mulikoto lya bashomi kwaamba ayi basense lwaanguluko ndotucite muli Klistu Jesu. Bakalinga kusuni kwaamba ayi batulengeshe kuba basha.

Bene Efeso 4:14

Lyalo teshi tukabe alimwi anga mbanike, bali anga mbaabo batootolaanishikwabo amaaba nabi cipuupu cakwiisha kwa bantu babeshi. Balalengesha bantu baanji kushoma shabubeshi kwiinda mumilaka ya bucenjeshi.

Bene Efeso 5:6

Mutaleeki muntu nabi womwi ayi amucenjeeke kwiinda mumaswi atacite ncito mukwiinga sheenka shintu ishi nsheshilengesha Lesa kuba abukali pabantu abo batamunyumfwili.

Bene Filipi 3:2

Amucenjele abantu bacita shibiibi abo bali anga mbakabwa, abo bantu bacikakatisha kupalulwa.

Bene Kolose 2:8

Amucenjele kwaamba ayi kutabi muntu nabi womwi, eshi amubooshe mubusha kwiinda mubusongo bwa buntu bwa bubeshi. Mukwiinga busongo ubu bulaswa kutushiyashiya twa bakulukulu alimwi akumishimu ibiibi itokweendelesha mucishi ca panshi, kuteshi kuli Klistu.

2 Timoti 3:13

Bantu bacita shibiibi abaamba nshebataciti bananoobicilakobo. Bananoobeca bamwi akubecekwa.

2 Timoti 4:3

Ciindi cilaakushikila bantu ndyeshi bakakake kunyumfwa kwiisha kwalushinisho, sombi balaakukonkela shiyanda myoyo yabo kwiinda mukulibunganishisha bafundishi baanji abo beshi bakanokwaamba nshebasuni kunyumfwa.

2 Pita 3:17

Paceebo ceeco mwebo nomusunikwi mukwiinga mulishi kale shintu ishi, mucenjele kwaamba ayi mutatanjililwi kuswa munshila ibotu ashilubo sha bantu aba bamucita shibi, akuwa kuswa kumusena wanu uli kabotu.

1 Joni 4:1

Nomusunikwi, mutanooshoma muntu woonse waamba ayi ulicite Mushimu wakwe Lesa, sombi mulyeelete kubeelesha akubona na ncakwiila mushimu ngobacite ulaswa kuli Lesa. Mulyeelete kucita boobo ceebo balaluki babeshi balibo cishi coonse.

Judi 1:4

Ndakacita boobo mukwiinga bantu bamwi batasuni kucita kuyanda kwakwe Lesa bakenjila mulikoto lyanu cabushishi. Bantu aba balafulunganya lwaanguluko ndotucite kwaamba ayi bacaninemo nshila yakunoocita shintu shilensha nsoni. Peculu lya waawo balakaka Jesu Klistu Mufundishi alimwi ngoMwaami wesu eenkabo. Shamulandu wa bantu aba shakalembwabo kale kale muMalembo akwe Lesa.

Ciyubululo 16:13

Kuswawaawo ndakabona bashikaswa botatwe bakalinga kuboneka anga mbabombwe. Bashikaswa aba bakalinga kuswa mumulomo wa shinshimwe, mulomo wa munyama alimwi awa mulaluki mubeshi.

Ciyubululo 17:6

Mpeeke ndakabona kwaamba ayi mwanakashi uyu wakalinga kukoletwe bulowa bwa bashomi alimwi bwa baabo bakacaikwa ceebo ca kushoma muli Jesu. Ndindakabona boobo, ndakakankamana abuumbi.

Ciyubululo 19:20

Munyama uyo wakacatwa pantu pomwi amulaluki mubeshi uyo wakalinga kucita shaankamiko ceebo ca nguwe. Kwiinda mushaankamiko nshemunya ishi, wakacenjeeka bantu abo bakalinga kucite keshibilo ka munyama alimwi abaabo balambila cibumbwabumbwa cakwe. Mpeeke munyama uyo alimwi amulaluki mubeshi, bakawaalwa mulweenge lwa mulilo uyo unyaka asalufa, kabalasha.

Ciyubululo 20:10

Lyalo Mubiibi uyo wakabacenjeeka, lakwe wakawaalwa mulweenge lwa mulilo alimwi asalufa umo mwakalinga kale munyama uyo alimwi amulaluki mubeshi. Balo balaakunoopenshekwa malumwi amashiku lyoonse alyoonse.