Mateyo 7:12 - Baibo Busansulushi Bwa Libuku Ili

¹² “Nkokwaamba ayi mushintu shoonse amucitile bantu bamwi bweenka mbomusuni ayi bamucitile. Anu uku nkokwiisha kwa Milawo yakwe Mose alimwi akwiisha kwa balaluki bakulukulu.

Mateyo 7:12 Marejeleo ya Msalaba

Esekelo 18:21

“Sombi na mucita shibi wasanduka kuswa kushibiibi shakwe shoonse isho nshaacita, watalika kulama milasho yangu yoonse, akucita shintu shakutanyengelela ashiluleme, muntu uyo ulaakuba abuumi. Ncakwiila teshi akafweewo, sobwe.

Bene Lefi 19:18

Kuteelesha kubisha muntu nabi womwi ayi ceebo alakwe wakamubishisha nabi kutolelela kumupata, sombi amusune mubyaanu bweenka mbomulisuni nobeene. Nebo ndime Mwaami Lesa.

Mika 6:8

Sobwe, Mwaami Lesa wakatulwiita cibotu. Ncaasunibo ayi tucite nceeci: Koombolosha cakutanyengelela, kutondesha lusuno lutamaani akweenda cakulibombya mubushicibusa anguwe.

Malaki 3:5

Mwaami Lesa Shinkusu shoonse utokwaamba ayi, “Ndaakwisa pakati kanu cakutasowa ciindi mukoombolosha. Ndaakushinina beshimampelampela, beshibulale, beshikupa bukamboni bwakubeca, banyengelela beshincito pamaali ngobafola, abaabo banyengelela bamukalubinje banakashi, bana banshiwa alimwi abaswamashi. Nkokwaamba ayi ndaakushinina boonse batandemeki.

Mateyo 5:17

“Mutayeeyi ayi ndakesa mukumanisha Milawo yakwe Mose nabi kwiisha kwa balaluki bakulukulu. Nshikwe kwisa mukushimanisha, sombi kucita kweelana ashilembetwe.

Luka 6:31

Amucitile bantu bamwi bweenka mbomusuni ayi bamucitile.’

1 Timoti 1:5

Mulasho uyu uliimfwi palusuno ulo luswa mumoyo usalalite, miyeeyo iluleme alimwi alushomo lwalushinisho.

Jemusi 2:8

Na ncakwiila mulakonkela mulawo wa Mwaami Lesa ulembetwe muMalembo akwe ayi, “Suna mubyo bweenka mboolisuni omwiine,” ingayi mulacita kabotu.