Mateyo 7:13 - Baibo Busansulushi Bwa Libuku Ili

¹³ “Amwinjilile pamulyango ushaankene ceebo mulyango utola mukunyonyoolwa ngunene, ayalo nshila taishuupi. Paceebo ceeco abo bainda nshila iyi mbaanji.

Mateyo 7:13 Marejeleo ya Msalaba

Matalikilo 6:12

Lesa wakabona cishi ca panshi mbocakalinga canjila mucibiibi mukwiinga bantu boonse bakalinga kucitabo shibiibi.

Matalikilo 6:5

Ono Mwaami Lesa ndyaakabona mbuli womwi awomwi pacishi ca panshi mbwaakalinga mububi, akubica kwa miyeeyo yabo ciindi coonse,

Tushimpi 16:25

Kuli nshila bantu njebabona ayi ililuleme, sombi kumeelelesho ilatola kulufu.

Tushimpi 7:27

Ŋanda yakwe ninshila itola kulufu. Njenshila isutula kuya kumusena wa bafu.

Tushimpi 9:6

Amuleke nshila shanu shakubula maano ayi mube abuumi. Amweendele munshila ya maano akunyumfwisha shintu.

Isaya 1:9

Mwaami Lesa naatakwe kuleka bantu bamwi ayi bapuluke, naakwiinga Jelusalemu cino ciindi ulinyonyookete cakumaninina bweenka mbuli Sodoma aGomola.

Isaya 35:8

Lyalo kulaakuba mukwakwa. Mukwakwa uyo ulaakutumbwa ayi, “Mukwakwa wa Basalalite.” Bamucita shibi teshi bakeendeemo umo, sobwe. Ulaakuba wa baabo beelete kweendaamo beenka. Nabibo mashilu a bantu teshi akeendeemo umo.

Isaya 55:7

Mucita shibi ashiye nshila shakwe, ee, shikubisha aleke miyeeyo yakwe ibiibi. Aapilulukile kuMwaami Lesa, alakwe utoomunyumfwila nkumbu. Aapilulukile kuli Lesa mukwiinga ulalekelela cakutalipilaawo nakaceyi.

Mateyo 23:13

“Mapensho kuli ndimwe nobafundishi ba Milawo abaFalisi, mwebo nomwaamba nshemutaciti! Mulacalila bantu mulyango wa muBweene bwa kwiculu. Mwebo nobeene tamusuni kwinjila alimwi mulakasha baabo basuni. [

Mateyo 25:41

“Lyalo ulaakwaambila baabo beshi bakabe kulubasu lwa kucipiko ayi, ‘Amuswe kuli ndime, mwebo nomwakashinganwa! Kamuya kumulilo utamaani uyo wakabambilwa Mubiibi abaanjelo bakwe.

Mateyo 25:46

Mpomunyaawo abo balaakuya kumapensho atamaani, sombi baluleme balaakwinjila mubuumi butamaani.”

Mateyo 3:2

“Amusanduke kuswa kushibiibi shanu mukwiinga Bweene bwakwe Lesa buli pafwaafwi.”

Mateyo 3:8

Amucite ncito shibotu shitondesha ayi mwasanduka kuswa kushibiibi shanu.

Mateyo 7:14

Sombi mulyango utola kubuumi butamaani ulishaankene alimwi nshila iyaako ilishupite. Aboobo bantu baikonkela mbaniini.

Luka 14:33

Amwebo mbocibete bweenka ubo. Nkokwaamba ayi amwebo na mwabula kusuula akushiya shintu shanu shoonse nshemucite, tamukoonshi kuba bashikwiiya bangu.

Luka 9:33

Ndibakalinga kukumbulukabo bantu bobilo abo, Pita wakaambila Jesu ayi, “Nkambo, cabota abuumbi kwaamba ayi tuli waano. Atuyake nkunka shotatwe, imwi ibe yaanu, imwi yakwe Mose alimwi ayakwe Elija.” (Pita taakalinga kwishi ncaakalinga kwaamba.)

Joni 10:9

Ndi mulyango alimwi uyo woonse unjila kwiinda muli ndime ulaakupulushikwa. Ulaakwinjila akuswa alimwi akucana cakulya.

Joni 14:6

Jesu wakakumbula ayi, “Nebo ndi nshila, ndi lushinisho alimwi ndi buumi. Taaku muntu weenga washika kuli baTa, sombibo kwiinda muli ndime.

Milimo ya Batumwi 3:19

Anu amusanduke kuswa kushibiibi shanu, musandukile kuli Lesa kwaamba ayi shibiibi shanu shikushikwe. Na mucite boobo,

Bene Loma 9:22

Mbweeke ubo Lesa mbwaakacita. Wakalinga kusuni kubatondesha bukali bwakwe kwaamba ayi bantu beshibe nkusu shakwe. Nakubi boobo wakanyumfwila nkumbu akulekelela baabo boonse mbwaakalinga kusuni kupa mulandu, abo bakalinga kweelete kunyonyoolwa.

2 Bene Kolinto 4:4

Bantu abo tabashomi ceebo Satana uyo uli anga ngulesa pacishi ca panshi, wabika maano abo mumunshinshe. Ulabakasha kubona mumuni utoomunika pali mbabo, uyo mumuni uswa muMakani Abotu aamba shabulemu bwakwe Klistu. Klistu ngootondesha Lesa mbwaabete.

2 Bene Kolinto 6:17

Aboobo Lesa wakaamba ayi, “Amuswe pakati ka bakunsengwe, mwikale amwebo nweenka. Mutacati cintu citasalalite, lyalo ndaakumutambula.

Bene Galatiya 5:24

Ono abo bali kulubasu lwakwe Klistu bakapopa buumi bwa buntu alimwi asheesho shoonse shisuni buumi ubo pamucilingano.

Bene Filipi 3:19

Kumeelelesho balaakunyonyoolwa mukwiinga lesa wabo nshintu shisangalasha mubili. Aboobo balo balasangalalila mushintu isho sheelete kubapa nsoni alimwi balayeeyabo shintu sha pacishi ca panshi.

1 Joni 5:19

Tulishi kwaamba ayi tuli bakwe Lesa nabi bantu bamwi boonse batokweendeleshekwa aMubiibi.

Ciyubululo 12:9

Lyalo shinshimwe uyu bakamuwaala panshi, njensoka ikulukulu ilya, iitwa ayi Mubiibi nabi Satana, uyo ucenjeeka bantu boonse mucishi ca panshi. Wakawaalwa panshi pantu pomwi abaanjelo bakwe boonse.

Ciyubululo 13:8

Bantu boonse bekala mucishi ca panshi balaakulambila munyama uyu, kukushakobo baabo bacite meena akalembwa mulibuku lya boomi cishi kacitana kulengwa, ee, mulibuku lilya lya Mwanaambelele wakacaikwa.

Ciyubululo 20:15

Uyo woonse utakwe kulembwa liina mulibuku lya boomi, wakawaalwa mulweenge lwa mulilo.

Ciyubululo 20:3

Munjelo wakamuwaala mucilindi citeeli, wacalaako akumataako kwaamba ayi atakacenjeekiwo mishobo ya bantu lyobilo kushikila myaaka iyo ili cuulu ikamaane. Lyalo ndyeshi akaangululwe kwaciindi ciniinibo.